{"id":1532,"date":"2016-12-14T20:25:17","date_gmt":"2016-12-14T20:25:17","guid":{"rendered":"http:\/\/myftinia-shkoder.org\/?p=1532"},"modified":"2016-12-14T20:25:17","modified_gmt":"2016-12-14T20:25:17","slug":"sesion-shkencor-mbi-aktivitetin-e-dijetarit-shqiptar-h-ali-ulqinaku","status":"publish","type":"post","link":"https:\/\/myftinia-shkoder.org\/?p=1532","title":{"rendered":"Sesion shkencor mbi aktivitetin e dijetarit shqiptar, H. Ali Ulqinaku"},"content":{"rendered":"

Pasditen e s\u00eb m\u00ebrkur\u00ebs, m\u00eb 14 dhjetor 2016, Myftinia Shkod\u00ebr organizoi nj\u00eb sesion shkencor mbi jet\u00ebn dhe aktivitetin e dijetarit t\u00eb shquar t\u00eb trojeve tona, Hafiz Ali Ulqinaku.<\/p>\n

Aktiviteti, q\u00eb u zhvillua n\u00eb bibliotek\u00ebn e qytetit Shkod\u00ebr, u hap me fjal\u00ebn e rastit, mbajtur nga teologu Lavdrim Hamja, i cili hodhi drit\u00eb mbi lindjen, f\u00ebmij\u00ebrin\u00eb dhe aktivitetin e p\u00ebrgjithsh\u00ebm t\u00eb H. Ali Ulqinakut.<\/p>\n

M\u00eb pas ligj\u00ebruan, Imam Muhamed B. Sytari, Myfti i Zon\u00ebs Shkod\u00ebr, Mr. Ali Bardhi, Kryeimam i Ulqinit dhe teologu Arben Halluni.<\/p>\n

N\u00eb kumtesat e tyre, tre ligj\u00ebruesit hodh\u00ebn drit\u00eb mbi vler\u00ebn e vepr\u00ebs “Mevludi”, n\u00eb gjuh\u00ebn shqipe, u b\u00ebn\u00eb krahasime n\u00eb mes vepr\u00ebs s\u00eb H. Ulqinakut, asaj t\u00eb Sheh Ahmed Shkodr\u00ebs dhe Ilahive t\u00eb Hafiz Jusuf K\u00eblmendit, si nxit\u00ebs t\u00eb shkrimit shqip t\u00eb teksteve t\u00eb bukura fetare, poezive dhe vargjeve t\u00ebrheq\u00ebse p\u00ebr lexuesit.<\/p>\n

Nj\u00ebkoh\u00ebsisht u hodh drit\u00eb mbi gjurm\u00ebt e Hafiz Ali Ulqinakut n\u00eb Arkivin e Stambollit, si dhe aft\u00ebsit\u00eb e tij intelektuale, besimore dhe sociale, p\u00ebr t\u00eb cilat u zgjodh t\u00eb sh\u00ebrbente edhe si Myfti n\u00eb nj\u00eb zon\u00eb delikate, si Lezha.<\/p>\n

U theksua se dijetar\u00ebt dhe hoxhallar\u00ebt e shkuar t\u00eb trojeve tona kan\u00eb dh\u00ebn\u00eb kontribute t\u00eb m\u00ebdha p\u00ebr ruajtjen e vlerave t\u00eb besimit, atdhetaris\u00eb, gjuh\u00ebs shqipe dhe harmonis\u00eb komb\u00ebtare.<\/p>\n

Pas tri kumtesave t\u00eb programuara, u lexua edhe nj\u00eb pjes\u00eb nga Mevludi i Hafiz Ali Ulqinakut, mbi Lindjen e Begat\u00eb t\u00eb Hz. Muhammedit (a.s), q\u00eb u shoq\u00ebrua me k\u00ebndimin e salavateve nga salla.<\/p>\n

T\u00eb pranish\u00ebm n\u00eb k\u00ebt\u00eb aktivitet ishin drejtues t\u00eb institucioneve fetare, imam\u00eb, teolog\u00eb, pedagog\u00eb t\u00eb Universitetit t\u00eb Shkodr\u00ebs, intelektual\u00eb e besimtar\u00eb t\u00eb ndrysh\u00ebm, q\u00eb ndoq\u00ebn me k\u00ebnaq\u00ebsi k\u00ebt\u00eb tubim vlerash.<\/p>\n

Aktivitetet n\u00eb kuad\u00ebr t\u00eb p\u00ebrkujtimit t\u00eb Lindjes s\u00eb Begat\u00eb t\u00eb Hz. Muhammedit (a.s), vijojn\u00eb dit\u00ebn e nes\u00ebrme, t\u00eb enjten, m\u00eb 15 dhjetor 2016, pas namazit t\u00eb akshamit n\u00eb xhamin\u00eb e Parruc\u00ebs, ku do t\u00eb zhvillohet nj\u00eb Tribun\u00eb Fetare me tem\u00eb: “Ringjallja e Traditave Islame”, ku do t\u00eb ligj\u00ebrojn\u00eb teologu Durim Kasemi, imam i xhamis\u00eb Parruc\u00eb, si dhe teologu Lavdrim Hamja, imam i xhamis\u00eb s\u00eb “Dy Vajzave”.<\/p>\n