{"id":1135,"date":"2016-09-12T11:53:44","date_gmt":"2016-09-12T11:53:44","guid":{"rendered":"http:\/\/myftinia-shkoder.org\/?p=1135"},"modified":"2016-10-13T08:37:39","modified_gmt":"2016-10-13T08:37:39","slug":"drejtuesit-e-komuniteteve-fetare-te-pushtetit-lokal-dhe-besimtare-te-shumte-urojne-festen-e-kurban-bajramit","status":"publish","type":"post","link":"https:\/\/myftinia-shkoder.org\/?p=1135","title":{"rendered":"Vizitat e kurban bajramit 1437\/2016"},"content":{"rendered":"

Dit\u00ebn e h\u00ebn\u00eb, m\u00eb 12 shtator 2016, nga ora 9-11 paradite, Myftinia Shkod\u00ebr, organizoi n\u00eb xhamin\u00eb e Parruc\u00ebs pritjen tradicionale me rastin e fest\u00ebs s\u00eb Kurban Bajramit. N\u00eb k\u00ebt\u00eb pritje t\u00eb ngroht\u00eb, merrnin pjes\u00eb an\u00ebtar\u00eb t\u00eb k\u00ebshillit t\u00eb Myftinis\u00eb dhe imam\u00eb t\u00eb Shkodr\u00ebs, t\u00eb cil\u00ebt n\u00ebn drejtimin e teologut Arben Halluni, prit\u00ebn miqt\u00eb dhe besimtar\u00ebt e shumt\u00eb, t\u00eb cil\u00ebt erdh\u00ebn p\u00ebr t\u00eb uruar k\u00ebt\u00eb dit\u00eb t\u00eb madhe feste dhe adhurimi.<\/p>\n

T\u00eb par\u00ebt q\u00eb uruan ishin p\u00ebrfaq\u00ebsuesit e komuniteteve fetare, katolik\u00eb dhe ortodoks, t\u00eb cil\u00ebt p\u00ebrcoll\u00ebn urimet e tyre dhe t\u00eb besimtar\u00ebve p\u00ebrkat\u00ebs, duke uruar gjith\u00eb mysliman\u00ebt fest\u00ebn e Kurban Bajramit. Ata theksuan se shqiptar\u00ebt dhe sidomos shkodran\u00ebt e kan\u00eb tradit\u00eb urimin e festave t\u00eb nj\u00ebri-tjetrit, duke u lutur q\u00eb paqja, toleranca dhe harmonia t\u00eb mbret\u00ebroj\u00eb gjithmon\u00eb n\u00eb mesin e mbar\u00eb njer\u00ebzimit.<\/p>\n

Gjithashtu edhe drejtues t\u00eb pushtetit lokal, t\u00eb Bashkis\u00eb, t\u00eb Qarkut dhe t\u00eb Prefektur\u00ebs, por edhe drejtues t\u00eb partive politike, uruan gjith\u00eb mysliman\u00ebt me rastin e k\u00ebsaj dite t\u00eb madhe sakrifice dhe adhurimi p\u00ebr mbar\u00eb besimtar\u00ebt mysliman\u00eb. Ata shpreh\u00ebn konsiderat\u00ebn e tyre p\u00ebr kontributin e institucionit t\u00eb Myftinis\u00eb Shkod\u00ebr dhe t\u00eb mysliman\u00ebve shkodran\u00eb p\u00ebr harmonin\u00eb dhe toleranc\u00ebn, e cila ekziston n\u00eb qytetin ton\u00eb dhe n\u00eb mbar\u00eb Shqip\u00ebrin\u00eb.<\/p>\n

Po ashtu, besimtar\u00eb t\u00eb shumt\u00eb erdh\u00ebn dhe uruan fest\u00ebn e bukur t\u00eb Kurban Bajramit me urimet m\u00eb t\u00eb ngrohta dhe lutjet m\u00eb t\u00eb mira, p\u00ebr mbar\u00ebsi dhe lumturi t\u00eb gjith\u00eb besimtar\u00ebve mysliman\u00eb dhe paqe, harmoni e toleranc\u00eb n\u00eb mbar\u00eb bot\u00ebn.<\/p>\n

N\u00eb em\u00ebr t\u00eb Myftiut t\u00eb Shkodr\u00ebs, Imam Muhamed Sytari, (i cili k\u00ebt\u00eb vit ndodhet n\u00eb Haxh), t\u00eb Myftinis\u00eb dhe t\u00eb gjith\u00eb besimtar\u00ebve, teologu Arben Halluni fal\u00ebnderoi t\u00eb gjith\u00eb miqt\u00eb dhe besimtar\u00ebt e shumt\u00eb, q\u00eb uruan dhe mor\u00ebn pjes\u00eb n\u00eb ceremonin\u00eb e fest\u00ebs s\u00eb Kurban Bajramit, por edhe besimtar\u00ebt, t\u00eb cil\u00ebt mor\u00ebn pjes\u00eb n\u00eb organizimin dhe mbar\u00ebvajtjen e ceremonis\u00eb me rastin e k\u00ebsaj dite feste, q\u00eb nga falja e namazit t\u00eb sabahut, falja e namazit t\u00eb Kurban Bajramit dhe ceremonia e pritjes s\u00eb miqve dhe besimtar\u00ebve.<\/p>\n