{"id":165,"date":"2015-12-25T22:28:54","date_gmt":"2015-12-25T22:28:54","guid":{"rendered":"http:\/\/myftinia-shkoder.org\/?p=165"},"modified":"2016-04-18T22:33:16","modified_gmt":"2016-04-18T22:33:16","slug":"myftiu-harmonia-nderfetare-themel-i-qyteterimeve","status":"publish","type":"post","link":"https:\/\/myftinia-shkoder.org\/?p=165","title":{"rendered":"Myftiu: “Harmonia nd\u00ebrfetare, themel i qytet\u00ebrimeve”"},"content":{"rendered":"

E xhumaja e fundit e k\u00ebtij muaji, m\u00eb 25 dhjetor 2015, bashkoi n\u00eb atmosfer\u00ebn e saj p\u00ebrkujtimin e dy burrave m\u00eb t\u00eb m\u00ebdhenj t\u00eb historis\u00eb s\u00eb njer\u00ebzimit, Hz. Muhammedit (a.s) dhe Hz. Isait (a.s).<\/p>\n

K\u00ebto dit\u00eb n\u00eb Shkod\u00ebr, njer\u00ebzit urohen me rastin e Mevludit Sherif\u00eb dhe Krishtlindjes, q\u00eb k\u00ebt\u00eb vit u afruan si asnj\u00ebher\u00eb m\u00eb par\u00eb, duke p\u00ebrhapur n\u00eb heshtjen e tyre mesazhin e bukur t\u00eb respektimit t\u00eb besimit dhe fes\u00eb, si dhe lart\u00ebsimin e t\u00eb d\u00ebrguarve t\u00eb Zotit, si bekim nga Zoti p\u00ebr njer\u00ebzin\u00eb.<\/p>\n

Me rastin e Krishtlindjes, Myftiu i Shkodr\u00ebs, Imam Muhamed B. Sytari, i shoq\u00ebruar edhe nga teologu Arben Halluni dhe imami Lavdrim Hamja, zhvilloi vizit\u00ebn tradicionale n\u00eb dy kishat e qytetit.<\/p>\n

Fillimisht n\u00eb Kish\u00ebn Ortodokse dhe m\u00eb pas n\u00eb Kish\u00ebn Katolike, ku uroi me rastin e fest\u00ebs. Gjat\u00eb k\u00ebtyre vizitave, Myftiu vuri theksin te nevoja e madhe e p\u00ebrhapjes s\u00eb frym\u00ebs s\u00eb respektimit t\u00eb besimit dhe fes\u00eb, si dhe afrimit t\u00eb njer\u00ebzve me vlerat m\u00eb t\u00eb larta t\u00eb kthimit nga Zoti dhe m\u00ebshira e Tij.<\/p>\n

Gjat\u00eb q\u00ebndrimit n\u00eb Kish\u00ebn Ortodokse, Myftiu shprehu fal\u00ebnderimet e tij p\u00ebr dhurat\u00ebn e bukur dhe kuptimplote, q\u00eb patriarku i Kudsit Sherif\u00eb, Theofili i III- t\u00eb i b\u00ebri kryeministrit t\u00eb Shqip\u00ebris\u00eb; fermanin e Hz. Omerit (r.a), ku 14 shekuj m\u00eb par\u00eb Islami deklaroi respektimin e t\u00eb drejtave t\u00eb krishter\u00ebve p\u00ebr t\u00eb jetuar n\u00eb harmoni me musliman\u00ebt, si dhe p\u00ebr t\u00eb g\u00ebzuar t\u00eb drejtat e tyre n\u00eb lirin\u00eb e besimit dhe praktik\u00ebs fetare.<\/p>\n

Myftiu theksoi se harmonia nd\u00ebrfetare \u00ebsht\u00eb themel i qytet\u00ebrimeve, si dhe nj\u00eb domosdoshm\u00ebri q\u00eb garanton paqen sociale dhe respektin e njeriut p\u00ebr v\u00ebllan\u00eb e tij njeri.Ai i ndau k\u00ebto mesazhe me Famullitarin e Kish\u00ebs Ortodokse, At Nikolla Petani dhe me Arqipeshkvin Shkod\u00ebr-Pult, mons. Angjelo Massafra, me t\u00eb cil\u00ebt k\u00ebmbeu edhe urimet e k\u00ebsaj dite t\u00eb sh\u00ebnuar.<\/p>\n