{"id":16010,"date":"2024-11-22T20:18:37","date_gmt":"2024-11-22T20:18:37","guid":{"rendered":"https:\/\/myftinia-shkoder.org\/?p=16010"},"modified":"2024-11-22T21:15:40","modified_gmt":"2024-11-22T21:15:40","slug":"pershtypje-dhe-emocione-te-nje-umreje-te-paharrueshme-mbremje-fetare-ne-xhamine-ura-e-bunes","status":"publish","type":"post","link":"https:\/\/myftinia-shkoder.org\/?p=16010","title":{"rendered":"Mbr\u00ebmje Fetare n\u00eb xhamin\u00eb e Ur\u00ebs s\u00eb Bun\u00ebs"},"content":{"rendered":"

Mbr\u00ebmje Fetare n\u00eb xhamin\u00eb e Ur\u00ebs s\u00eb Bun\u00ebs<\/strong><\/p>\n

Dit\u00ebn e shtun\u00eb, m\u00eb 22 n\u00ebntor 2024, pas faljes s\u00eb namazit t\u00eb akshamit, Myftinia Shkod\u00ebr organizoi n\u00eb xhamin\u00eb e Ur\u00ebs s\u00eb Bun\u00ebs, nj\u00eb mbr\u00ebmje fetare me rastin e kthimit nga vendet e shenjta t\u00eb disa besimtar\u00ebve dhe imam\u00ebve nga udh\u00ebtimi i paharruar i Umres s\u00eb par\u00eb n\u00eb jet\u00eb.<\/p>\n

Pas leximit t\u00eb disa ajeteve t\u00eb Kur\u2019anit Fam\u00eblart\u00eb nga nj\u00eb nx\u00ebn\u00ebs i mejtepit t\u00eb xhamis\u00eb dhe fjal\u00ebs moderuese t\u00eb teologut Arben Halluni, fillimisht p\u00ebrsh\u00ebndeti Myftiu i Shkodr\u00ebs, Imam Muhamed B. Sytari, i cili n\u00eb fjal\u00ebn e rastit, nd\u00ebr t\u00eb tjera theksoi, se: \u201cUmrexhit\u00eb dhe haxhiler\u00ebt jan\u00eb t\u00eb p\u00ebrzgjedhurit e Allahut (xh.sh), p\u00ebr t\u00eb vizituar vendet m\u00eb t\u00eb mira t\u00eb k\u00ebsa bote gjat\u00eb jet\u00ebs s\u00eb tyre, Qaben e Madh\u00ebrueshme dhe Medinen e Pejgamberit (a.s). Ky udht\u00ebim \u00ebsht\u00eb nj\u00eb mund\u00ebsi e mir\u00eb p\u00ebr t\u2019u lutur p\u00ebr veten e tyre, p\u00ebr familjen dhe p\u00ebr krejt besimtar\u00ebt\u201d.<\/p>\n

Nd\u00ebrkoh\u00eb, Myftiu n\u00eb nj\u00eb moment t\u00eb ve\u00e7ant\u00eb t\u00eb bised\u00ebs s\u00eb tij, ftoi muezinin e xhamis\u00eb s\u00eb Ur\u00ebs s\u00eb Bun\u00ebs, z. Altin Bajrami, t\u00eb cilit i b\u00ebri nj\u00eb surpriz\u00eb emocionuese p\u00ebr t\u00eb dhe p\u00ebr krejt t\u00eb pranishmit kur lajm\u00ebroi se zot\u00ebris\u00eb s\u00eb tij i ofrohet nj\u00eb Umre dhurat\u00eb nga Myftinia Shkod\u00ebr si vler\u00ebsim p\u00ebr sh\u00ebrbimet e tij vullnetare nd\u00ebr vite p\u00ebr xhamin\u00eb e Ur\u00ebs s\u00eb Bun\u00ebs.<\/p>\n

M\u00eb pas, mbajt\u00ebn nga nj\u00eb fjal\u00eb rasti dhe nj\u00ebkoh\u00ebsisht ndan\u00eb p\u00ebrshtypjet dhe emocionet e Umres s\u00eb tyre, H. Edmir Smajlaj, Myfti i Mal\u00ebsis\u00eb s\u00eb Madhe, H. Ridvan Luzaku, imam i xhamis\u00eb s\u00eb Ur\u00ebs s\u00eb Bun\u00ebs dhe H. Enes Alushi, imami i xhamis\u00eb s\u00eb fshatit Zues.<\/p>\n

T\u00eb mbushur me emocione dhe me lot g\u00ebzimi, ata u shpreh\u00ebn tejet t\u00eb lumtur q\u00eb arrit\u00ebn t\u00eb kryejn\u00eb Umren, teksa edhe p\u00ebrshkruan ndjenjat e tyre plot pathos.<\/p>\n

Umrexhinjt\u00eb than\u00eb se gjat\u00eb q\u00ebndrimit n\u00eb vendet e shenjta, n\u00eb Mek\u00eb dhe n\u00eb Medin\u00ebn e Ndri\u00e7uar, kan\u00eb pasur rast t\u00eb b\u00ebjn\u00eb dua t\u00eb shumta p\u00ebr veten, familjen, p\u00ebr vendin dhe p\u00ebr mbar\u00eb ymetin islam.<\/p>\n

N\u00eb fund t\u00eb aktivitetit, t\u00eb pranishmit ndan\u00eb emocionet dhe k\u00ebnaq\u00ebsin\u00eb e pjes\u00ebmarrjes me hurmat e ardhura nga Arabia Saudite, si dhe numrin e ri t\u00eb gazet\u00ebs \u201cUdha Islame\u201d, botim i Myftinis\u00eb Shkod\u00ebr, etj.<\/p>\n