{"id":16036,"date":"2024-11-22T18:22:31","date_gmt":"2024-11-22T18:22:31","guid":{"rendered":"https:\/\/myftinia-shkoder.org\/?p=16036"},"modified":"2024-11-23T18:59:55","modified_gmt":"2024-11-23T18:59:55","slug":"myftiu-kemi-nevoje-ta-kthejme-zotin-ne-vemendjen-e-femijeve-tone","status":"publish","type":"post","link":"https:\/\/myftinia-shkoder.org\/?p=16036","title":{"rendered":"Myftiu: \u201cKemi nevoj\u00eb ta kthejm\u00eb Zotin n\u00eb v\u00ebmendjen e f\u00ebmij\u00ebve ton\u00eb!\u201d"},"content":{"rendered":"

Myftiu: \u201cKemi nevoj\u00eb ta kthejm\u00eb Zotin n\u00eb v\u00ebmendjen e f\u00ebmij\u00ebve ton\u00eb!\u201d<\/strong><\/p>\n

Nga xhamia e Parruc\u00ebs, n\u00eb hytben e k\u00ebsaj xhumaje, m\u00eb 22 n\u00ebntor 2024, Myftiu i Shkodr\u00ebs, Imam Muhamed B. Sytari ka folur fillimisht p\u00ebr situat\u00ebn e r\u00ebnd\u00eb dhe fenomenet negative q\u00eb ka kapluar shoq\u00ebrin\u00eb shqiptare, si vrasjet kriminale, droga, shthurja morale, etj, duke b\u00ebr\u00eb thirrje p\u00ebr kthim tek Zoti Fuqiplot\u00eb dhe vlerat e trash\u00ebguara nga baballar\u00ebt n\u00eb shekuj.<\/p>\n

Ai u ndal edhe p\u00ebr \u00e7\u00ebshtje t\u00eb tjera, si\u00e7 \u00ebsht\u00eb k\u00ebrkesa e vazhdueshme e Myftinis\u00eb p\u00ebr vendosjen e besimit fetar si l\u00ebnd\u00eb n\u00eb arsimin shqiptar.<\/p>\n

\u201cF\u00ebmij\u00eb q\u00eb vrasin nj\u00ebri-tjetrin, djem t\u00eb rinj q\u00eb vrasin nj\u00ebri-tjetrin, p\u00ebrhapja n\u00eb mas\u00eb e lajmeve t\u00eb zeza, ku droga, bim\u00ebt narkotike, krimi, llahtaria, p\u00ebrhapen \u00e7udit\u00ebrisht n\u00eb k\u00ebt\u00eb vend. Pastaj lexon p\u00ebr nj\u00eb djal\u00eb t\u00eb ri a nj\u00eb vajz\u00eb t\u00eb re q\u00eb i ka dh\u00ebn\u00eb fund jet\u00ebs; vet\u00ebvrasja! E ku ka gjynah m\u00eb t\u00eb madh! Pastaj i sheh me radh\u00eb nga kryeministri i vendit, ministra, deputet\u00eb, analist\u00eb, t\u00eb cil\u00ebt marrin edhe b\u00ebjn\u00eb analiza se kush \u00ebsht\u00eb fajtori. Sheh nj\u00eb tendenc\u00eb t\u00eb \u00e7uditshme p\u00ebr t\u00eb reklamuar p\u00ebrher\u00eb e m\u00eb tep\u00ebr devijimet gjinore, s\u00ebmundjet psikike dhe psikopatin\u00eb\u2026<\/p>\n

Thirrja (p\u00ebr vendosjen e l\u00ebnd\u00ebs fetare n\u00eb shkolla) un\u00eb e kam b\u00ebr\u00eb vite e vite m\u00eb par\u00eb n\u00eb sheshin e besimit, n\u00eb sheshin e namazgjas\u00eb. \u00cbsht\u00eb nj\u00eb k\u00ebrkes\u00eb q\u00eb ia kemi b\u00ebr\u00eb qeveris\u00eb s\u00eb kaluar dhe q\u00eb nuk e ka marr\u00eb p\u00ebr baz\u00eb. Kjo \u00ebsht\u00eb nj\u00eb k\u00ebrkes\u00eb e shtrenjt\u00eb p\u00ebr t\u00eb cil\u00ebn kryeministri i k\u00ebtij vendi ka dh\u00ebn\u00eb nj\u00eb premtim publik se do t\u00eb realizohet dhe ishte nj\u00eb dit\u00eb shum\u00eb e g\u00ebzueshme p\u00ebr ne, por ngeli nj\u00eb tullumbace boshe dhe nj\u00eb premtim i parealizuar. Gjithsesi un\u00eb jam shum\u00eb i bindur se ky kryeminist\u00ebr e realizon nj\u00eb gj\u00eb t\u00eb till\u00eb. Kemi nevoj\u00eb ta kthejm\u00eb Zotin n\u00eb v\u00ebmendjen e f\u00ebmij\u00ebve ton\u00eb.<\/p>\n

