{"id":1213,"date":"2016-10-12T11:46:11","date_gmt":"2016-10-12T11:46:11","guid":{"rendered":"http:\/\/myftinia-shkoder.org\/?p=1213"},"modified":"2016-10-12T11:46:11","modified_gmt":"2016-10-12T11:46:11","slug":"rrenjet-islamike-te-evropes-liber-me-vlera","status":"publish","type":"post","link":"https:\/\/myftinia-shkoder.org\/?p=1213","title":{"rendered":"\u201cRr\u00ebnj\u00ebt Islamike t\u00eb Evrop\u00ebs\u201d, lib\u00ebr me vlera"},"content":{"rendered":"

Dit\u00ebn e m\u00ebrkur\u00eb, m\u00eb 12 tetor 2016, Myftinia Shkod\u00ebr zhvilloi nj\u00eb bashk\u00ebbisedim rreth librit: \u201cRr\u00ebnj\u00ebt Islamike t\u00eb Evrop\u00ebs\u201d me autor Massimo Jevolella, p\u00ebrkthyer nga z. Zija Vukaj.<\/p>\n

Aktivitetin e hapi teologu Arben Halluni, i cili n\u00eb em\u00ebr t\u00eb Myftinis\u00eb Shkod\u00ebr i uroi mir\u00ebseardhjen t\u00eb pranishm\u00ebve dhe fal\u00ebnderoi p\u00ebrkthyesin Zija Vukaj p\u00ebr pun\u00ebn e tij t\u00eb vlefshme n\u00eb p\u00ebrkthimin e k\u00ebtij libri. Ai theksoi se libra t\u00eb till\u00eb jan\u00eb ftes\u00eb p\u00ebr t\u00eb gjith\u00eb njer\u00ebzit, q\u00eb t\u00eb njohin realitetin rreth Islamit dhe mysliman\u00ebve n\u00eb Evrop\u00eb.<\/p>\n

P\u00ebrkthyesi i librit, z. Zija Vukaj b\u00ebri nj\u00eb p\u00ebrmbledhje t\u00eb librit duke theksuar se d\u00ebshira p\u00ebr p\u00ebrkthimin e librit i lindi menj\u00ebher\u00eb pas leximit t\u00eb tij, duke par\u00eb se libri n\u00eb fjal\u00eb \u00ebsht\u00eb nj\u00eb argument dhe fakt, se Evropa ka n\u00eb rr\u00ebnj\u00ebt e saj qytet\u00ebrimin islam. Ai nd\u00ebr t\u00eb tjera b\u00ebri nj\u00eb jet\u00ebshkrim p\u00ebr autorin e librit, Massimo Jevolella, i cili ka nj\u00eb aktivitet t\u00eb dendur n\u00eb fush\u00ebn e eseistik\u00ebs (\u201cAkme\u201d, \u201cStudime katolike\u201d, \u201cServitium\u201d, \u201cPanorama\u201d, \u201cMillelibri\u201d etij), korrespondent i kulturor n\u00eb \u201cIl Giornale\u201d dhe drejtor n\u00eb \u201cMeridian\u201d.<\/p>\n

Gjithashtu p\u00ebrkthyesi Vukaj ftoj t\u00eb pranishmit dhe k\u00ebdo, q\u00eb ka d\u00ebshir\u00eb t\u00eb m\u00ebsoj\u00eb rreth t\u00eb v\u00ebrtet\u00ebs s\u00eb rr\u00ebnj\u00ebve t\u00eb Evrop\u00ebs, t\u00eb lexojn\u00eb librin \u201cRr\u00ebnj\u00ebt Islamike t\u00eb Evrop\u00ebs\u201d, sepse libri \u00ebsht\u00eb i gjithi fakte dhe t\u00eb v\u00ebrteta, t\u00eb cilat shum\u00eb prej njer\u00ebzve nuk i njohin dhe nuk i kan\u00eb njohur.<\/p>\n

M\u00eb pas fjal\u00ebn e mori teologu Lavdrim Hamja, i cili fal\u00ebnderoi t\u00eb pranishmit p\u00ebr p\u00ebrgjigjen e ftes\u00ebn dhe n\u00eb em\u00ebr t\u00eb Myftiut t\u00eb Shkodr\u00ebs, u p\u00ebrcolli selamet dhe p\u00ebrsh\u00ebndetjet e rastit. Teologu Hamja theksoi se nj\u00eb lib\u00ebr i till\u00eb erdhi n\u00eb koh\u00ebn e duhur, duke ditur se p\u00ebrhapja e islamofobis\u00eb dhe deformimi i imazhit t\u00eb Islamit dhe mysliman\u00ebve, jan\u00eb gj\u00ebra t\u00eb pabaza dhe aspak t\u00eb v\u00ebrteta.<\/p>\n

Islami \u00ebsht\u00eb p\u00ebrhapur gjithmon\u00eb me paqe dhe bindje, e asnj\u00ebher\u00eb me dhun\u00eb. Evropa e mori qytet\u00ebrimin nga Islami dhe mysliman\u00ebt dhe p\u00ebr k\u00ebt\u00eb duhet t\u00eb jet\u00eb mir\u00ebnjoh\u00ebse. Myftinia Shkod\u00ebr ka qen\u00eb dhe do t\u00eb jet\u00eb promotor i p\u00ebr\u00e7imit t\u00eb vlerave, dijes dhe kultur\u00ebs s\u00eb bukur islame dhe myslimane. Ai fal\u00ebnderoi z. Zija Vukaj p\u00ebr p\u00ebrkthimin e tij t\u00eb dobish\u00ebm p\u00ebr mbar\u00eb lexuesit shqipfol\u00ebs.<\/p>\n

K\u00ebt\u00eb aktivitet e p\u00ebrsh\u00ebndet\u00ebn edhe drejtori i Medreses\u00eb, z. Kujtim Dervishi, i cili p\u00ebrmendi kontributin dhe pun\u00ebn e palodhur t\u00eb profesor Zijas\u00eb, q\u00eb po jep n\u00eb fush\u00ebn e let\u00ebrsis\u00eb, me shkrimet, redaktimet dhe p\u00ebrkthimet e tij me vler\u00eb.<\/p>\n

Shkrimtari Xhahid Bushati, fal\u00ebnderoi p\u00ebrkthyesin e librit, z. Vukaj dhe Myftinin\u00eb Shkod\u00ebr p\u00ebr k\u00ebt\u00eb aktivitet, q\u00eb vjen n\u00eb kuad\u00ebr t\u00eb muajit t\u00eb librit, muajit tetor.<\/p>\n

Gjithashtu p\u00ebrsh\u00ebndeti edhe Prof. Dr. Bajram Xhafa, i cili vler\u00ebsoi shum\u00eb librin dhe shtoi se, luft\u00ebrat e b\u00ebra n\u00eb Ballkan kan\u00eb qen\u00eb viktimizim i Islamit dhe i mysliman\u00ebve, duke p\u00ebrmendur faktin e shp\u00ebrnguljes s\u00eb nj\u00eb milion mysliman\u00ebve n\u00eb fund t\u00eb shek. XIX dhe gjithashtu lufta I Bot\u00ebrore dhe luft\u00ebrat ballkanike.<\/p>\n

N\u00eb aktivitet mor\u00ebn pjes\u00eb imam\u00eb, intelektual\u00eb, drejtues t\u00eb Medreses\u00eb, t\u00eb dy deg\u00ebve t\u00eb saj, djem dhe vajza, m\u00ebsues dhe besimtar\u00eb.<\/p>\n