{"id":18171,"date":"2025-05-30T18:44:52","date_gmt":"2025-05-30T18:44:52","guid":{"rendered":"https:\/\/myftinia-shkoder.org\/?p=18171"},"modified":"2025-05-30T19:12:58","modified_gmt":"2025-05-30T19:12:58","slug":"myftiu-i-shkodres-mban-te-xhumane-e-pare-ne-xhamine-e-restauruar-te-plumbit","status":"publish","type":"post","link":"https:\/\/myftinia-shkoder.org\/?p=18171","title":{"rendered":"Myftiu i Shkodr\u00ebs mban hytben e xhumas\u00eb s\u00eb par\u00eb n\u00eb xhamin\u00eb e restauruar t\u00eb Plumbit"},"content":{"rendered":"

M<\/strong>yftiu i Shkodr\u00ebs mban hytben e xhuman\u00eb s\u00eb par\u00eb n\u00eb xhamin\u00eb e restauruar t\u00eb Plumbit<\/strong><\/p>\n

30 maj 2025. Nj\u00eb dit\u00eb e sh\u00ebnuar p\u00ebr krejt bashk\u00ebsin\u00eb islame t\u00eb Shkodr\u00ebs, por jo vet\u00ebm. Xhamia e Plumbit pas disa koh\u00ebsh e mbyllur p\u00ebr shkak t\u00eb restaurimit dhe rim\u00ebk\u00ebmbjes totale hapi sot dyert p\u00ebr faljen e namazit t\u00eb xhumas\u00eb s\u00eb par\u00eb pas p\u00ebrurimit t\u00eb saj, m\u00eb 8 maj 2025.<\/p>\n

Besimtar\u00eb t\u00eb shumt\u00eb e tejmbush\u00ebn sall\u00ebn e faljes s\u00eb xhamis\u00eb s\u00eb Plumbit dhe ambientet e saj t\u00eb jashtme duke e kthyer k\u00ebt\u00eb dit\u00eb n\u00eb nj\u00eb d\u00ebshmi g\u00ebzimi dhe nj\u00eb moment t\u00eb paharruar p\u00ebr t\u00eb gjith\u00eb t\u00eb pranishmit.<\/p>\n

Besimtar\u00eb t\u00eb ardhur nga vende t\u00eb ndryshme t\u00eb bot\u00ebs, si Zvicra, Gjermania, Kosova, Bosnja, Mali i Zi, por edhe nga shum\u00eb qytetet t\u00eb Shqip\u00ebris\u00eb u b\u00ebn\u00eb d\u00ebshmitar\u00eb t\u00eb k\u00ebtij g\u00ebzimi t\u00eb madh, si t\u00eb ishte nj\u00eb dit\u00eb Bajrami p\u00ebr zemrat e krejt besimtar\u00ebve.<\/p>\n

N\u00eb hytben e par\u00eb t\u00eb k\u00ebsaj xhumaje, Myftiu i Shkodr\u00ebs, Imam Muhamed B. Sytari fal\u00ebnderoi t\u00eb gjith\u00eb ata, q\u00eb jan\u00eb p\u00ebrkushtuar p\u00ebr k\u00ebt\u00eb pun\u00eb t\u00eb madhe, sikurse u ktheu me v\u00ebmendjen e besimtar\u00ebve tek viti 1775, kur n\u00eb Shkod\u00ebr nd\u00ebrroi jet\u00eb Mehmet Pash\u00eb Plaku, themeluesi i Pashall\u00ebkut t\u00eb Shkodr\u00ebs. Myftiu theksoi se me emrin e k\u00ebtij burri t\u00eb madh \u00ebsht\u00eb lidhur xhamia e Plumbit, t\u00eb cil\u00ebn e nd\u00ebrtoi p\u00ebr t\u00eb mbetur nj\u00eb vend adhurimi dhe nj\u00eb cak i pal\u00ebkundur i tabanit besimor dhe qytetar t\u00eb Shkodr\u00ebs.<\/p>\n

