{"id":14952,"date":"2024-06-16T10:08:18","date_gmt":"2024-06-16T10:08:18","guid":{"rendered":"https:\/\/myftinia-shkoder.org\/?p=14952"},"modified":"2024-06-17T21:19:10","modified_gmt":"2024-06-17T21:19:10","slug":"tekbiret-dhe-lutjet-e-kurban-bajramit-mbulojne-shkodren-me-paqe-e-drite","status":"publish","type":"post","link":"https:\/\/myftinia-shkoder.org\/?p=14952","title":{"rendered":"Tekbiret dhe lutjet e Kurban Bajramit mbulojn\u00eb Shkodr\u00ebn me paqe e drit\u00eb!"},"content":{"rendered":"

Tekbiret dhe lutjet e Kurban Bajramit mbulojn\u00eb Shkodr\u00ebn me paqe e drit\u00eb!<\/strong><\/p>\n

Dit\u00ebn e diel, m\u00eb 16 qershor 2024, n\u00eb sheshin Fush\u00eb \u00c7el\u00eb, bri xhamis\u00eb s\u00eb madhe, \u201cEbu Bek\u00ebr\u201d, u zhvillua ceremonia e faljes s\u00eb Kurban Bajramit, m\u00eb pjes\u00ebmarrjen e mij\u00ebra besimtar\u00ebve t\u00eb qytetit t\u00eb Shkodr\u00ebs.<\/p>\n

Pas faljes s\u00eb namazit t\u00eb sabahut, n\u00ebn drejtimin e H. Ensar Ismajlaj, filloi edhe programi i ceremonis\u00eb s\u00eb k\u00ebsaj feste t\u00eb begat\u00eb me ligj\u00ebrimet plot vler\u00eb dhe dobi, t\u00eb mbajtura nga: H. Ensar Ismajlaj, imam i xhamis\u00eb s\u00eb D\u00ebrgutit, H. Naim Drijaj, imam i xhamis\u00eb s\u00eb Parruc\u00ebs, Imam Didmar Faja, Kryetar i Komunitetit Mysliman Shqiptar t\u00eb Arizon\u00ebs dhe Imam i United Islamic Center of Arizona – ShBA, si dhe Myftiu i Shkodr\u00ebs, Imam Muhamed B. Sytari.<\/p>\n

N\u00eb ligj\u00ebrimet e tyre, ata hodh\u00ebn drit\u00eb p\u00ebr simbolik\u00ebn, mesazhet dhe m\u00ebsimet, q\u00eb mbart dita e madhe e Kurban Bajramit, ashtu si\u00e7 fol\u00ebn edhe p\u00ebr vlerat e familjes, respektin ndaj prind\u00ebrve, edukimin e f\u00ebmij\u00ebve, etj.<\/p>\n

Nd\u00ebrsa, Myftiu i Shkodr\u00ebs, Imam Muhamed B. Sytari, n\u00eb fjal\u00ebn e tij u ndal te r\u00ebnd\u00ebsia e ruajtjes s\u00eb tabanit t\u00eb vlerave t\u00eb familjes, mbrojtjes s\u00eb saj nga sprovat e devijimit, shthurjes, thirrjeve p\u00ebr prishjen e familjes, etj.<\/p>\n

Myftiu u shpreh, se: “N\u00eb nj\u00eb shoq\u00ebri, si shoq\u00ebria shqiptare, q\u00eb \u00ebsht\u00eb m\u00ebkuar dhe edukuar n\u00eb duart e prij\u00ebsve fetar\u00eb, n\u00eb duart e atyre q\u00eb e kan\u00eb pasur frik\u00eb Zotin dhe e kan\u00eb dashur nj\u00ebri-tjetrin, musliman\u00eb dhe t\u00eb krishter\u00eb, n\u00eb nj\u00eb vend si ky, q\u00eb e ka bekuar Zoti i gjith\u00ebsis\u00eb me mir\u00ebsi t\u00eb panum\u00ebrta, t\u00eb vij\u00eb nj\u00eb dit\u00eb, q\u00eb n\u00eb vendin m\u00eb t\u00eb lart\u00eb dhe n\u00eb foltoret m\u00eb t\u00eb larta t\u00eb kombit t\u00eb flitet e t\u00eb diskutohet p\u00ebr projektligje q\u00eb shkat\u00ebrrojn\u00eb familjen, q\u00eb prishin t\u00eb ardhmen e shoq\u00ebris\u00eb, q\u00eb lejojn\u00eb dhe hapin rrug\u00ebn drejt disa modeleve dekadente p\u00ebr t\u00eb cilat Kur’ani Fam\u00eblart\u00eb na tregon, se kan\u00eb merituar nd\u00ebshkimet m\u00eb t\u00eb frikshme nga Zoti i gjith\u00ebsis\u00eb shekuj e shekuj m\u00eb p\u00ebrpara – Zot na fal dhe na udh\u00ebzo; o Allah udh\u00ebzoji t\u00eb par\u00ebt e k\u00ebtij vendi, o Allah udh\u00ebzoji ata, q\u00eb jan\u00eb p\u00ebrzgjedhur nga ky popull p\u00ebr t\u00eb drejtuar p\u00ebr t\u00eb mir\u00ebn e tij, o Allah udh\u00ebzoji p\u00ebr t\u00eb mbajtur amanetin dhe p\u00ebr t\u00eb dal\u00eb me faqe t\u00eb bardh\u00eb”.<\/p>\n

Ceremoni e faljes s\u00eb Kurban Bajramit pati nj\u00eb jehon\u00eb t\u00eb madhe n\u00eb mediat lokale dhe komb\u00ebtare, duke e transmetuar direkt faljen, por edhe duke i b\u00ebr\u00eb jehon\u00eb fjal\u00ebs s\u00eb Myftiut t\u00eb Shkodr\u00ebs, i cili vuri theksin fort te mbrojta e familjes dhe ruajtja e vlerave fetare dhe komb\u00ebtare.<\/p>\n

Ky manifestim madh\u00ebshtor u mbyll me urimet dhe lutjet e fest\u00ebs s\u00eb Kurban Bajramit n\u00eb mesin e besimtar\u00ebve.<\/p>\n

Kliko k\u00ebtu p\u00ebr ta ndjekur t\u00eb plot\u00eb ceremonin\u00eb e Kurban Bajramit<\/a><\/strong><\/p>\n