\u00c7far\u00eb do thon\u00eb nes\u00ebr shqiptar\u00ebt pas 100 viteve? A do ken\u00eb m\u00eb baballar\u00eb? Kush do jen\u00eb baballar\u00ebt e tyre t\u00eb kombit? Kush do jen\u00eb? Burra e gra me tatuazhe q\u00eb i k\u00ebndojn\u00eb \u00e7do dit\u00eb drog\u00ebs e krimit?\u201d<\/p>\n

Nd\u00ebrkaq, Myftiu gjat\u00eb hytbes ka p\u00ebrcjell mesazhe edhe p\u00ebr Dit\u00ebn Komb\u00ebtare t\u00eb Alfabetit t\u00eb Gjuh\u00ebs Shqipe, ku ka vler\u00ebsuar kontributin e burrave t\u00eb kombit shqiptar, duke ve\u00e7uar edhe shkodranin H. Daut Bori\u00e7i!<\/p>\n

\u201cM\u00eb 22 n\u00ebntor t\u00eb 2024 p\u00ebr her\u00eb t\u00eb par\u00eb ne shqiptar\u00ebt p\u00ebrkujtojm\u00eb dit\u00ebn e alfabetit. Ejani t\u00eb kujtojm\u00eb bab\u00ebn e abetareve n\u00eb k\u00ebt\u00eb tok\u00eb e n\u00eb k\u00ebt\u00eb qytet q\u00eb e ka bekuar Zoti me elit\u00ebn e hoxhallar\u00ebve t\u00eb kombit shqiptar, Daut Efendi Bori\u00e7i. M\u00eb e pakta do t\u00eb kisha sugjeruar q\u00eb k\u00ebshilltar\u00ebt e kryetarit ton\u00eb t\u00eb bashkis\u00eb, t’i kishin th\u00ebn\u00eb zot\u00ebris\u00eb s\u00eb tij q\u00eb fjalia e shkruar n\u00eb 1886 nga Daut Efendi Bori\u00e7i “Xen me shkrue shqip”, do ishte m\u00eb e denj\u00eb p\u00ebr t’u vendosur n\u00eb \u00e7do murale e n\u00eb \u00e7do shkoll\u00eb, madje edhe n\u00eb krye t\u00eb bashkis\u00eb. Ka nj\u00eb tendenc\u00eb makiaveliste dhe t\u00eb \u00e7rregulluar mend\u00ebrisht, p\u00ebr t\u00eb mbjell\u00eb simbole sataniste, imorale, si dhe nj\u00eb tendenc\u00eb p\u00ebr reklamimin masiv t\u00eb shthurjes morale, intelektuale dhe komb\u00ebtare. Ka nj\u00eb tendenc\u00eb t\u00eb shthurur p\u00ebr z\u00ebvend\u00ebsimin e fes\u00eb dhe largimin e saj nga v\u00ebmendja e njer\u00ebzve, dhe shitjen e krejt k\u00ebsaj zallamahie dhe k\u00ebsaj katrahure, si model zhvillimi. Kjo do t\u00eb thot\u00eb s\u00eb ky \u00ebsht\u00eb thelbi i degradimit t\u00eb kombit!\u201d<\/p>\n

\u201cZoti e ruajt Shkodr\u00ebn nga kthetrat e t\u00eb p\u00ebrdal\u00ebve dhe e ruajt Shkodr\u00ebn nga makiavelist\u00ebt dhe nga politikat e degradimit dhe \u00e7\u2019b\u00ebrjes dhe na b\u00ebft\u00eb prej atyre q\u00eb i dalin p\u00ebr zot vlerave tona!\u201d, ka p\u00ebrfunduar, mesazhet e tij, Myftiu i Shkodr\u00ebs, Imam Muhamed B. Sytari n\u00eb hytben e k\u00ebsaj xhumaje n\u00eb xhamin\u00eb e Parruc\u00ebs.<\/p>\n