{"id":10909,"date":"2022-06-10T18:04:21","date_gmt":"2022-06-10T18:04:21","guid":{"rendered":"http:\/\/myftinia-shkoder.org\/?p=10909"},"modified":"2022-06-14T06:09:42","modified_gmt":"2022-06-14T06:09:42","slug":"ndahet-nga-jeta-h-hajrullah-jakupi-imam-i-xhamise-luarez","status":"publish","type":"post","link":"https:\/\/myftinia-shkoder.org\/?p=10909","title":{"rendered":"Ndahet nga jeta H. Hajrullah Jakupi, imam i xhamis\u00eb Luar\u00ebz"},"content":{"rendered":"

Dit\u00ebn e xhuma, m\u00eb 10 qershor 2022 n\u00eb pranin\u00eb e shum\u00eb familjar\u00ebve, imam\u00ebve, teolog\u00ebve, besimtar\u00ebve, miqve dhe dashamir\u00ebve nga brenda dhe jasht\u00eb Shqip\u00ebris\u00eb, pas faljes s\u00eb xhenaz\u00ebs n\u00eb xhamin\u00eb e Kirasit, u p\u00ebrcoll me nderim dhe ngush\u00ebllimet m\u00eb t\u00eb sinqerta, i nderuari Haxhi Hajrullah Jakupi, imam i xhamis\u00eb Luar\u00ebz, Nj\u00ebsia Administrative Velipoj\u00eb.<\/p>\n

I pranish\u00ebm n\u00eb k\u00ebt\u00eb xhenaze ishte edhe Myftiu i Shkodr\u00ebs, Imam Muhamed B. Sytari, i cili gjat\u00eb nj\u00eb fjalimi q\u00eb mbajti para qindra besimtar\u00ebve tha se kontributet e H. Hajrullah Jakupit, kan\u00eb vijuar pand\u00ebrprerje gjat\u00eb 32 viteve, pas rihapjes s\u00eb besimit n\u00eb vendin ton\u00eb, sikurse do t\u00eb vijojn\u00eb si udh\u00ebzime e k\u00ebshilla veprat e tij, p\u00ebrmes kujtes\u00ebs dhe trash\u00ebgimis\u00eb familjare brez pas brezi.<\/p>\n

N\u00eb mes t\u00eb tjerave Myftiu tha: \u201cD\u00ebshmia e k\u00ebsaj xhenazeje nuk \u00ebsht\u00eb asgj\u00eb tjet\u00ebr vet\u00ebm se nj\u00eb shenj\u00eb e respektit t\u00eb madh q\u00eb ka l\u00ebn\u00eb n\u00eb zemr\u00ebn e gjith\u00ebsecilit prej nesh, i nderuari Haxhi Hajrullah Jakupi, i cili ka qen\u00eb nj\u00eb burr\u00eb i nderuar dhe nj\u00eb imam dhe kujdestar i nj\u00eb xhamie shembullore si dhe pinjolli i nj\u00eb familjeje t\u00eb nderuar, edukuar me m\u00ebsimet e Kur\u2019anit brez pas brezi, brenda familjes s\u00eb tij, por edhe f\u00ebmij\u00eb t\u00eb t\u00eb gjitha moshave gjat\u00eb misionit t\u00eb tij, si prij\u00ebs fetar n\u00eb xhamit\u00eb e Zotit\u201d.<\/p>\n

Kujtojm\u00eb, se H. Hajrullah Jakupi, Allahu e m\u00ebshiroft\u00eb, n\u00eb aspektin fetar ka studiuar dy vite n\u00eb Medresen\u00eb e Tiran\u00ebs (1965-1967, pra deri n\u00eb vitin q\u00eb u mbyll feja me ligjet fam\u00ebkeqe dhe kriminale komuniste), dhe pas rihapjes s\u00eb fes\u00eb n\u00eb vitin 1990, ka studiuar n\u00eb kursin e kualifikimit t\u00eb imam\u00ebve, p\u00ebr 6 muaj n\u00eb Stamboll t\u00eb Turqis\u00eb.<\/p>\n

Ai ka sh\u00ebrbyer 31 vite n\u00eb m\u00ebnyr\u00eb t\u00eb vazhdueshme si imam dhe kujdestar xhamie n\u00eb Luar\u00ebz, duke qene vazhdimisht nism\u00ebtar kryesor p\u00ebr mir\u00ebmbajtjen e xhamis\u00eb, mbar\u00ebvajtjen e aktivitetit fetar si dhe m\u00ebsimdh\u00ebnien n\u00eb mejtepet fetare, pik\u00ebrisht nga viti 1991 deri q\u00eb dor\u00ebzoi shpirtin e tij tek Krijuesi i Gjithj\u00ebsis\u00eb.<\/p>\n

Myftinia Shkod\u00ebr ngush\u00ebllon gjith\u00eb besimtar\u00ebt, ve\u00e7an\u00ebrisht familjar\u00ebt e H. Hajrullah Jakupit dhe i lutet Zotit t\u00eb Madh\u00ebruar ta fal\u00eb e ta m\u00ebshiroj\u00eb imamin e nderuar dhe ta b\u00ebj\u00eb prej banor\u00ebve t\u00eb xhenetit.<\/p>\n