{"id":17883,"date":"2025-05-08T21:50:42","date_gmt":"2025-05-08T21:50:42","guid":{"rendered":"https:\/\/myftinia-shkoder.org\/?p=17883"},"modified":"2025-05-10T08:09:36","modified_gmt":"2025-05-10T08:09:36","slug":"ceremonia-protokollare-e-perurimit-te-xhamise-se-plumbit","status":"publish","type":"post","link":"https:\/\/myftinia-shkoder.org\/?p=17883","title":{"rendered":"Ceremonia protokollare e p\u00ebrurimit t\u00eb xhamis\u00eb s\u00eb Plumbit!"},"content":{"rendered":"

Ceremonia protokollare e p\u00ebrurimit t\u00eb xhamis\u00eb s\u00eb Plumbit!<\/strong><\/p>\n

Sot, e enjte m\u00eb 8 maj 2025, u zhvillua ceremonia zyrtare e inaugurimit t\u00eb Xhamis\u00eb s\u00eb Plumbit n\u00eb Shkod\u00ebr, nj\u00eb prej monumenteve m\u00eb t\u00eb r\u00ebnd\u00ebsishme t\u00eb trash\u00ebgimis\u00eb kulturore dhe fetare islame n\u00eb Shqip\u00ebri. Kjo ngjarje sh\u00ebnon p\u00ebrfundimin e nj\u00eb procesi t\u00eb gjat\u00eb restaurimi, t\u00eb mund\u00ebsuar fal\u00eb financimit dhe mb\u00ebshtetjes s\u00eb qeveris\u00eb turke, n\u00ebp\u00ebrmjet Drejtoris\u00eb s\u00eb P\u00ebrgjithshme t\u00eb Vak\u00ebfeve (TDV).<\/p>\n

N\u00eb k\u00ebt\u00eb ceremoni t\u00eb ve\u00e7ant\u00eb mor\u00ebn pjes\u00eb figura t\u00eb larta nga jeta fetare, diplomatike dhe institucionale, nd\u00ebr ta Myftiu i Shkodr\u00ebs, Imam Muhamed B. Sytari, ambasadori i Republik\u00ebs s\u00eb Turqis\u00eb n\u00eb Tiran\u00eb, z. Tayyar Ka\u011fan Atay, kryetari i Bashkis\u00eb s\u00eb Shkodr\u00ebs, z. Benet Beci, si dhe deputet\u00eb, p\u00ebrfaq\u00ebsues t\u00eb shoqatave kulturore e fetare, p\u00ebrfaq\u00ebsues t\u00eb institucioneve t\u00eb ndryshme, qytetar\u00eb dhe besimtar\u00eb nga Shkodra dhe m\u00eb gjer\u00eb.<\/p>\n

Gjat\u00eb fjal\u00ebs s\u00eb tij, Myftiu Sytari fal\u00ebnderoi t\u00eb gjitha institucionet q\u00eb kontribuuan n\u00eb restaurimin e xhamis\u00eb, duke theksuar se ky objekt \u00ebsht\u00eb nj\u00eb d\u00ebshmi historike e bashk\u00ebjetes\u00ebs nd\u00ebrfetare dhe trash\u00ebgimis\u00eb shpirt\u00ebrore t\u00eb Shkodr\u00ebs. Ai theksoi r\u00ebnd\u00ebsin\u00eb e kthimit t\u00eb xhamis\u00eb n\u00eb funksion si vend adhurimi dhe reflektimi p\u00ebr besimtar\u00ebt.<\/p>\n

Ambasadori turk, z. Atay, u shpreh se Xhamia e Plumbit \u00ebsht\u00eb nj\u00eb simbol i lidhjeve t\u00eb forta historike e kulturore mes Shqip\u00ebris\u00eb dhe Turqis\u00eb.<\/p>\n

Nd\u00ebrsa kryebashkiaku Beci vler\u00ebsoi r\u00ebnd\u00ebsin\u00eb e restaurimit t\u00eb monumenteve t\u00eb tilla si pjes\u00eb e identitetit dhe kujtes\u00ebs historike t\u00eb qytetit t\u00eb Shkodr\u00ebs.<\/p>\n

\u201cXhamia e Plumbit, nj\u00eb nga monumentet m\u00eb t\u00eb rralla t\u00eb trash\u00ebgimis\u00eb son\u00eb kulturore, \u00ebsht\u00eb rikthyer m\u00eb e bukur se kurr\u00eb m\u00eb par\u00eb.<\/p>\n

E restauruar me kujdes dhe pasion, kjo perl\u00eb arkitekturore tani q\u00ebndron hijer\u00ebnd\u00eb pran\u00eb Kalas\u00eb s\u00eb Rozaf\u00ebs, n\u00eb zem\u00ebr t\u00eb zon\u00ebs historike t\u00eb Shkodr\u00ebs.<\/p>\n

Nj\u00eb simbol i historis\u00eb, kultur\u00ebs dhe bashk\u00ebjetes\u00ebs q\u00eb na b\u00ebn krenar\u00eb si qytet!\u201d, ka qen\u00eb mesazhi i kryetarit t\u00eb Bashkis\u00eb Shkod\u00ebr, z. Beci.<\/p>\n

Ceremonia simbolike e prerjes s\u00eb shiritit, kulmoi me fjal\u00ebn dhe urimin virtual nga Ankaraja e Presidentit t\u00eb Republik\u00ebs s\u00eb T\u00fcrkiyes, ShTZ. Rexhep Tajjip Erdogan.<\/p>\n

Xhamia e Plumbit, e nd\u00ebrtuar n\u00eb shekullin XVIII nga Mehmet Pasha Bushati, \u00ebsht\u00eb nj\u00eb nga objektet m\u00eb t\u00eb njohura t\u00eb trash\u00ebgimis\u00eb osmane n\u00eb Ballkan. Restaurimi i saj i rikthen Shkodr\u00ebs nj\u00eb thesar t\u00eb \u00e7muar arkitektonik dhe shpirt\u00ebror.<\/p>\n