Dhe thuaj: "Veproni, All-llahu do ta shohë veprën tuaj, edhe i dërguari i Tij e besimtarët, e më vonë do të ktheheni te njohësi i të fshehtës dhe të dukshmes, e do t'ju njoftojë për atë që vepruat.

Myftiu i Shkodrës, Imam Ndriçim SULEJMANI dënon publikisht krimet e komunizmit dhe komunistëve ndaj hoxhallarëve, besimtarëve e mbarë popullit shqiptar

Sot, në këtë ditë të shënuar, në emër të institucionit që përfaqësoj, dënoj publikisht krimet e komunizmit dhe komunistëve ndaj hoxhallarëve, besimtarëve e mbarë popullit shqiptar, sepse dhuna, persekutimi, vrasjet, burgosjet, internimet e gjithë vuajtjet që komunizmi i shkaktoi këtij vend, nuk mund të falen, falja e tyre është e barabartë me miratimin e asaj zie që pllakosi këto njerëz e këtë vend! Njëkohësisht u dërgoj rahmetet dhe lutjet më të sinqerta shpirtrave të martirëve të besimit, të fjalës së lirë, të mendimit të pastër e të ndjenjave besimore të sinqerta!” – 

Në ceremoninë e Mevludit Sherifë, Xhamia e Plumbit, 

9 qershor, 2007. Myftiu Imam Ndriçim Sulejmani