{"id":17688,"date":"2025-04-25T08:20:01","date_gmt":"2025-04-25T08:20:01","guid":{"rendered":"https:\/\/myftinia-shkoder.org\/?p=17688"},"modified":"2025-04-25T22:09:57","modified_gmt":"2025-04-25T22:09:57","slug":"promovohet-libri-metodat-e-edukimit-islam-shembuj-nga-profeti-muhammed-a-s","status":"publish","type":"post","link":"https:\/\/myftinia-shkoder.org\/?p=17688","title":{"rendered":"Promovohet libri: \u201cMetodat e edukimit n\u00eb Islam, shembuj nga Profeti Muhammed (a.s)\u201d"},"content":{"rendered":"

Promovohet libri: \u201cMetodat e edukimit n\u00eb Islam, shembuj nga Profeti Muhammed (a.s)\u201d<\/strong><\/p>\n

Pasditen e s\u00eb enjtes, m\u00eb 24 prill 2025, n\u00eb mjediset e jashtme t\u00eb xhamis\u00eb \u201cEbu Bek\u00ebr\u201d – Fush\u00eb \u00c7el\u00eb, u zhvillua ceremonia e promovimit t\u00eb librit m\u00eb t\u00eb ri me titull: \u201cMetodat e edukimit n\u00eb Islam, shembuj nga Profeti Muhammed (a.s)\u201d, me autor Besim Barbullushi.<\/p>\n

Ky aktivitet, i organizuar nga Myftinia Shkod\u00ebr, mblodhi besimtar\u00eb, studiues dhe dashamir\u00ebs t\u00eb librit, t\u00eb cil\u00ebt ndoq\u00ebn me v\u00ebmendje paraqitjet dhe fjal\u00ebt p\u00ebrsh\u00ebndet\u00ebse t\u00eb nj\u00eb s\u00ebr\u00eb personalitetesh t\u00eb fush\u00ebs fetare dhe arsimore. Mes t\u00eb pranishm\u00ebve q\u00eb mor\u00ebn fjal\u00ebn ishin: teologu Arben Halluni, z. Kujtim Dervishi, drejtor i Medreses\u00eb s\u00eb Shkodr\u00ebs, \u201cH. Sheh Shamia\u201d, prof. Erzen Koperaj, si dhe Myftiu i Shkodr\u00ebs, Imam Muhamed B. Sytari, i cili theksoi r\u00ebnd\u00ebsin\u00eb e edukimit n\u00eb drit\u00ebn e modelit profetik dhe vler\u00ebsoi pun\u00ebn k\u00ebrkimore t\u00eb autorit.<\/p>\n

Nd\u00ebrkaq, Myftiu vler\u00ebsoi autorin, i cili ka koh\u00eb q\u00eb trajton tematik\u00ebn e arsimit, i cili mb\u00ebshtetet n\u00eb ruajtjen e tabanit dhe tradit\u00ebs profetike. Ky hulumtim vler\u00ebson parimet dhe teorit\u00eb moderne t\u00eb m\u00ebsimdh\u00ebnies n\u00eb kuad\u00ebr t\u00eb metodave unike t\u00eb m\u00ebsimdh\u00ebnies s\u00eb Profetit Muhammed (a.s).<\/p>\n

N\u00eb p\u00ebrfundim t\u00eb fjal\u00ebs s\u00eb tij, Myftiu n\u00eb shenj\u00eb respekti dhe vler\u00ebsimi p\u00ebr pun\u00ebn e autorit i dhuroi nj\u00eb sexhade me der\u00ebn e Qab\u00ebs s\u00eb Madhnueshme dhe nj\u00eb udh\u00ebtim p\u00ebr n\u00eb Umre, dhurat\u00eb nga Myftinia Shkod\u00ebr.<\/p>\n

N\u00eb p\u00ebrmbyllje t\u00eb aktivitetit, fjal\u00ebn e mori edhe vet\u00eb autori, H. Besim Barbullushi, i cili shprehu fal\u00ebnderimet e tij p\u00ebr pjes\u00ebmarr\u00ebsit, por edhe p\u00ebr bashk\u00ebpun\u00ebtor\u00eb t\u00eb botimit t\u00eb librit, si dhe ndau disa nga motivimet dhe q\u00ebllimet q\u00eb e shtyn\u00eb drejt hartimit t\u00eb k\u00ebtij botimi.<\/p>\n

Libri i ndar\u00eb n\u00eb tre kapituj sjell nj\u00eb qasje t\u00eb thelluar mbi metodat edukative q\u00eb ka ndjekur Profeti Muhammed (a.s), duke i paraqitur ato n\u00eb nj\u00eb form\u00eb t\u00eb kuptueshme dhe praktike p\u00ebr lexuesin e sot\u00ebm, me q\u00ebllim q\u00eb t\u00eb sh\u00ebrbej\u00eb si nj\u00eb udh\u00ebrr\u00ebfyes n\u00eb edukimin islam bashk\u00ebkohor si dhe t\u00eb sh\u00ebrbej\u00eb si nj\u00eb burim frym\u00ebzimi dhe njohurie p\u00ebr edukator\u00ebt dhe studiuesit e arsimit.<\/p>\n