{"id":11592,"date":"2022-12-23T19:23:12","date_gmt":"2022-12-23T19:23:12","guid":{"rendered":"http:\/\/myftinia-shkoder.org\/?p=11592"},"modified":"2022-12-23T20:00:25","modified_gmt":"2022-12-23T20:00:25","slug":"imam-muhamed-b-sytari-flet-per-integritetin-e-gruas-ne-islam-vajza-ne-islam-meson-dhe-lartesohet-me-dije-jo-ne-bunkeret-e-injorances","status":"publish","type":"post","link":"https:\/\/myftinia-shkoder.org\/?p=11592","title":{"rendered":"Imam Muhamed B. Sytari flet p\u00ebr integritetin e gruas n\u00eb Islam: “Vajza n\u00eb Islam m\u00ebson dhe lart\u00ebsohet me dije, jo n\u00eb bunker\u00ebt e injoranc\u00ebs!”"},"content":{"rendered":"

Imam Muhamed B. Sytari flet p\u00ebr integritetin e gruas n\u00eb Islam: “Vajza n\u00eb Islam m\u00ebson dhe lart\u00ebsohet me dije, jo n\u00eb bunker\u00ebt e injoranc\u00ebs!”<\/strong><\/p>\n

Pas lajmit q\u00eb mori para disa dit\u00ebsh qeveria e Afganistanit, duke i privuar grat\u00eb nga e drejta e shkollimit n\u00eb universitete, ka reaguar imami Muhamed B.Sytari, i cili ka mohuar se nj\u00eb vendim i till\u00eb lidhet me at\u00eb q\u00eb reprezenton islami, transmeton Fol Drejt.<\/p>\n

Duke sjell\u00eb emra e shkurtimisht ngjarje q\u00eb lidhen Pejgamberin Muhamed a.s., Sytari n\u00eb ligj\u00ebrat\u00ebn e tij synon t\u00eb shfaq\u00eb para audienc\u00ebs integritetin q\u00eb ka gruaja n\u00eb islam, trajtimin e barabart\u00eb me gjinin\u00eb mashkullore dhe konkretisht lirin\u00eb e plot\u00eb p\u00ebr t\u2019u shkolluar.<\/p>\n

\u201cKjo nuk ka t\u00eb b\u00ebj\u00eb as me Islam, as me Kuran, as me traditat e Pejgamberit ton\u00eb a.s.. Nuk \u00ebsht\u00eb nj\u00eb vendim islam dhe nuk \u00ebsht\u00eb nj\u00eb vendim q\u00eb e miraton feja islame\u201d, shprehet Sytari duke kund\u00ebrshtuar vendimin e qeveris\u00eb afgane.<\/p>\n

Si\u00e7 thot\u00eb Sytari, islami q\u00eb n\u00eb krye t\u00eb her\u00ebs ka ardh\u00eb p\u00ebr ta fisnik\u00ebruar njeriun, qoft\u00eb mashkull apo fem\u00ebr, e n\u00eb ve\u00e7anti ka ardh\u00eb p\u00ebr ta fisnik\u00ebru vajz\u00ebn, motr\u00ebn, nan\u00ebn, n\u00eb m\u00ebnyr\u00eb specifike.<\/p>\n

Duke iu referuar Pejgamberit Muhamed a.s. dhe respektit e dashuris\u00eb me t\u00eb cilin e trajtonte t\u00eb bij\u00ebn e tij, Fatimen; bashk\u00ebshorten e tij, duke sh\u00ebtitur me t\u00eb, duke e ndihmuar n\u00eb kryerjen e pun\u00ebve t\u00eb sht\u00ebpis\u00eb, imam Sytari m\u00ebton t\u00eb nxjerr\u00eb nj\u00eb shembull prej t\u00eb cilit reflektohet trajtimi i gruas sipas parimeve t\u00eb islamit.<\/p>\n

\u201cN\u00eb prag t\u00eb 2023t\u00ebs, n\u00eb nj\u00eb vend me kultur\u00eb islame, t\u00eb privohen vajzat nga universitetet, kjo \u00ebsht\u00eb nj\u00eb paradoks shum\u00eb i madh, t\u00eb cilin nuk e pranon Kurani, nuk e pranon tradita islame, nuk e miraton tradita e Pejgamberit a.s., e refuzojm\u00eb dhe e kund\u00ebrshtojm\u00eb me t\u00eb madhe dhe kushdo q\u00eb p\u00ebrpiqet t\u2019ia vesh\u00eb islamit k\u00ebt\u00eb, ia kthejm\u00eb mbrapsht me t\u00eb madhe, ngjash\u00ebm si n\u00eb rastin e terrorizmit\u201d, shprehet Sytari.<\/p>\n

