{"id":15628,"date":"2024-09-16T22:40:01","date_gmt":"2024-09-16T22:40:01","guid":{"rendered":"https:\/\/myftinia-shkoder.org\/?p=15628"},"modified":"2024-09-17T13:43:40","modified_gmt":"2024-09-17T13:43:40","slug":"ne-xhamine-e-dudasit-perkujtohet-lindja-e-begate-e-hz-muhammedit-a-s-mevludi-sherife","status":"publish","type":"post","link":"https:\/\/myftinia-shkoder.org\/?p=15628","title":{"rendered":"N\u00eb xhamin\u00eb e Dudasit p\u00ebrkujtohet Lindja e Begat\u00eb e Hz. Muhammedit (a.s) – Mevludi Sherif\u00eb"},"content":{"rendered":"

N\u00eb xhamin\u00eb e Dudasit p\u00ebrkujtohet Lindja e Begat\u00eb e Hz. Muhammedit (a.s) – Mevludi Sherif\u00eb<\/strong><\/p>\n

Dit\u00ebn e h\u00ebn\u00eb, m\u00eb 16 shtator 2024, pas namazit t\u00eb iqindis\u00eb, n\u00eb atmosfer\u00ebn e begat\u00eb t\u00eb muajit Rebiul-Evel 1446, n\u00eb xhamin\u00eb e lagjes Dudas, u p\u00ebrkujtua Lindja e Begat\u00eb e Hz. Muhammedit (a.s) p\u00ebrmes nj\u00eb aktiviteti t\u00eb larmish\u00ebm me tem\u00eb: \u201cI D\u00ebrguari i Allahut, Muhammedi (a.s), m\u00ebshir\u00eb e d\u00ebrguar p\u00ebr gjith\u00ebsin\u00eb!\u201d<\/p>\n

Pas faljes s\u00eb namazit t\u00eb iqindis\u00eb n\u00ebn drejtimit e imamit t\u00eb xhamis\u00eb s\u00eb lagjes Dudas, aktiviteti vijoi me leximin e nj\u00eb pjes\u00eb nga Kur\u2019ani Fam\u00eblart\u00eb dhe ligj\u00ebratat e rastit.<\/p>\n

N\u00eb fjal\u00ebn e tij, Myftiu i Shkodr\u00ebs, Imam Muhamed B. Sytari vuri theksin te r\u00ebnd\u00ebsia q\u00eb kan\u00eb tubimet dhe mexhliset e Mevludi Sherifit, ku besimtar\u00ebt p\u00ebrkujtojn\u00eb Lindjen e Begat\u00eb t\u00eb Hz. Muhammedit (a.s) dhe mesazhet hyjnore, me t\u00eb cilat ai u d\u00ebrgua si m\u00ebshir\u00eb p\u00ebr gjith\u00ebsin\u00eb.<\/p>\n

Myftiu theksoi, se sot m\u00eb shum\u00eb se kurr\u00eb njer\u00ebzimi, bota dhe ymeti islam kan\u00eb nevoj\u00eb p\u00ebr mesazhet sh\u00ebruese t\u00eb Hz. Muhammedit (a.s), aq m\u00eb tep\u00ebr kur agjendat e ndryshme dhe politikat e shkat\u00ebrrimit t\u00eb familjes, arsimimit t\u00eb brezit t\u00eb ri dhe ato kund\u00ebr sh\u00ebmb\u00eblltyrave, sa vijn\u00eb e shtohen.<\/p>\n

Myftiu tha, se t\u00eb gjith\u00eb ne jemi t\u00eb ftuar, q\u00eb t\u00eb shkojm\u00eb pas rrug\u00ebs s\u00eb Pejgamberit (a.s) p\u00ebr t\u00eb marr\u00eb drit\u00ebn e udh\u00ebzimit dhe p\u00ebr ta shp\u00ebrndar\u00eb te njer\u00ebzit, si p\u00ebr\u00e7ues t\u00eb udh\u00ebzimit t\u00eb distancuar nga pesimizmi dhe t\u00eb ndar\u00eb nga shkat\u00ebrrimi.<\/p>\n

Ai tha, se rrug\u00ebt tona jan\u00eb t\u00eb ndara nga prishja n\u00eb tok\u00eb dhe ftoi besimtar\u00ebt, q\u00eb t\u00eb jen\u00eb t\u00eb v\u00ebmendsh\u00ebm dhe t\u00eb kund\u00ebrshtojn\u00eb krejt politikat, q\u00eb kan\u00eb p\u00ebr q\u00ebllim t\u00eb prishin familjen, t\u00eb d\u00ebmtojn\u00eb rinin\u00eb dhe t\u00eb shkat\u00ebrrojn\u00eb tabanin ton\u00eb shekullor t\u00eb besimit dhe t\u00eb identitetit fetar dhe komb\u00ebtar.<\/p>\n

Pastaj, e mori fjal\u00ebn imami i xhamis\u00eb Dudas, H. Samel Haxhia, i cili u ndal te cil\u00ebsit\u00eb e Pejgamberit (a.s), me t\u00eb cilat e ka stolisur Allahu i Madh\u00ebruar, duke theksuar, se muslimani e ka detyr\u00eb ta pasoj\u00eb t\u00eb D\u00ebrguarin e Allahut n\u00eb cil\u00ebsit\u00eb dhe moralin e tij.<\/p>\n

Aktiviteti vijoi me k\u00ebndimin e disa pjes\u00ebve nga \u201cMevludi i Hfz. Ali Ulqinakut\u201d dhe disa ilahi, q\u00eb u soll\u00ebn p\u00ebr t\u00eb pranishmit nga H. Alban Kali, H. Samel Haxhia dhe Dritan Kurti.<\/p>\n