{"id":13749,"date":"2024-02-02T23:15:52","date_gmt":"2024-02-02T23:15:52","guid":{"rendered":"http:\/\/myftinia-shkoder.org\/?p=13749"},"modified":"2024-02-05T07:23:09","modified_gmt":"2024-02-05T07:23:09","slug":"nata-e-madhe-e-israse-dhe-miraxhit-simbol-i-rimekembjes-se-madhe-islame","status":"publish","type":"post","link":"https:\/\/myftinia-shkoder.org\/?p=13749","title":{"rendered":"Nata e Madhe e Isras\u00eb dhe Miraxhit, simbol i rim\u00ebk\u00ebmbjes s\u00eb madhe islame!"},"content":{"rendered":"

Nata e Madhe e Isras\u00eb dhe Miraxhit, simbol i rim\u00ebk\u00ebmbjes s\u00eb madhe islame!<\/strong><\/p>\n

Nata e Madhe e Isras\u00eb dhe Miraxhit, q\u00eb p\u00ebrkon me dat\u00ebn 25 Rexheb 1445 | 6 shkurt 2024, \u00ebsht\u00eb pa dyshim nj\u00eb moment reflektimi p\u00ebr t\u00eb kuptuar forc\u00ebn e besimit dhe mb\u00ebshtetjen e Allahut t\u00eb Madh\u00ebruar n\u00eb jet\u00ebn e t\u00eb D\u00ebrguarit t\u00eb Tij, Hz. Muhammedit (a.s) dhe n\u00eb marr\u00ebdh\u00ebnie me \u00e7do besimtar.<\/p>\n

\u00cbsht\u00eb Nata e mrekullive t\u00eb m\u00ebdha dhe t\u00eb panum\u00ebrta, n\u00ebp\u00ebrmjet t\u00eb cilave, para syve tan\u00eb sh\u00ebnohen disa momente kulminante, q\u00eb na mbajn\u00eb t\u00eb lidhur pas bindjes se \u00e7do gj\u00eb n\u00eb k\u00ebt\u00eb \u00ebsht\u00eb n\u00eb dor\u00ebn e Zotit Nj\u00eb; Ai \u00ebsht\u00eb M\u00ebshiruesi M\u00ebshir\u00ebb\u00ebr\u00ebsi, q\u00eb nuk e braktis besimtarin dhe q\u00eb e lart\u00ebson at\u00eb, edhe n\u00ebse krejt bota ngrihen kund\u00ebr tij.<\/p>\n

Mesazhe t\u00eb shumta, q\u00eb i nevojiten besimtar\u00ebve, u dhan\u00eb nga ligj\u00ebratat dhe hytbet e k\u00ebsaj jave, t\u00eb xhuman\u00eb, m\u00eb 2 shkurt 2024, n\u00eb t\u00eb gjitha xhamit\u00eb e Shkodr\u00ebs.<\/p>\n

N\u00eb xhamin\u00eb e Parruc\u00ebs, imami i saj, H. Naim Drijaj<\/span><\/a> dha mesazhe t\u00eb r\u00ebnd\u00ebsishme q\u00eb lidhen me edukimin e besimtarit dhe nxitjen e durimit dhe bindjes se Allahu nuk e braktis besimdrejtin e p\u00ebrkushtuar.<\/p>\n

Nga hytbeja e xhumas\u00eb, Myftiu i Shkodr\u00ebs, Imam Muhamed B. Sytari<\/span><\/a>, theksoi se \u00ebsht\u00eb me r\u00ebnd\u00ebsi p\u00ebr rinin\u00eb ton\u00eb t\u00eb marr\u00eb bajrakun e Hz. Muhammedit (a.s), p\u00ebr t\u00eb ecur p\u00ebrpara, si prij\u00ebs t\u00eb elitave, si dhe duke u distancuar nga thirrjet dhe propaganda e idhujtaris\u00eb moderne, imoralitetit e mosbesimit.<\/p>\n

N\u00eb xhamin\u00eb “Ebu Bek\u00ebr”, imami i saj, H. Idmir Plaku<\/span><\/a>, shpjegoi etapat e r\u00ebnd\u00ebsishme t\u00eb ngjarjes s\u00eb Isras\u00eb dhe Miraxhit, si m\u00ebsime me dobi p\u00ebr jet\u00ebn e besimtar\u00ebve.<\/p>\n

Nd\u00ebrkoh\u00eb, nga minberi i xhamis\u00eb s\u00eb “Dy Vajzave”, imami i saj, H. Lavdrim Hamja<\/span><\/a>, vuri theksin tek r\u00ebnd\u00ebsia e Mesxhidi Aksas\u00eb n\u00eb jet\u00ebn e musliman\u00ebve, xhamia e shenjt\u00eb, q\u00eb u zgjodh nga Krijuesi i gjith\u00ebsis\u00eb si kible e par\u00eb p\u00ebr musliman\u00ebt dhe vendtakim i krejt t\u00eb d\u00ebrguarve t\u00eb Allahut, p\u00ebrgjat\u00eb historis\u00eb s\u00eb njer\u00ebzimit, n\u00ebn drejtimin e Hz. Muhammedit (a.s).<\/p>\n

Mesazhe t\u00eb shumta u dhan\u00eb n\u00eb k\u00ebt\u00eb dit\u00eb t\u00eb bekuar, sikurse u ftuan besimtar\u00ebt drejt agj\u00ebrimit, p\u00ebrsosjes s\u00eb adhurimeve dhe lutjeve n\u00eb k\u00ebto dit\u00eb t\u00eb begata t\u00eb k\u00ebsaj periudhe t\u00eb bekuar n\u00eb prag t\u00eb Muajit Ramazan.<\/p>\n

Hytbeja e plot\u00eb e mbajtur nga Myftiu i Shkodr\u00ebs, Imam Muhamed B. Sytari n\u00eb xhamin\u00eb e Parruc\u00ebs.<\/a><\/h4>\n