\u201cIslami nuk e privon as djalin e as vajz\u00ebn p\u00ebr t\u2019u lart\u00ebsu n\u00eb gradat e nalta t\u00eb dijes, p\u00ebrndryshe nuk do t\u00eb gjenim me dhjet\u00ebra e me qindra emra sahabiesh t\u00eb nderuara prej t\u00eb cilave m\u00ebsuam fen\u00eb e Allahut n\u00ebp\u00ebrmjet transmetimit t\u00eb tyre t\u00eb fjal\u00ebs s\u00eb Pejgamberit a.s.\u201d, shton ai tutje.<\/p>\n

E p\u00ebr ta argumentuar vler\u00ebsimin q\u00eb islami ia b\u00ebn gruas, Sytari p\u00ebrmend shembullin ku rektorja e universitetit t\u00eb par\u00eb \u201cn\u00eb faqen e dheut \u00ebsht\u00eb fem\u00ebr\u201d, njofton Sytari.<\/p>\n

\u201cUniversiteti i par\u00eb ne faqen e dheut \u00ebsht\u00eb drejtuar nga nj\u00eb grua e nderume myslimane. Allahu i lart\u00ebson ata t\u00eb cil\u00ebt kan\u00eb besuar n\u00eb mesin tuaj dhe ata t\u00eb cil\u00ebve u \u00ebsht\u00eb dh\u00ebn\u00eb dija n\u00eb gradat m\u00eb t\u00eb larta\u201d, ky lart\u00ebsim \u00ebsht\u00eb n\u00eb m\u00ebnyr\u00eb absolute p\u00ebr k\u00ebdo, burr\u00eb, grua, vajz\u00eb, djal\u00eb.\u201d<\/p>\n

Sytari argumentet e tij i forcon tutje edhe p\u00ebrmes nj\u00eb hadithi t\u00eb Pejgamberit a.s., n\u00eb t\u00eb cilin thuhet se \u201ck\u00ebrkimi i dituris\u00eb \u00ebsht\u00eb obligim p\u00ebr \u00e7do musliman\u201d, pa kurrfar\u00eb dallimi n\u00eb gjini, b\u00ebn tutje me dije Sytari.<\/p>\n

N\u00eb p\u00ebrforcimin e argumenteve te tij, imami sjell nj\u00eb num\u00ebr t\u00eb madh emrash t\u00eb grave, t\u00eb cilat nga pozicione t\u00eb ndryshme t\u00eb m\u00ebsuesis\u00eb, ndikuan n\u00eb edukimin e arsimimin e emrave t\u00eb m\u00ebdhenj n\u00eb fen\u00eb islame.<\/p>\n

Me hadithin e me shembujt, Sytari synon t\u00eb prezantoj\u00eb karakterin e fes\u00eb islame si nj\u00eb fe e cila nuk e bunkerizon \u201cvajz\u00ebn ton\u00eb, p\u00ebrkushtimi dhe devotshm\u00ebria \u00ebsht\u00eb kudo, m\u00eb shum\u00eb se brenda mureve t\u00eb xhamis\u00eb \u00ebsht\u00eb jasht\u00eb mureve t\u00eb xhamis\u00eb, jasht\u00eb mureve t\u00eb sht\u00ebpis\u00eb\u2026devotshm\u00ebria \u00ebsht\u00eb n\u00eb komunikim me njer\u00ebzit\u201d, thot\u00eb Sytari.<\/p>\n

\u201cVajza jon\u00eb \u00ebsht\u00eb e fisnik\u00ebrume, e respektume, ia hapim dyert e zemr\u00ebs, dyert e mendjes drejt bankave p\u00ebr t\u00eb m\u00ebsu, p\u00ebr t\u2019u eduku, p\u00ebr t\u00eb ba masterin, doktoratur\u00ebn, p\u00ebr t\u00eb jetu me dinjitet, duke ruajtur integritetin e saj, krenarin\u00eb e saj islame, vlerat e saj dhe duke u d\u00ebshmu si njeri q\u00eb p\u00ebrhap t\u00eb mir\u00ebn\u201d, p\u00ebrfundon Sytari, duke p\u00ebrmendur krejt n\u00eb fund Egesta Lopshin, si nj\u00ebr\u00ebn nd\u00ebr shkenc\u00ebtaret m\u00eb t\u00eb famshme t\u00eb fush\u00ebs s\u00eb saj n\u00eb bot\u00eb, e brumosur me kultur\u00ebn islame.<\/p>\n

(www. foldrejt.com)<\/p>\n

Shiko videon e plot\u00eb:<\/p>\n