{"id":16090,"date":"2024-12-06T15:42:29","date_gmt":"2024-12-06T15:42:29","guid":{"rendered":"https:\/\/myftinia-shkoder.org\/?p=16090"},"modified":"2024-12-08T07:34:12","modified_gmt":"2024-12-08T07:34:12","slug":"ceremoni-nderimi-per-humanistin-sami-repishti-mori-pjese-edhe-myftiu-i-shkodres","status":"publish","type":"post","link":"https:\/\/myftinia-shkoder.org\/?p=16090","title":{"rendered":"Homazhe p\u00ebr humanistin Sami Repishti, mori pjes\u00eb edhe Myftiu i Shkodr\u00ebs"},"content":{"rendered":"

Ceremoni nderimi p\u00ebr humanistin Sami Repishti, mori pjes\u00eb edhe Myftiu i Shkodr\u00ebs<\/strong><\/p>\n

Dit\u00ebn e xhuma, m\u00eb 6 dhjetor 2024, Universiteti i Shkodr\u00ebs dhe familja Repishti organizuan homazhe p\u00ebr personalitetin dhe humanistin shqiptar, Prof. Sami Repishti, i ndar\u00eb nga jeta pak dit\u00eb m\u00eb par\u00eb, n\u00eb mosh\u00ebn 99 vje\u00e7are, n\u00eb ShBA.<\/p>\n

T\u00eb pranish\u00ebm n\u00eb k\u00ebt\u00eb ceremoni homazhi ishin autoritete fetare dhe civile, pedagog\u00eb, \u00a0miq dhe familjar\u00eb.<\/p>\n

Gjat\u00eb k\u00ebsaj ceremonie u mbajt\u00ebn fjalime vler\u00ebsime dhe nderimi p\u00ebr figur\u00ebn e tij, nga rektori i universitetit, Prof. Dr. Tonin Gjuraj, z. Maxhid Cungu, znj. Ardita Repishti, etj, ku n\u00eb fjal\u00ebt e tyre p\u00ebrsh\u00ebndet\u00ebse u vler\u00ebsua kontributi i Prof. Repishtit dhe r\u00ebnd\u00ebsia e ruajtjes s\u00eb trash\u00ebgimis\u00eb s\u00eb tij.<\/p>\n

Kjo ceremoni nderimi u mbyll me mesazhet e t\u00eb pranishm\u00ebve n\u00eb librin e ngush\u00ebllimeve, n\u00eb mes tyre edhe Myftiu I Shkodr\u00ebs, Imam Muhamed B. Sytari, p\u00ebr humanistin dhe simbolin e q\u00ebndres\u00ebs ndaj regjimit kriminal komunist si dhe nj\u00eb luft\u00ebtar p\u00ebr t\u00eb drejtat e lirit\u00eb njer\u00ebzore.<\/p>\n

Kush ishte Prof. Sami Repishti?<\/p>\n

Profesor\u00a0Sami Repishti\u00a0u lind n\u00eb gjirin e familjes s\u00eb Hafiz Ibrahimit dhe Hava Bushatit n\u00eb lagjen Dudas n\u00eb Shkod\u00ebr m\u00eb 6 prill 1925. I ati ishte figur\u00eb me autoritet n\u00eb shoq\u00ebrin\u00eb shkodrane t\u00eb asaj kohe dhe m\u00eb pas deputet n\u00eb Kuvendin Komb\u00ebtar. N\u00eb vendlindje kreu m\u00ebsimet fillore n\u00eb shkoll\u00ebn \u201cOso Kuka\u201d dhe t\u00eb mesmen pran\u00eb gjimnazit t\u00eb Shkodr\u00ebs, ku ra n\u00eb kontakt edhe me l\u00ebvizjen komuniste.<\/p>\n

M\u00eb 1942 mbaron matur\u00ebn. Merr pjes\u00eb n\u00eb nj\u00eb konkurs n\u00eb Tiran\u00eb p\u00ebr studime t\u00eb larta jasht\u00eb shtetit. 112 kandidatura, konkurronin p\u00ebr 28 bursa studimi t\u00eb profesioneve t\u00eb ndryshme. Mbas 2 dit\u00ebve, m\u00ebsoi se e ksihte fituar burs\u00ebn nga Ministria e Arsimit p\u00ebr n\u00eb Fakultetin e Historis\u00eb s\u00eb Firences.<\/p>\n

Me mb\u00ebrritjen n\u00eb atdhe m\u00eb 1943 shkon t\u00eb veroj\u00eb n\u00eb Repisht, prej ku kishte origjin\u00ebn familja e tij. Duke qen\u00eb se strehoi nj\u00eb nip t\u00eb tijin q\u00eb kishte ide komuniste, autoritetet fashiste arrestojn\u00eb t\u00eb atin dhe e torturojn\u00eb duke sjell\u00eb vdekjen e tij prej hemorragjis\u00eb m\u00eb dt. 29 shtator 1943. Samiu duke qen\u00eb i pari i sht\u00ebpis\u00eb detyrohet t\u2019i siguroj\u00eb buk\u00ebn familjes.<\/p>\n

