{"id":15150,"date":"2024-06-29T17:18:56","date_gmt":"2024-06-29T17:18:56","guid":{"rendered":"https:\/\/myftinia-shkoder.org\/?p=15150"},"modified":"2024-07-08T06:31:37","modified_gmt":"2024-07-08T06:31:37","slug":"aktivitet-i-madh-i-konkursit-te-12-te-me-nxenesit-e-mejtepeve-te-xhamive-te-shkodres","status":"publish","type":"post","link":"https:\/\/myftinia-shkoder.org\/?p=15150","title":{"rendered":"Aktivitet i madh i konkursit t\u00eb 12-t\u00eb me nx\u00ebn\u00ebsit e mejtepeve t\u00eb xhamive t\u00eb Shkodr\u00ebs"},"content":{"rendered":"

Aktivitet i madh i konkursit t\u00eb 12-t\u00eb me nx\u00ebn\u00ebsit e mejtepeve t\u00eb xhamive t\u00eb Shkodr\u00ebs<\/p>\n

Dit\u00ebn e shtun\u00eb, m\u00eb 29 qershor 2024, n\u00eb ambientet e kompleksit \u201cZmijani\u201d, Myftinia Shkod\u00ebr, p\u00ebrmes sektorit t\u00eb arsimit organizoi aktivitetin e madh t\u00eb konkursit fetar, edicioni i 12-t\u00eb midis kurseve fetare, t\u00eb cilat organizohen n\u00eb xhamit\u00eb e Shkodr\u00ebs.<\/p>\n

Aktiviteti q\u00eb mblodhi mbi 700 nx\u00ebn\u00ebs nga 48 xhami filloi sipas programit me hapjen e drejtuesit t\u00eb arsimit, teologut Arben Halluni, i cili pasi i uroj mir\u00ebseardhjen nx\u00ebn\u00ebsve frekuentues sistematik\u00eb n\u00eb mejtepet e xhamive, u foli p\u00ebr r\u00ebnd\u00ebsin\u00eb q\u00eb ka kjo dit\u00eb e ve\u00e7ant\u00eb p\u00ebr ta, tashm\u00eb e kthyer n\u00eb tradit\u00eb, e q\u00eb frym\u00ebzon p\u00ebr besim, adhurim, edukat\u00eb, kultur\u00eb, respekt, tradit\u00eb, v\u00ebllaz\u00ebri dhe harmoni me t\u00eb gjith\u00eb.<\/p>\n

Aktiviteti i konkursit t\u00eb madh fetar u shoq\u00ebrua me veprimtari t\u00eb shumta sportive e zbavit\u00ebse, si dhe lojra animatore n\u00eb ambientet e kompleksit, t\u00eb menaxhuar nga tre m\u00ebsues p\u00ebrkat\u00ebs.<\/p>\n

N\u00eb fund u zhvilluan programe me biseda, k\u00ebndim nga Kur\u2019ani Fam\u00eblart\u00eb, etj, si dhe u mbajt ceremonia e shpalljes s\u00eb fituesve, ku juria e p\u00ebrb\u00ebr\u00eb nga imam\u00ebt H. Naim Drijaj, H. Samel Haxhia dhe H. Osman Ozmagden vendos\u00ebn n\u00eb baz\u00eb t\u00eb pik\u00ebve maksimale p\u00ebr \u00e7mimin e par\u00eb: Albana Bylibyli, xhamia Mjed\u00eb, \u00e7mimi i dyt\u00eb: Ensara Sulaj, xhamia Mes-Myselim, dhe \u00e7mimi i tret\u00eb: Abdullah Karmaj, xhamia Boks.<\/p>\n

Nd\u00ebrsa \u00e7mimi p\u00ebr z\u00ebrin e bukur n\u00eb leximin e Kur\u2019anit iu dha nx\u00ebn\u00ebsi: Erit Veroshaj, xhamia Bushat.<\/p>\n

Sektori i arsimit, pran\u00eb Myftinis\u00eb Shkod\u00ebr dha edhe \u00e7mime (flet\u00eb lavd\u00ebrimi) p\u00ebr 6-t\u00eb nx\u00ebn\u00ebsit, q\u00eb kan\u00eb spikatur gjat\u00eb konkursit fetar dhe gjithashtu t\u00eb dalluar n\u00eb procesin m\u00ebsimor t\u00eb mejtepit fetar.<\/p>\n