{"id":13886,"date":"2024-02-23T20:26:37","date_gmt":"2024-02-23T20:26:37","guid":{"rendered":"http:\/\/myftinia-shkoder.org\/?p=13886"},"modified":"2024-02-26T07:33:57","modified_gmt":"2024-02-26T07:33:57","slug":"promovohet-libri-me-dy-vellime-keshilla-minberi","status":"publish","type":"post","link":"https:\/\/myftinia-shkoder.org\/?p=13886","title":{"rendered":"Promovohet libri me dy v\u00ebllime “K\u00ebshilla Minberi”"},"content":{"rendered":"

Promovohet libri me dy v\u00ebllime “K\u00ebshilla Minberi”<\/strong><\/p>\n

Pasdit\u00ebn e xhuma, m\u00eb 23 shkurt 2024, Myftinia Shkod\u00ebr organizoi n\u00eb xhamin\u00eb Perash, promovimin e librit m\u00eb dy v\u00ebllime “K\u00ebshilla Minberi”, me autor Adem Shahini, imam-hatib i xhamis\u00eb Perash.<\/p>\n

N\u00eb k\u00ebt\u00eb aktivitet mor\u00ebn pjes\u00eb Myftiu i Shkodr\u00ebs, Imam Muhamed B. Sytari s\u00eb bashku m\u00eb stafin e tij, imam\u00eb, teolog\u00eb, familjar\u00eb e t\u00eb af\u00ebrm t\u00eb autorit, miq e dashamir\u00eb t\u00eb librit, etj.<\/p>\n

Fillimisht, fjal\u00ebn e hapjes e mbajti teologu Arben Halluni, ku mes t\u00eb tjerave tha se: Ky aktivitet q\u00eb vjen n\u00eb kuad\u00ebr t\u00eb Tre Muajve t\u00eb Mir\u00eb, ka si q\u00ebllim t\u00eb spikat\u00eb r\u00ebnd\u00ebsia e minberit t\u00eb k\u00ebshillave dhe mesazheve islame gjat\u00eb hytbeve t\u00eb xhumas\u00eb si dhe p\u00ebr dobin\u00eb q\u00eb sjellin ato tek besimtar\u00ebt, t\u00eb cil\u00ebt i p\u00ebrkushtohen etik\u00ebs s\u00eb prezantimit, d\u00ebgjimit dhe respektit n\u00eb p\u00ebrgjith\u00ebsi t\u00eb k\u00ebsaj tribun\u00eb t\u00eb vyer fetare.<\/p>\n

Myftiu i Shkodr\u00ebs, Imam Muhamed B. Sytari n\u00eb fjal\u00ebn e tij, pasi uroi dhe p\u00ebrg\u00ebzoi imamin e xhamis\u00eb s\u00eb Perashit, H. Adem Shahni, theksoi se: “Autori p\u00ebrmes k\u00ebtij botimi me dy v\u00ebllime jo vet\u00ebm q\u00eb ka pasuruar bibliotek\u00ebn e gjithsecilit me tema t\u00eb dobishme, por ka sjell n\u00eb v\u00ebmendje se sa r\u00ebnd\u00ebsi dhe vler\u00eb ka minberi i hytbes, i cili \u00ebsht\u00eb nj\u00eb nga simbolet e Islamit dhe mbi t\u00eb gjitha trash\u00ebgimi e Pejgamberit ton\u00eb t\u00eb dashur (a.s)”.<\/p>\n

Nj\u00eb v\u00ebshtrim mbi librin dhe vlerat e tij, ishte referati i mbajtur nga imami i xhamis\u00eb s\u00eb D\u00ebrgutit, Ensar Ismajlaj, i cili u ndal te r\u00ebnd\u00ebsia e librit, i cili sipas tij pasqyron tema t\u00eb p\u00ebrzgjedhura t\u00eb besimit, adhurimit, moralit, ngjarjeve t\u00eb ndryshme islame, sipas koh\u00ebs dhe situatave. H. Ismajlaj gjithashtu vuri n\u00eb dukje edhe metodologjin\u00eb e autorit, mesazhet dhe konkluzionet q\u00eb dalin nga secila tem\u00eb dhe k\u00ebshill\u00eb e minberit t\u00eb hytbes s\u00eb xhuma.<\/p>\n

Me shum\u00eb k\u00ebnaq\u00ebsi, u prit fjala e autorit, Adem Shahini, i cili fal\u00ebnderoi Myftinin\u00eb e Shkodr\u00ebs dhe n\u00eb ve\u00e7anti Myftiun p\u00ebr organizmin e k\u00ebtij promovimi, bashk\u00ebpun\u00ebtor\u00ebt e tij q\u00eb b\u00ebn\u00eb t\u00eb mundur daljen n\u00eb drit\u00eb t\u00eb k\u00ebtyre botimeve si dhe familjen p\u00ebr p\u00ebrkrahjen dhe m\u00ebkimin e tyre p\u00ebr t’i sh\u00ebrbyer thirrjes islame me metodat m\u00eb t\u00eb mira t\u00eb mundshme.<\/p>\n

Aktiviteti u p\u00ebrsh\u00ebndet edhe nga prof. Ahmed Bori\u00e7i, i cili uroi autorin p\u00ebr botimin e k\u00ebtyre dy librave dhe p\u00ebrfitimin q\u00eb ai ka p\u00ebrjetuar edhe gjat\u00eb d\u00ebgjimit t\u00eb k\u00ebshillave n\u00eb hytbet e ndryshme t\u00eb dit\u00ebve t\u00eb xhuma.<\/p>\n

N\u00eb fund t\u00eb aktivitetit, p\u00ebr pjes\u00ebmarr\u00ebsit u shp\u00ebrnda falas libri i ri i promovuar “K\u00ebshilla Minberi”.<\/p>\n