{"id":15460,"date":"2024-09-01T06:17:49","date_gmt":"2024-09-01T06:17:49","guid":{"rendered":"https:\/\/myftinia-shkoder.org\/?p=15460"},"modified":"2024-09-13T14:38:17","modified_gmt":"2024-09-13T14:38:17","slug":"seminar-trajnues-me-imamet-ne-stamboll-moren-pjese-edhe-nga-myftinia-shkoder","status":"publish","type":"post","link":"https:\/\/myftinia-shkoder.org\/?p=15460","title":{"rendered":"5 imam\u00eb e teolog\u00eb nga Shkodra, pjes\u00eb e trajnimit t\u00eb UBDM n\u00eb Stamboll"},"content":{"rendered":"

5 imam\u00eb e teolog\u00eb nga Shkodra, pjes\u00eb e trajnimit t\u00eb UBDM n\u00eb Stamboll<\/strong><\/p>\n

Nga data 26-31 gusht 2024, n\u00eb Stamboll u zhvillua nj\u00eb trajnim shkencor me pjes\u00ebmarrjen e disa imam\u00ebve nga Ballkani, organizuar nga Unioni Bot\u00ebror i Dijetar\u00ebve Musliman\u00eb me seli n\u00eb Doha t\u00eb Katarit n\u00eb bashk\u00ebpunim me institucionin e Dijetar\u00ebve Musliman\u00eb t\u00eb Turqis\u00eb (UMAD).<\/p>\n

Ky trajnim me promotor dhe organizator prof. dr. Hajredin Hoxha, mblodhi rreth 40 imam\u00eb nga Shqip\u00ebria, Kosova, Maqedonia e Veriu, Mali i Zi dhe Presheva.
\nNga Myftinia e Shkodr\u00ebs ishin p\u00ebrzgjedhur H. Arben Halluni, H. Lavdrim Hamja, H. Durim Kasemi, H. Sadri Ujka dhe H. Ademir Xama.<\/p>\n

N\u00eb programin e trajnimit u prezantuan objektivat dhe synimet q\u00eb ka Unioni Bot\u00ebror i Dijetar\u00ebve Mysliman\u00eb, ruajtja e frym\u00ebs institucionale dhe respektimi i udh\u00ebheq\u00ebsit fetar, bashk\u00ebjetesa dhe paqja sociale si dhe shum\u00eb tema t\u00eb jet\u00ebs bashk\u00ebkohore.<\/p>\n

Kryetari i Unionit Bot\u00ebror t\u00eb Dijetar\u00ebve Mysliman\u00eb, prof. dr. Ali Karadagi, mbajti ligj\u00ebrat\u00ebn rreth konceptit t\u00eb ve\u00e7ant\u00eb q\u00eb ka nd\u00ebrtuar me dekada jurisprudenca ekuilibruese (Fikhu El Mizan), e p\u00ebr t\u00eb cil\u00ebn tha se ka qen\u00eb tejet e nevojshme, ngase keqkuptimet dhe keqinterpretimet e teksteve fetare kan\u00eb qen\u00eb tejet t\u00eb pranishme n\u00eb mesin e besimtar\u00ebve.<\/p>\n

Nj\u00eb kumtes\u00eb interesante ishte edhe ajo e prof. dr. Muhamed Ali Salabit, i cili nj\u00ebher\u00ebsh \u00ebsht\u00eb edhe z\u00ebvend\u00ebskryetar i Unionit. Ai gjat\u00eb ligj\u00ebrimit t\u00eb tij theks t\u00eb ve\u00e7ant\u00eb i kushtoi Kur\u2019anit, si burimi dhe referenca m\u00eb e besueshme e dokumentimit t\u00eb historis\u00eb njer\u00ebzore dhe jo vet\u00ebm.<\/p>\n

Gjat\u00eb k\u00ebtij trajnimi p\u00ebrmes dijetar\u00ebve prof. dr. Isam El-Beshir, prof. dr. Abdul Vehab Akin\u00e7i, prof. dr, Refet El-Mikati (rektor i Universitetit Islam n\u00eb Bejrut), prof. dr. Hajredin Hoxha, prof. dr. Safvet Halilovi\u00e7 etj, imam\u00ebt pjes\u00ebmarr\u00ebs pat\u00ebn mund\u00ebsi t\u00eb d\u00ebgjojn\u00eb referate t\u00eb ndryshme nga Kur\u2019ani, tefsiri, fikhu, kultura dhe civilizimi, si dhe p\u00ebr kontributin e shqiptar\u00ebve mysliman\u00eb n\u00eb komentimin e Kur\u2019anit Fam\u00eblart\u00eb.<\/p>\n

N\u00eb fund t\u00eb trajnimit me vler\u00eb, n\u00eb prani t\u00eb Kryetarit i Unionit Bot\u00ebror t\u00eb Dijetar\u00ebve Mysliman\u00eb, prof. dr. Ali Karadagi, u mbajt ceremonia e mbylljes me shp\u00ebrndarjen e certifikatave si dhe u zhvilluan vizita n\u00eb disa xhami kryesore dhe monumentale t\u00eb Stambollit.<\/p>\n