Myftiu fal\u00ebnderoi poashtu kontributin e pa\u00e7muar t\u00eb Presidentit t\u00eb Republik\u00ebs s\u00eb Turkijes, ShTZ. Rexhep Tajjip Erdogan, t\u00eb cilit iu referua n\u00eb nj\u00eb histori plot emocion nga e kaluara e Sulltan Selim Javuz Khanit, i cili ishte nisur p\u00ebr nj\u00eb ekspedit\u00eb p\u00ebr \u00e7lirimin e Misirit dhe gjat\u00eb rrug\u00ebs kaloi me ushtrin\u00eb e tij pran\u00eb nj\u00eb kopshti me fruta t\u00eb shumt\u00eb. U ndal dhe mendoi: Po sikur ushtar\u00ebt e mi t\u00eb ken\u00eb marr\u00eb ndonj\u00eb fryt pa leje dhe urdh\u00ebroi q\u00eb t\u00eb kontrollohen \u00e7antat e ushtar\u00ebve. U g\u00ebzua pa mas\u00eb, kur agai i jeni\u00e7er\u00ebve e lajm\u00ebroi se \u00e7antat ishin t\u00eb pastra dhe askush prej ushtar\u00ebve nuk kishte prekur asnj\u00eb fryt. Sulltani i lavdish\u00ebm iu drejtua Allahut me k\u00ebto lutje: \u201cZoti im, un\u00eb t\u00eb fal\u00ebnderoj shum\u00eb, q\u00eb ma b\u00ebre k\u00ebt\u00eb mir\u00ebsi t\u00eb kem nj\u00eb ushtri me njer\u00ebz, q\u00eb nuk e han\u00eb haramin!\u201d Pastaj iu drejtua agait t\u00eb jeni\u00e7er\u00ebve: \u201cSikur ushtar\u00ebt e mi t\u00eb kishin marr\u00eb fryte pa leje, do ta kisha anuluar k\u00ebt\u00eb ekspedit\u00eb ushtarake drejt Misirit, sepse ushtria q\u00eb e ha haramin nuk mund t\u00eb ket\u00eb sukses n\u00eb \u00e7lirimin e tokave!\u201d<\/p>\n

Nga k\u00ebtu, Myftiu i Shkodr\u00ebs drejtoi nj\u00eb mesazh p\u00ebr qeverin\u00eb, p\u00ebr ministrat, p\u00ebr klas\u00ebn politike, p\u00ebr t\u00eb gjith\u00eb njer\u00ebzit, q\u00eb kan\u00eb nj\u00eb p\u00ebrgjegj\u00ebsi n\u00eb jet\u00ebn e tyre t\u00eb k\u00ebsaj bote dhe p\u00ebr krejt individ\u00ebt q\u00eb t\u00eb ken\u00eb frik\u00eb Zotin n\u00eb marr\u00ebdh\u00ebniet e tyre t\u00eb p\u00ebrditshme dhe t\u00eb distancohen nga haramet.<\/p>\n

Nd\u00ebr t\u00eb tjera, Myftiu tha: \u201cNj\u00eb shoq\u00ebri, individ\u00ebt e s\u00eb cil\u00ebs p\u00ebrziejn\u00eb haramin me hallallin e p\u00ebrditsh\u00ebm largojn\u00eb bekimet dhe mir\u00ebsin\u00eb e Zotit nga jeta e tyre!\u201d<\/p>\n

Myftiu \u00e7oi rahmete dhe u lut p\u00ebr shpirtrat e hoxhallar\u00ebve, myftiler\u00ebve, bamir\u00ebsve dhe besimtar\u00ebve t\u00eb shkuar, sikurse iu drejtua Zotit t\u00eb gjith\u00ebsis\u00eb me nj\u00eb lutje t\u00eb posa\u00e7me p\u00ebr Shkodr\u00ebn, Shqip\u00ebrin\u00eb dhe shqiptar\u00eb e besimtar\u00eb kudo q\u00eb ndodhen.<\/p>\n

N\u00eb shoq\u00ebrin\u00eb e salavateve dhe ajeteve t\u00eb ndryshme kur\u2019anore, q\u00eb vinin nga minarja e xhamis\u00eb s\u00eb Plumbit, besimtar\u00ebt u p\u00ebrsh\u00ebndet\u00ebn me nj\u00ebri-tjetrin, duke k\u00ebmbyer urimet, lutjet dhe k\u00ebnaq\u00ebsin\u00eb e madhe t\u00eb k\u00ebsaj dite t\u00eb paharruar.<\/p>\n