{"id":14779,"date":"2024-06-06T23:41:16","date_gmt":"2024-06-06T23:41:16","guid":{"rendered":"https:\/\/myftinia-shkoder.org\/?p=14779"},"modified":"2024-06-07T08:57:24","modified_gmt":"2024-06-07T08:57:24","slug":"ceremoni-festive-ne-nder-te-haxhilereve-shkodrane-1445-2024","status":"publish","type":"post","link":"https:\/\/myftinia-shkoder.org\/?p=14779","title":{"rendered":"Ceremoni festive n\u00eb nder t\u00eb haxhiler\u00ebve shkodran\u00eb \u2013 1445\/2024"},"content":{"rendered":"

Ceremoni festive n\u00eb nder t\u00eb haxhiler\u00ebve shkodran\u00eb \u2013 1445\/2024<\/strong><\/p>\n

Pasdit\u00ebn e s\u00eb enjtes, m\u00eb 6 qershor 2024, n\u00eb xhamin\u00eb e Parruc\u00ebs, Myftinia Shkod\u00ebr organizoi ceremonin\u00eb festive, n\u00eb nder t\u00eb 51 haxhiler\u00ebve shkodran\u00eb, q\u00eb k\u00ebt\u00eb vit do t\u00eb jen\u00eb pjes\u00eb e ritualeve t\u00eb Haxhit 2024\/1445.<\/p>\n

Pas leximit e nj\u00eb pjese kur\u2019anore t\u00eb k\u00ebnduar nga Shejkh Muhammed Siddik El-Minshavi, shfaqur n\u00eb monitor, teologu Arben Halluni b\u00ebri hapjen e aktivitetit q\u00eb pasoi me nga nj\u00eb p\u00ebrsh\u00ebndetje dhe urim nga imam\u00ebt e xhamis\u00eb Parruc\u00eb, H. Naim Drijaj dhe H. Durim Kasemi.<\/p>\n

Nd\u00ebrsa, Myftiu i Shkodr\u00ebs, Imam Muhamed Sytari, p\u00ebrcolli mesazhin e tij duke iu drejtua t\u00eb pranishm\u00ebve p\u00ebr Haxh t\u00eb pranuar nga Allahu (xh.sh), p\u00ebr t\u00eb p\u00ebrfituar nga mir\u00ebsit\u00eb e atyre tokave t\u00eb shenjta, ku mblidhen miliona besimtar\u00eb nga mbar\u00eb bota p\u00ebr t\u00eb kryer ritualin e jet\u00ebs, Haxhin, si nj\u00eb prej pes\u00eb kushteve t\u00eb Islamit.<\/p>\n

Sikurse, Myftiu u k\u00ebrkoi haxhiler\u00ebve t\u00eb sivjetsh\u00ebm q\u00eb p\u00ebrve\u00e7 lutjes p\u00ebr veten familjen, vendin, t\u00eb mos harrojn\u00eb lutje t\u00eb ve\u00e7ant\u00eb p\u00ebr v\u00ebllez\u00ebrit e tyre n\u00eb Palestin\u00ebn martire, n\u00eb dit\u00ebn e Arafatit, n\u00eb momentin e daljes para Qabes s\u00eb Madhnueshme, me u lut\u00eb p\u00ebr v\u00ebllez\u00ebrit dhe motrat tuaj, t\u00eb cil\u00ebt jo vet\u00ebm nuk kan\u00eb mund\u00ebsi t\u00eb jen\u00eb pjes\u00eb n\u00eb ritualin e haxhit, por as nuk kan\u00eb mund\u00ebsi t\u00eb ndjekin Haxhin nga ekrani, si\u00e7 e ndjekim ne n\u00eb mjediset tona, sepse nuk kan\u00eb sht\u00ebpi, sepse u jan\u00eb bombarduar, djeg\u00eb e asgj\u00ebsuar para syve t\u00eb bot\u00ebs s\u00eb dhun\u00ebs dhe gjenocidit..!<\/p>\n

N\u00eb vijim t\u00eb k\u00ebsaj ceremonie ishte prezantimi i disa recitimeve nga nx\u00ebn\u00ebsit e mejtepit t\u00eb xhamis\u00eb Bardhaj dhe shfaqja e dokumentarit \u201cZemzemi, Uji i Bekuar\u201d.<\/p>\n

Momenti m\u00eb i bukur n\u00eb fund t\u00eb k\u00ebsaj ceremonie ishte thirrja e emrave t\u00eb haxhiler\u00ebve p\u00ebr marrjen e ihramit dhe dokumenteve t\u00eb Haxhit.<\/p>\n