{"id":1305,"date":"2016-10-20T15:39:11","date_gmt":"2016-10-20T15:39:11","guid":{"rendered":"http:\/\/myftinia-shkoder.org\/?p=1305"},"modified":"2016-10-20T15:39:11","modified_gmt":"2016-10-20T15:39:11","slug":"larg-droges-alkoolit-lojrave-te-fatit-bashkebisedim-me-maturante","status":"publish","type":"post","link":"https:\/\/myftinia-shkoder.org\/?p=1305","title":{"rendered":"“Larg drog\u00ebs, alkoolit, lojrave t\u00eb fatit…”, bashk\u00ebbisedim me maturant\u00eb"},"content":{"rendered":"

Paradit\u00ebn e s\u00eb enjtes, m\u00eb 20 tetor 2016, n\u00eb kuad\u00ebr t\u00eb aktiviteteve t\u00eb p\u00ebrbashk\u00ebta n\u00eb mes Myftinis\u00eb Shkod\u00ebr dhe Medreses\u00eb “Haxhi Sheh Shamia”, Myftiu i Shkodr\u00ebs, Imam Muhamed B. Sytari, zhvilloi nj\u00eb bashk\u00ebbisedim me nj\u00eb grup maturant\u00ebsh, rreth fenomeneve t\u00eb d\u00ebmshme, si: droga, alkooli, duhani, lojrat e fatit etj.<\/p>\n

Aktiviteti, q\u00eb u zhvillua n\u00eb nj\u00eb atmosfer\u00eb t\u00eb ngroht\u00eb n\u00eb djepin e dijes dhe edukimit islam, u p\u00ebrqendrua tek mesazhi i Myftiut, i cili nd\u00ebr t\u00eb tjera tha: “T\u00eb gjith\u00eb ne, po ndjekim prej vitesh me shqet\u00ebsim t\u00eb madh p\u00ebrhapjen n\u00eb mas\u00eb t\u00eb alkoolit, duhanit, basteve, t\u00eb quajturave \u201clojra t\u00eb fatit\u201d, kumarit, shthurrjes morale, divorceve p\u00ebr shkak t\u00eb dhun\u00ebs n\u00eb familje, tradh\u00ebtive bashk\u00ebshortore, degradimit t\u00eb moralit dhe zhdukjes s\u00eb turpit n\u00ebp\u00ebrmjet keqp\u00ebrdorimit t\u00eb rrjeteve sociale, si fb, instagrami etj., si dhe s\u00eb fundi, p\u00ebrhapja n\u00eb mas\u00eb e mbjelljes,kultivimit dhe p\u00ebrhapjes s\u00eb bim\u00ebve narkotike dhe drog\u00ebrave t\u00eb ndryshme, q\u00eb po kthehen n\u00eb nj\u00eb gangren\u00eb t\u00eb dhunshme p\u00ebr shoq\u00eberin\u00eb shqiptare, rinin\u00eb n\u00eb ve\u00e7anti!<\/p>\n

Nga pozita e Myftiut t\u00eb Zon\u00ebs Shkod\u00ebr dhe n\u00eb em\u00ebr t\u00eb Myftinis\u00eb Shkod\u00ebr, ftoj t\u00eb gjith\u00eb besimtar\u00ebt musliman\u00eb dhe bashk\u00ebqytetar\u00ebt e mi, rinin\u00eb e shtrenjt\u00eb n\u00eb ve\u00e7anti, t\u00eb distancohen nga krejt sa p\u00ebrmenda m\u00eb lart, sepse konsumimi i duhanit, alkoolit (me krejt llojet e tij), drog\u00ebrave, \u00ebsht\u00eb shkaktar i d\u00ebmeve t\u00eb pallogaritura morale, sh\u00ebndet\u00ebsore, ekonomike, sociale, por jo vet\u00ebm!<\/p>\n

Nj\u00ebkoh\u00ebsisht, t\u00ebrheq v\u00ebmendjen e krejt besimtar\u00ebve dhe bashk\u00ebqytetar\u00ebve t\u00eb mi p\u00ebr t\u00eb mos e humbur koh\u00ebn, sh\u00ebndetin dhe pasurin\u00eb e hallallit pas bixhozit, basteve, kazinove, sepse nuk \u00ebsht\u00eb n\u00eb natyr\u00ebn e muslimanit dhe besimtarit frekuentimi i vendeve ku shkelet fjala e Zotit, ku d\u00ebmtohet familja, ku prishet morali, ku njeriu kthehet n\u00eb skllav i shejtanit t\u00eb mallkuar, epsheve dhe kapri\u00e7ove, tekave dhe err\u00ebsir\u00ebs!”<\/p>\n

Myftiu theksoi gjithashtu, se: “N\u00eb m\u00ebnyr\u00eb kategorike, ne si bashk\u00ebsi fetare, si besimtar\u00eb musliman\u00eb, distancohemi nga k\u00ebto fenomene, sikurse b\u00ebjm\u00eb thirrje publike p\u00ebr t\u00eb gjith\u00eb bashk\u00ebqytetar\u00ebt tan\u00eb dhe institucionet tona, q\u00eb ta ruajm\u00eb vendin, shoq\u00ebrin\u00eb, individin dhe familjen shqiptare nga katastrofa e drog\u00ebs, pijeve deh\u00ebse, bixhozit, basteve, kazinove dhe hashashit!
\nNj\u00ebkoh\u00ebsisht ftojm\u00eb bizneset mbar\u00eb, ato t\u00eb musliman\u00ebve n\u00eb ve\u00e7anti, t\u00eb distancohen nga shitblerja dhe p\u00ebrdorimi i pijeve alkoolike, duhanit dhe drog\u00ebrave, q\u00eb sjellin vet\u00ebm d\u00ebme t\u00eb shum\u00eban\u00ebshme, harame e mallkime hyjnore!”<\/p>\n

Nij\u00eb mesazh plot urt\u00ebsi dha edhe drejtori i Medreses\u00eb, z. Kujtim Dervishi, i cili vler\u00ebsoi k\u00ebto takime si nj\u00eb sensibilizim me dobi, n\u00eb nj\u00eb koh\u00eb, kur gjithandej po p\u00ebrhapen alarmet e rr\u00ebshqitjes s\u00eb rinis\u00eb drejt k\u00ebtyre fenomeneve t\u00eb rrezikshme.<\/p>\n

Ai theksoi se \u00ebsht\u00eb mir\u00ebsi e madhe e Zotit, q\u00eb medresist\u00ebt edukohen me nj\u00eb moral t\u00eb lart\u00eb dhe me nj\u00eb disiplin\u00eb t\u00eb admirueshme fetare dhe shkencore, larg veseve dhe rrezikut t\u00eb tyre.<\/p>\n

Bashk\u00ebbisedimi vijoi me nd\u00ebrhyrjet e vyera t\u00eb maturant\u00ebve, shembuj konkret\u00eb nga p\u00ebrditshm\u00ebria e marr\u00ebdh\u00ebnieve t\u00eb tyre me bashk\u00ebmoshatar\u00eb etj.<\/p>\n

Ky bashk\u00ebbisedim me vler\u00eb u pasurua edhe me nd\u00ebrhyrjet e teolog\u00ebve Arben Halluni dhe Evans Drishti.<\/p>\n