{"id":1391,"date":"2016-11-12T12:53:34","date_gmt":"2016-11-12T12:53:34","guid":{"rendered":"http:\/\/myftinia-shkoder.org\/?p=1391"},"modified":"2016-11-12T12:53:34","modified_gmt":"2016-11-12T12:53:34","slug":"promovohet-permbledhja-e-vepres-sahihul-buhari","status":"publish","type":"post","link":"https:\/\/myftinia-shkoder.org\/?p=1391","title":{"rendered":"Promovohet p\u00ebrmbledhja e vepr\u00ebs “Sahihul-Buhari”"},"content":{"rendered":"

Paradit\u00ebn e s\u00eb shtun\u00ebs, m\u00eb 12 n\u00ebntor 2016, Myftinia Shkod\u00ebr, organizoi nj\u00eb tribun\u00eb shkencore n\u00eb kuad\u00ebr t\u00eb promovimit t\u00eb vepr\u00ebs s\u00eb Imam Buhariut, p\u00ebrmbledhja e s\u00eb cil\u00ebs \u00ebsht\u00eb p\u00ebrkthyer dhe botuar edhe n\u00eb gjuh\u00ebn shqipe.<\/p>\n

Imam\u00eb, intelektual\u00eb, drejtues t\u00eb shoqatave islame, t\u00eb rinj dhe besimtar\u00eb t\u00eb shumt\u00eb shpreh\u00ebn interesimin e tyre p\u00ebr k\u00ebt\u00eb aktivitet, q\u00eb vjen edhe n\u00eb kuad\u00ebr t\u00eb p\u00ebrkujtimit t\u00eb 26 vjetorit t\u00eb rihapjes s\u00eb xhamis\u00eb s\u00eb par\u00eb, m\u00eb 16 n\u00ebntor 2016, pas periudh\u00ebs s\u00eb gjat\u00eb t\u00eb persekutimit gjys\u00ebmshekullor mbi Islamin dhe musliman\u00ebt n\u00eb Shqip\u00ebri.<\/p>\n

N\u00eb k\u00ebt\u00eb aktivitet referuan, teologu Lavdrim Hamja, imam i xhamis\u00eb s\u00eb “Dy Vajzave”, Imam Muhamed B. Sytari, Myfti i Zon\u00ebs Shkod\u00ebr, teologu Ruzhdi Plangaj, imam i xhamis\u00eb Kiras, si dhe p\u00ebrsh\u00ebndeti aktivitetin, H. Edmir Smajlaj, Myfti i Mal\u00ebsis\u00eb s\u00eb Madhe.<\/p>\n

Gjat\u00eb k\u00ebsaj tribune shkencore, u evidentuan vlerat dhe madh\u00ebshtia e Imam Buhariut, si nj\u00eb nd\u00ebr personalitetet m\u00eb t\u00eb shquara t\u00eb historis\u00eb islame, vepra e t\u00eb cilit mbetet pik\u00eb referimi p\u00ebr mbar\u00eb ymetin islam.<\/p>\n

Imami i shquar dhe muhadithi m\u00eb i famsh\u00ebm i shekujve, Muhammed ibn Ismail El-Buhari, u lind n\u00eb vitin 194 h., n\u00eb qytetin e Buharas\u00eb, q\u00eb sot bie n\u00eb Republik\u00ebn e Uzbekistanit.<\/p>\n

Arritja kryesore e aktivitetit t\u00eb tij dituror, \u00ebsht\u00eb pa dyshim libri i tij: \u201cEs-Sahih\u201d, p\u00ebr shkrimin e t\u00eb cilit na tregon: \u201cE kam shkruar \u201cSahihun\u201d n\u00eb nj\u00eb periudh\u00eb prej 16 vjet\u00ebsh, hadithet e t\u00eb cilit i kam nxjerr\u00eb nga gjasht\u00ebqind mij\u00eb hadithe. Ky lib\u00ebr \u00ebsht\u00eb argument n\u00eb mes meje dhe All-llahut t\u00eb Madh\u00ebruar\u201d<\/p>\n

Imam Buhariu u lind dit\u00ebn e xhuma, pas namazit t\u00eb xhumas\u00eb n\u00eb t\u00eb tremb\u00ebdhjet\u00ebn dit\u00eb t\u00eb muajit Shevval, n\u00eb vitin 194 h. dhe vdiq nat\u00ebn e shtun\u00eb, n\u00eb prag t\u00eb namazit t\u00eb jacis\u00eb, nat\u00ebn e Fit\u00ebr Bajramit. U varros pas namazit t\u00eb Bajramit, t\u00eb shtun\u00ebn e 1 Shevvalit, n\u00eb vitin 256 h. Jetoi 62 vjet, pa 13 dit\u00eb.<\/p>\n

T\u00eb pranish\u00ebmve n\u00eb k\u00ebt\u00eb aktivitet, Myftinia Shkod\u00ebr i dhuroi botimin e p\u00ebrmbledhjes “Sahihul-Buhari”.<\/p>\n