{"id":11375,"date":"2022-10-02T08:40:27","date_gmt":"2022-10-02T08:40:27","guid":{"rendered":"http:\/\/myftinia-shkoder.org\/?p=11375"},"modified":"2022-10-04T08:44:26","modified_gmt":"2022-10-04T08:44:26","slug":"myftiu-i-shkodres-mori-pjese-ne-perurimin-e-xhamise-shqiptare-ebu-hanife-ne-troisdorf-te-gjermanise","status":"publish","type":"post","link":"https:\/\/myftinia-shkoder.org\/?p=11375","title":{"rendered":"Myftiu i Shkodr\u00ebs mori pjes\u00eb n\u00eb p\u00ebrurimin e Xhamis\u00eb Shqiptare “Ebu Hanife” n\u00eb Troisdorf t\u00eb Gjermanis\u00eb"},"content":{"rendered":"

Me ftes\u00eb t\u00eb Qendr\u00ebs Islame Kulturore Shqiptare (Bashk\u00ebsia Islame Shqiptare “Ebu Hanife”), Myftiu i Shkodr\u00ebs, Imam Muhamed B. Sytari<\/span><\/a>, mori pjes\u00eb n\u00eb ceremonin\u00eb e p\u00ebrurimit t\u00eb xhamis\u00eb s\u00eb re shqiptare n\u00eb qytetin Troisdorf t\u00eb Gjermanis\u00eb, q\u00eb u zhvillua dit\u00ebn e shtun\u00eb, m\u00eb 1 tetor 2022.<\/p>\n

N\u00eb nj\u00eb atmosfer\u00eb t\u00eb mrekullueshme, n\u00eb mesin e shum\u00eb personaliteteve t\u00eb shquara islame t\u00eb trojeve tona shqiptare, imam\u00ebve dhe myftiler\u00ebve t\u00eb ardhur nga Zvicra, Gjermania, Belgjika, Maqedonia e Veriut, Kosova e Shqip\u00ebria, autoriteteve vendore, p\u00ebrfaq\u00ebsuesve t\u00eb kishave t\u00eb qytetit, besimtar\u00ebve t\u00eb shumt\u00eb dhe interesimit t\u00eb medias, ceremonia n\u00eb fjal\u00eb, u kthye n\u00eb nj\u00eb fest\u00eb t\u00eb madhe, t\u00eb d\u00ebshmuar p\u00ebr organizimin e p\u00ebrsosur n\u00eb \u00e7do detaj.<\/p>\n

N\u00eb fjal\u00ebn e mbajtur para t\u00eb pranish\u00ebmve, Myftiu i Shkodr\u00ebs, Imam Muhamed B. Sytari, fal\u00ebnderoi organizator\u00ebt dhe krejt kontribuuesit p\u00ebr ngritjen e xhamis\u00eb s\u00eb re shqiptare “Ebu Hanife”, n\u00eb zem\u00ebr t\u00eb Evrop\u00ebs, duke d\u00ebshmuar se shqiptar\u00ebt jan\u00eb ambasador\u00eb t\u00eb vlerave islame dhe atyre komb\u00ebtare, pararoj\u00eb e p\u00ebrhapjes s\u00eb drit\u00ebs islame, kudo n\u00eb per\u00ebndim, sidomos n\u00eb tri dekadat e para t\u00eb k\u00ebtij shekulli, n\u00ebp\u00ebrmjet ngritjes s\u00eb qendrave bashk\u00ebkohore islame dhe xhamive t\u00eb reja n\u00eb shum\u00eb shtete evropiane, p\u00ebr frym\u00ebn e harmonis\u00eb, toleranc\u00ebs dhe respektit njer\u00ebzor, si dhe shembullin e mrekulluesh\u00ebm e largpam\u00ebs n\u00eb kultivimin e vlerave tona, kudo e me k\u00ebdo, pa dallim!<\/p>\n

Myftiu Sytari u lut p\u00ebr mbar\u00ebsi dhe suksese t\u00eb Xhamis\u00eb “Ebu Hanife”, kryesis\u00eb dhe imamit t\u00eb saj, si dhe uroi q\u00eb ky shembull i bukur t\u00eb p\u00ebrhapet gjithandej, si nj\u00eb d\u00ebshmi e padiskutueshme e besnik\u00ebris\u00eb tradicionale t\u00eb shqiptar\u00ebve ndaj fes\u00eb islame dhe amanetit shekullor t\u00eb baballar\u00ebve.<\/p>\n