Punon n\u00eb Sektorin e rind\u00ebrtimit me t\u00eb hyr\u00eb n\u00eb pushtet regjimi i ri. Themelon me shoq\u00ebrin\u00eb e tij nj\u00eb Organizat\u00eb t\u00eb Rinis\u00eb Demokratike, shp\u00ebrndan\u00eb trakte dhe i dor\u00ebzuan nj\u00eb Memorandum nj\u00eb deputeti anglez q\u00eb vizitoi Shkodr\u00ebn dhe ndihmonin familjet e t\u00eb arratisurve. N\u00eb maj t\u00eb 1946 mori pjes\u00eb n\u00eb pro\u00e7esionin e varrimit t\u00eb Arqipeshkvit Imzot\u00a0Gasp\u00ebr Tha\u00e7i. Ishte data 22 tetor 1946, kur e arrestojn\u00eb forcat e sigurimit n\u00eb vendin e pun\u00ebs me akuz\u00ebn \u201cAgjitacion e propagand\u00eb kund\u00ebr shtetit\u201d. P\u00ebr 14 muaj, iu n\u00ebnshtrua hetimeve intensive ku takon dhe prof. Kol\u00eb Prel\u00ebn. D\u00ebnohet nga pretenca e gjyqit me 15 vjet heqje lirie, n\u00eb burg do shoq\u00ebrohej me P. \u00c7iprian Nik\u00ebn dhe v\u00ebllan\u00eb e prof. Kol\u00ebs, Markun. M\u00eb 28 n\u00ebntor 1947 d\u00ebrgohet n\u00eb Burgun e Madh dhe m\u00eb tej n\u00eb kampin e Vlo\u00e7ishtit dhe n\u00eb\u00a0Beden\u00a0t\u00eb Kavaj\u00ebs m\u00eb 1948. Mbas kampit t\u00eb pun\u00ebs s\u00eb detyruar n\u00eb\u00a0Orman\u00a0Pojan t\u00eb Kor\u00e7\u00ebs, rikthehet n\u00eb burgun e Shkodr\u00ebs, n\u00eb fund t\u00eb muajit n\u00ebntor.<\/p>\n

Mbas daljes nga burgu m\u00eb 1956 punoi jav\u00ebn e par\u00eb si pastrues i barit t\u00eb keq n\u00eb stadium, jav\u00ebn e dyt\u00eb e caktojn\u00eb t\u00eb punoj\u00eb n\u00eb kanalizimin e tokave t\u00eb Qendr\u00ebs Zooteknike. K\u00ebshtu e gjeti edhe viti 1956. M\u00eb von\u00eb si ndihm\u00ebs karpentier deri n\u00eb dit\u00ebn e arratisjes, 22 gusht 1959. N\u00eb Jugosllavi izolohet; lirohet nga izolimi n\u00eb prill 1961dhe pun\u00ebsohet p\u00ebrkoh\u00ebsisht (nd\u00ebrkoh\u00eb studion serbokroatishten dhe anglishten.) Por shum\u00eb shpejt (qershor 1961), p\u00ebrfundon n\u00eb kampin e refugjat\u00ebve t\u00eb Gerov\u00ebs, Kroaci.<\/p>\n

M\u00eb 1 shtator 1961, arratiset nga kampi i Gerov\u00ebs dhe vendoset n\u00eb Itali. Q\u00ebndroi n\u00eb Trieste, n\u00eb kampin e refugjat\u00ebve San Sabba, ku n\u00eb tri jav\u00eb fitoi t\u00eb drejt\u00ebn e azilit politik. Mbas nj\u00eb q\u00ebndrimi gjasht\u00ebmujor n\u00eb kampet e Capua-s dhe Latina\u2013s, pran\u00eb Napolit dhe Rom\u00ebs, mbas shum\u00eb vuajtjesh, m\u00eb 9 prill 1962, emigroi p\u00ebr n\u00eb ShBA. Merr pjes\u00eb n\u00eb takimin e pes\u00ebdhjet\u00eb vjetorit t\u00eb \u201cVatr\u00ebs\u201c, ku dhe takon mikun e t\u00eb atit n\u00eb periudh\u00ebn e opozitarizmit, Imzot Nolin. Fitoi qytetarin\u00eb (citizenship) amerikane m\u00eb 1968. Doktoroi pran\u00eb Departamentit t\u00eb Fr\u00ebngjisht\u00ebs n\u00eb City University of New York (1977). P\u00ebr 25 vjet me radh\u00eb, ka dh\u00ebn\u00eb m\u00ebsim n\u00eb kolegjet amerikane. Ka qen\u00eb kryetar i Departamentit t\u00eb Gjuh\u00ebve t\u00eb Huaja, p\u00ebr shkollat e qytetit Malverne, New York, koordinator i programit p\u00ebr studime t\u00eb avancuara, versity, Adelphy, Garden Lice-UniCity, NY, 1976-1991 dhe po aty pedagog i jasht\u00ebm. Udh\u00ebtimin e vet\u00ebm n\u00eb Kosov\u00ebn e \u00e7liruar e realizoi n\u00eb prillin e 2000.<\/p>\n

(Biografia \u00ebsht\u00eb marr\u00eb nga www.kujto.al)<\/em><\/p>\n