{"id":16219,"date":"2024-12-20T20:25:13","date_gmt":"2024-12-20T20:25:13","guid":{"rendered":"https:\/\/myftinia-shkoder.org\/?p=16219"},"modified":"2024-12-21T08:39:59","modified_gmt":"2024-12-21T08:39:59","slug":"ne-xhamite-e-shkodres-behet-thirrje-per-haxhin-1446-2025","status":"publish","type":"post","link":"https:\/\/myftinia-shkoder.org\/?p=16219","title":{"rendered":"N\u00eb xhamit\u00eb e Shkodr\u00ebs b\u00ebhet thirrje p\u00ebr Haxhin 1446\/2025"},"content":{"rendered":"

N\u00eb xhamit\u00eb e Shkodr\u00ebs b\u00ebhet thirrje p\u00ebr Haxhin 1446\/2025<\/strong><\/p>\n

Hytbeja e xhumas\u00eb, m\u00eb 20 dhjetor 2024, n\u00eb t\u00eb gjitha xhamit\u00eb e Shkodr\u00ebs u fokusua te vlerat, dobit\u00eb dhe mir\u00ebsit\u00eb e Haxhit, si adhurim me r\u00ebnd\u00ebsi si dhe nj\u00eb nga pes\u00eb shtyllat kryesore t\u00eb fes\u00eb islame. N\u00eb xhamit\u00eb e ndryshme t\u00eb qytetit dhe t\u00eb fshatit, imam\u00ebt b\u00ebn\u00eb thirrje besimtar\u00ebve q\u00eb t\u00eb shfryt\u00ebzojn\u00eb pasurin\u00eb, sh\u00ebndetin dhe koh\u00ebn p\u00ebr t\u2019iu p\u00ebrgjigjur thirrjes s\u00eb Allahut t\u00eb Madh\u00ebruar p\u00ebr kryerjen e Haxhit.<\/p>\n

Nga xhamia e \u201cDy Vajzave\u201d, Myftiu i Shkodr\u00ebs, Imam Muhamed B. Sytari solli n\u00eb v\u00ebmendje t\u00eb besimtar\u00ebve periudha t\u00eb ndryshme t\u00eb historis\u00eb kur Haxhi ishte ndaluar p\u00ebr arsye dhe shkaqe nga m\u00eb t\u00eb ndryshme, t\u00eb cilat i b\u00ebri t\u00eb ditura p\u00ebr besimtar\u00ebt.<\/p>\n

Myftiu tha, se: \u201cKur kthejm\u00eb kok\u00ebn pas dhe shohim se p\u00ebrgjat\u00eb shekujve Haxhi \u00ebsht\u00eb ndaluar disa her\u00eb, dhe kur shohim se edhe af\u00ebr koh\u00ebs son\u00eb, para pak vitesh, p\u00ebr shkak t\u00eb pandemis\u00eb globale koronavirusit, Haxhi u ndalua, kuptojm\u00eb se sa me r\u00ebnd\u00ebsi \u00ebsht\u00eb shfryt\u00ebzimi i koh\u00ebs dhe i mund\u00ebsive p\u00ebr kryerjen e Haxhit n\u00eb momentin dhe koh\u00ebn e duhur pa neglizhuar mund\u00ebsin\u00eb e kryerjes s\u00eb tij.<\/p>\n

Secili q\u00eb e kan\u00eb mund\u00ebsin\u00eb sh\u00ebndet\u00ebsore, ekonomike, sigurin\u00eb e p\u00ebrgjithshme, por jo vet\u00ebm, dhe q\u00eb e ndjen se duhet ta kryej\u00eb Haxhin si nj\u00eb borxh dhe nj\u00eb kusht prej kushteve themelore t\u00eb fes\u00eb islame, mos t\u00eb neglizhoj\u00eb dhe mos ta l\u00ebr\u00eb p\u00ebr nj\u00eb koh\u00eb m\u00eb pas, sepse ne nuk e dim\u00eb se \u00e7far\u00eb ndodh m\u00eb pas.<\/p>\n

N\u00eb k\u00ebt\u00eb kontekst, t\u00eb gjith\u00eb ata v\u00ebllez\u00ebr dhe motra q\u00eb jan\u00eb regjistruar deri m\u00eb sot dhe ata q\u00eb e kan\u00eb b\u00ebr\u00eb nijet p\u00ebr t\u2019u regjistruar, le t\u00eb vrapojn\u00eb p\u00ebr t\u00eb hyr\u00eb n\u00eb mesin e besimtar\u00ebve q\u00eb i jan\u00eb p\u00ebrgjigjur thirrjes s\u00eb Allahut t\u00eb Madh\u00ebruar p\u00ebr kryerjen e k\u00ebtij adhurimi t\u00eb ve\u00e7ant\u00eb, p\u00ebr vlerat dhe dobit\u00eb e t\u00eb cilit flasin sa e sa ajete kur\u2019anore dhe hadithe t\u00eb shumta t\u00eb Pejgamberit (a.s)\u201d.<\/p>\n

Gjat\u00eb hytbes s\u00eb k\u00ebsaj xhumaje, Myftiu p\u00ebrmendi gjithashtu edhe nj\u00eb nd\u00ebr detajet thelb\u00ebsore t\u00eb Haxhit, q\u00eb \u00ebsht\u00eb edhe dita e Arefatit, iu vuri n\u00eb dukje disa hadithe, t\u00eb cilat d\u00ebshmojn\u00eb p\u00ebr madh\u00ebshtin\u00eb e asaj dite, p\u00ebr m\u00ebshir\u00ebn dhe faljen, q\u00eb Allahu i Madh\u00ebruar shp\u00ebrndan p\u00ebr mbi besimtar\u00ebt, sidomos n\u00eb fush\u00ebn e Arefatit, por edhe p\u00ebr besimtar\u00ebt e tjer\u00eb jasht\u00eb atij vendi t\u00eb bekuar.<\/p>\n

Myftinia Shkod\u00ebr fton t\u00eb gjith\u00eb besimtar\u00ebt e interesuar q\u00eb t\u00eb shpejtojn\u00eb p\u00ebr regjistrimet e k\u00ebtij viti, t\u00eb cilat p\u00ebrfundojn\u00eb m\u00eb dat\u00ebn 13 janar 2025.<\/p>\n