{"id":16404,"date":"2025-01-22T19:55:04","date_gmt":"2025-01-22T19:55:04","guid":{"rendered":"https:\/\/myftinia-shkoder.org\/?p=16404"},"modified":"2025-01-22T20:36:37","modified_gmt":"2025-01-22T20:36:37","slug":"myftiu-sytari-priti-ne-nje-takim-pune-kryetarin-e-bashkise-shkoder-z-benet-beci","status":"publish","type":"post","link":"https:\/\/myftinia-shkoder.org\/?p=16404","title":{"rendered":"Myftiu Sytari priti n\u00eb nj\u00eb takim pune Kryetarin e Bashkis\u00eb Shkod\u00ebr, z. Benet Beci"},"content":{"rendered":"

Myftiu Sytari priti n\u00eb nj\u00eb takim pune Kryetarin e Bashkis\u00eb Shkod\u00ebr, z. Benet Beci<\/strong><\/p>\n

Paraditen e s\u00eb m\u00ebrkur\u00ebs, m\u00eb 22 janar 2025, Myftiu i Shkodr\u00ebs, Imam Muhamed B. Sytari priti n\u00eb nj\u00eb takim pune kryetarin e Bashkis\u00eb Shkod\u00ebr, z. Benet Beci.<\/p>\n

Gjat\u00eb k\u00ebtij takimi u diskutua n\u00eb detaje edhe p\u00ebr projektin e rehabilitimit t\u00eb zon\u00ebs s\u00eb Zdrales dhe n\u00eb ve\u00e7anti pjes\u00ebs s\u00eb xhamis\u00eb s\u00eb Parruc\u00ebs. Myftiu Sytari dhe Kryetari i Bashkis\u00eb Beci pan\u00eb dhe inspektuan n\u00eb terren edhe zon\u00ebn ku pritet t\u00eb b\u00ebhen nd\u00ebrhyrjet p\u00ebr t\u00eb cilat u diskutua me detaje.<\/p>\n

Myftiu theksoi se, viti 2025 \u00ebsht\u00eb edhe viti i 35 vjetorit t\u00eb rihapjes s\u00eb xhamis\u00eb s\u00eb Plumbit, me \u00e7\u2019rast theksoi se ky vit jubilar do t\u00eb sh\u00ebnoj\u00eb nj\u00eb s\u00ebr\u00eb aktivitetesh, ku n\u00eb qend\u00ebr t\u00eb tyre \u00ebsht\u00eb edhe inaugurimi i xhamis\u00eb s\u00eb Plumbit, tashm\u00eb e rehabilituar, e rikonstruktuar dhe e mbrojtur nga p\u00ebrmbytjet, fal\u00eb investimit madhor t\u00eb qeveris\u00eb turke dhe premtimit t\u00eb mbajtur t\u00eb Presidentit t\u00eb Turkis\u00eb, Z. Rexhep Tajib Erdogan.<\/p>\n

Ai theksoi nj\u00ebkoh\u00ebsisht se, sht\u00ebpia e familjes Myftia, nj\u00eb sht\u00ebpi e vjet\u00ebr muslimane shkodrane, duhet t\u00eb jet\u00eb pjes\u00eb e kompleksit t\u00eb restaurimeve q\u00eb po zhvillohen n\u00eb at\u00eb zon\u00eb. Myftiu tha se, i mjafton nder Myftinis\u00eb s\u00eb Shkodr\u00ebs, por edhe mbar\u00eb qytetit, q\u00eb sht\u00ebpia e Myftiejve \u00ebsht\u00eb vendi ku ka jetuar personaliteti i shquar dhe dijetari i madh islam shqiptar, Jusuf ef. Tabaku. Poashtu n\u00eb at\u00eb sht\u00ebpi ka jetuar edhe Hfz. Esat Myftia, kryetari i fundit i Komunitetit Mysliman t\u00eb Shqip\u00ebris\u00eb, para periudh\u00ebs s\u00eb err\u00ebt komuniste.<\/p>\n

Bashk\u00ebbisedimi i Myftiut dhe i Kryetari t\u00eb Bashkis\u00eb u ndal edhe te disa \u00e7\u00ebshtje t\u00eb tjera me r\u00ebnd\u00ebsi dhe interes t\u00eb p\u00ebrbashk\u00ebt p\u00ebr t\u00eb dy institucionet.<\/p>\n