{"id":17735,"date":"2025-04-25T23:10:04","date_gmt":"2025-04-25T23:10:04","guid":{"rendered":"https:\/\/myftinia-shkoder.org\/?p=17735"},"modified":"2025-05-25T06:14:02","modified_gmt":"2025-05-25T06:14:02","slug":"imami-i-zyrihut-mbajti-hytben-e-xhumase-ne-xhamine-e-parruces","status":"publish","type":"post","link":"https:\/\/myftinia-shkoder.org\/?p=17735","title":{"rendered":"Imami i Zyrihut mbajti hytben e xhumas\u00eb n\u00eb xhamin\u00eb e Parruc\u00ebs"},"content":{"rendered":"

Imami i Zyrihut mbajti hytben e xhumas\u00eb n\u00eb xhamin\u00eb e Parruc\u00ebs<\/strong><\/p>\n

E xhumaja e 25 prillit 2025 ishte e ve\u00e7ant\u00eb p\u00ebr besimtar\u00ebt e frekuentues t\u00eb xhamis\u00eb s\u00eb Parruc\u00ebs. Ligj\u00ebrues i k\u00ebsaj xhumaje ishte imami i nderuar i xhamis\u00eb s\u00eb Zyrihut, H. Nebi ef. Rexhepi.<\/p>\n

Pas dersit t\u00eb mbajtur nga Myftiu i Shkodr\u00ebs, Imam Muhamed B. Sytari, hytbeja e xhumas\u00eb e mbajti miku i nderuar nga Zyrihu i Zvicr\u00ebs.<\/p>\n

N\u00eb mesazhin kryesor t\u00eb k\u00ebsaj xhumaje, hoxha i nderuar u ndal tek r\u00ebnd\u00ebsia e ruajtjes s\u00eb amanetit dhe distancimit nga tradhtia, duke v\u00ebn\u00eb n\u00eb qend\u00ebr t\u00eb v\u00ebmendjes ajetet kur\u2019anore q\u00eb i b\u00ebjn\u00eb thirrje besimtar\u00ebve p\u00ebr t\u00eb mos tradhtuar Allahun, t\u00eb D\u00ebrguarin e Tij dhe krejt amanetet.<\/p>\n

Nd\u00ebr t\u00eb tjera theksoi, se n\u00eb fen\u00eb islame musliman\u00ebt jan\u00eb t\u00eb ftuar q\u00eb t\u00eb ruajn\u00eb amanetet e Zotit dhe t\u00eb D\u00ebrguarit t\u00eb Tij, duke u p\u00ebrpjekur n\u00eb k\u00ebt\u00eb m\u00ebnyr\u00eb p\u00ebr t\u00eb d\u00ebshmuar vlerat madh\u00ebshtore t\u00eb fes\u00eb s\u00eb tyre me t\u00eb gjith\u00eb njer\u00ebzit pa p\u00ebrjashtim.<\/p>\n

N\u00eb k\u00ebt\u00eb kontekst, ai solli n\u00eb qend\u00ebr t\u00eb v\u00ebmendjes shembullin e p\u00ebrhapjes s\u00eb fes\u00eb islame n\u00eb Azin\u00eb e larg\u00ebt, ku sipas d\u00ebshmive dhe argumenteve t\u00eb shumta historike \u00ebsht\u00eb v\u00ebrtetuar, se Islami n\u00eb Indonezi dhe vendet p\u00ebrreth ka mb\u00ebrritur n\u00ebp\u00ebrmjet tregtar\u00ebve musliman\u00eb, t\u00eb cil\u00ebt ishin t\u00eb disiplinuar me rregullat e Islamit duke u b\u00ebr\u00eb n\u00eb k\u00ebt\u00eb m\u00ebnyr\u00eb modeli m\u00eb i mir\u00eb p\u00ebr t\u00eb gjith\u00eb at\u00eb zon\u00eb, q\u00eb e pranoi fen\u00eb islame n\u00eb m\u00ebnyr\u00eb masive.<\/p>\n

Hoxha i nderuar, Nebi ef. Rexhepi fal\u00ebnderoi n\u00eb krye t\u00eb her\u00ebs ftes\u00ebn e Myftiut t\u00eb Shkodr\u00ebs p\u00ebr t\u00eb mbajtur ligj\u00ebrat\u00ebn e k\u00ebsaj dite n\u00eb xhamin\u00eb e Parruc\u00ebs, sikurse theksoi se q\u00eb n\u00eb vitin 1980, kur kishte kryer edhe hifzin e Kur\u2019anit, hoxha i tij i nderuar i kishte p\u00ebrmendur p\u00ebrher\u00eb dhe me shum\u00eb afeksion respektin dhe dashurin\u00eb p\u00ebr qytetin e Shkodr\u00ebs, si qytet i dijes dhe i dijetar\u00ebve.<\/p>\n

M\u00eb her\u00ebt, H. Nebi ef. Rexhepi zhvilloi nj\u00eb vizit\u00eb edhe n\u00eb Myftin\u00eb e Shkodr\u00ebs, ku u prit nga Myftiu i saj, Imam Muhamed B. Sytari. Me k\u00ebt\u00eb rast, Myftiu fal\u00ebnderoi kontributin e madh t\u00eb mikut t\u00eb nderuar, i cili n\u00eb dekadat e sh\u00ebrbimeve n\u00eb xhamin\u00eb m\u00eb t\u00eb vjet\u00ebr t\u00eb shqiptar\u00ebve n\u00eb Zyrih ka p\u00ebrhapur me urt\u00ebsi dhe pjekuri mesazhet e urta dhe largpam\u00ebse t\u00eb fes\u00eb islame duke e b\u00ebr\u00eb xhamin\u00eb e Zyrihut nj\u00eb pik\u00eb referimi p\u00ebr frekuentimin e saj, p\u00ebr rritjen e numrit t\u00eb besimtar\u00ebve, rinis\u00eb n\u00eb ve\u00e7anti.<\/p>\n

Kujtojm\u00eb, se gjat\u00eb Ramazanit, q\u00eb sapo kaloi, Myftiu i Shkodr\u00ebs ishte i ftuar n\u00eb xhamin\u00eb shqiptare t\u00eb Zyrihut, me \u00e7’rast mbajti edhe nj\u00eb ligj\u00ebrat\u00eb p\u00ebrpara besimtar\u00ebve t\u00eb shumt\u00eb frekuentues t\u00eb saj.<\/p>\n

P\u00ebr nder t\u00eb k\u00ebsaj vizite, Myftiu i dhuroi imamit t\u00eb nderuar nga Zvicra kolan\u00ebn e botimeve t\u00eb Myftinis\u00eb Shkod\u00ebr nd\u00ebr vite.<\/p>\n

Pas drek\u00ebs s\u00eb shtruar p\u00ebr nder t\u00eb mikut, u vizitua edhe xhamia e Plumbit, e cila pritet t\u00eb inaugurohet pas dit\u00ebve, me mbar\u00ebsin\u00eb dhe bekimet e Allahut.<\/p>\n