{"id":16389,"date":"2025-01-21T13:03:00","date_gmt":"2025-01-21T13:03:00","guid":{"rendered":"https:\/\/myftinia-shkoder.org\/?p=16389"},"modified":"2025-01-22T20:46:08","modified_gmt":"2025-01-22T20:46:08","slug":"myftiu-pret-ne-nje-takim-lamtumire-mons-angelo-massafra-perpara-largimit-te-tij-nga-shqiperia","status":"publish","type":"post","link":"https:\/\/myftinia-shkoder.org\/?p=16389","title":{"rendered":"Myftiu priti n\u00eb nj\u00eb takim lamtumire Mons. Angelo Massafra p\u00ebrpara largimit t\u00eb tij nga Shqip\u00ebria"},"content":{"rendered":"

Myftiu priti n\u00eb nj\u00eb takim lamtumire Mons. Angelo Massafra p\u00ebrpara largimit t\u00eb tij nga Shqip\u00ebria<\/strong><\/p>\n

Paradit\u00ebn e s\u00eb mart\u00ebs, m\u00eb 21 janar 2025, Myftiu i Shkodr\u00ebs, Imam Muhamed B. Sytari priti n\u00eb nj\u00eb takim t\u00eb ve\u00e7ant\u00eb lamtumire, Mons. Angelo Masafra, Arqipeshkv n\u00eb Dioqez\u00ebn Shkod\u00ebr-Pult p\u00ebr m\u00eb shum\u00eb se dy dekada.<\/p>\n

Gjat\u00eb takimit t\u00eb p\u00ebrzem\u00ebrt, Myftiu Sytari dhe Arqipeshkvi Massafra ndan\u00eb mendime dhe kujtime nga bashk\u00ebpunimi i gjer\u00eb nd\u00ebr vite, ku u p\u00ebrmenden aktivitetet e larmishme, vizitat, takimet dhe p\u00ebrpjekjet pozitive p\u00ebr t\u00eb ruajtur dhe nd\u00ebrtuar bashk\u00ebrisht ura t\u00eb reja t\u00eb harmonis\u00eb dhe bashk\u00ebjetes\u00ebs nd\u00ebrfetare n\u00eb qytetin e Shkodr\u00ebs.<\/p>\n

Gjat\u00eb k\u00ebtij takimi, ku t\u00eb pranish\u00ebm ishin edhe Arqipeshkvi i ri, Mons. Giovanni Peragine, dom Nikolin Toma, H. Arben Halluni dhe H. Lavdrim Hamja, autoritetet fetar\u00eb ndan\u00eb mendime dhe ide mbi r\u00ebnd\u00ebsin\u00eb e bashk\u00ebjetes\u00ebs nd\u00ebrfetare dhe domosdoshm\u00ebrin\u00eb e promovimit n\u00eb vazhdim t\u00eb vlerave t\u00eb paqes sociale dhe harmonis\u00eb n\u00eb Shkod\u00ebr, por jo vet\u00ebm.<\/p>\n

Myftiu dhe Arqipeshkvi ishin t\u00eb mendimit se, p\u00ebrtej faktit se shpesh thirrjet e tyre bien n\u00eb vesh t\u00eb shurdh\u00ebr, e r\u00ebnd\u00ebsishme \u00ebsht\u00eb vazhdim\u00ebsia n\u00eb p\u00ebrcjelljen e mesazheve dhe nxitja e p\u00ebrhershme e besimtar\u00ebve, dhe e rinis\u00eb n\u00eb ve\u00e7anti, p\u00ebr t\u2019u kthyer nga Zoti dhe p\u00ebr t\u2019u kapur pas vlerave dhe udh\u00ebzimit fetar.<\/p>\n

Mons. Massafra vler\u00ebsoi kontributin e Myftiut Sytari n\u00eb forcimin e dialogut nd\u00ebrfetar, duke theksuar se roli i tij ka qen\u00eb i paz\u00ebvend\u00ebsuesh\u00ebm n\u00eb nd\u00ebrtimin e urave t\u00eb bashkimit mes komuniteteve fetare.<\/p>\n

Nga ana tjet\u00ebr, Myftiu Sytari shprehu mir\u00ebnjohjen e tij p\u00ebr bashk\u00ebpunimet e shpeshta me Arqipeshkvin\u00eb e Shkodr\u00ebs gjat\u00eb viteve t\u00eb drejtimit t\u00eb saj nga Mons. Massafra, duke ve\u00e7uar r\u00ebnd\u00ebsin\u00eb e bashk\u00ebpunimit p\u00ebrmes aktiviteteve dhe takimeve t\u00eb larmishme n\u00eb p\u00ebrballje me sfidat e p\u00ebrbashk\u00ebta dhe p\u00ebrpjekjet p\u00ebr sh\u00ebrimin e krizave dhe problemeve sociale dhe shpirt\u00ebrore.<\/p>\n

N\u00eb fund t\u00eb k\u00ebtij takimi, Myftiu, Imam Muhamed B. Sytari i dhuroi Arqipeshkut, Mons. Massafra nj\u00eb dhurat\u00eb simbolike si nj\u00eb shenj\u00eb kujtimi i bashk\u00ebpunimit dhe frym\u00ebs s\u00eb harmonis\u00eb s\u00eb d\u00ebshmuar nd\u00ebr vite n\u00eb mesin e komuniteteve fetare n\u00eb Shkod\u00ebr.<\/p>\n