{"id":18256,"date":"2025-06-02T19:45:28","date_gmt":"2025-06-02T19:45:28","guid":{"rendered":"https:\/\/myftinia-shkoder.org\/?p=18256"},"modified":"2025-06-03T13:30:13","modified_gmt":"2025-06-03T13:30:13","slug":"reportazh-per-xhamine-e-plumbit-simbol-i-historise-besimit-dhe-trashegimise-kulturore-osmane","status":"publish","type":"post","link":"https:\/\/myftinia-shkoder.org\/?p=18256","title":{"rendered":"Reportazh p\u00ebr xhamin\u00eb e Plumbit: Simbol i historis\u00eb, besimit dhe trash\u00ebgimis\u00eb kulturore osmane"},"content":{"rendered":"

Reportazh p\u00ebr xhamin\u00eb e Plumbit: Simbol i historis\u00eb, besimit dhe trash\u00ebgimis\u00eb kulturore osmane<\/strong><\/p>\n

N\u00eb nj\u00eb reportazh p\u00ebr televizionin Teuta t\u00eb Ulqinit, teologu Arben Halluni, ndau me publikun detaje t\u00eb r\u00ebnd\u00ebsishme p\u00ebr xhamin\u00eb e Plumbit n\u00eb Shkod\u00ebr, pas p\u00ebrfundimit t\u00eb restaurimit t\u00eb plot\u00eb t\u00eb saj, nj\u00eb kult i r\u00ebnd\u00ebsish\u00ebm islam, por edhe nj\u00eb trash\u00ebgimi e vyer historike p\u00ebr qytetin e Shkodr\u00ebs dhe jo vet\u00ebm.<\/p>\n

Teologu Halluni gjat\u00eb intervist\u00ebs me gazetaren znj. Egzona Shata tha se: Xhamia e Plumbit, nj\u00eb nd\u00ebr monumentet m\u00eb t\u00eb r\u00ebnd\u00ebsishme t\u00eb trash\u00ebgimis\u00eb osmane n\u00eb Shqip\u00ebri, \u00ebsht\u00eb rikthyer n\u00eb shk\u00eblqimin e saj origjinal, fal\u00eb nj\u00eb investimi prej afro 6 milion\u00eb euro, dhuruar dhe financuar nga qeveria turke n\u00eb bashk\u00ebpunim me qeverin\u00eb shqiptare. Ky projekt tashm\u00eb i p\u00ebrfunduar \u00ebsht\u00eb nj\u00eb r\u00ebnd\u00ebsi jetike p\u00ebr ruajtjen afatgjat\u00eb t\u00eb objektit monumental t\u00eb Kategoris\u00eb s\u00eb Par\u00eb, i cili p\u00ebr dekada me radh\u00eb ka vuajtur nga p\u00ebrmbytjet e vazhdueshme p\u00ebr shkak t\u00eb v\u00ebrshimeve nga uj\u00ebrat e lumenjve Kir dhe Drin, etj.<\/p>\n

N\u00eb intervist\u00ebn e zhvilluar, q\u00eb do t\u00eb transmetohet n\u00eb dit\u00ebn e par\u00eb t\u00eb Kurban Bajramit, z. Halluni theksoi r\u00ebnd\u00ebsin\u00eb shpirt\u00ebrore, kulturore dhe arkitektonike t\u00eb k\u00ebsaj xhamie q\u00eb daton nga shekulli XVIII nga Mehmet Pash\u00eb Plaku\/Bushatlliu. Me nj\u00eb nd\u00ebrtim unik me plumb n\u00eb kupola dhe konstruksion karakteristik osman, ajo p\u00ebrfaq\u00ebson nj\u00eb pjes\u00eb t\u00eb identitetit t\u00eb Shkodr\u00ebs dhe t\u00eb gjith\u00eb historis\u00eb islame n\u00eb trojet shqiptare.<\/p>\n

Ai p\u00ebrmendi se, m\u00eb 8 maj 2025, n\u00eb nj\u00eb ceremoni protokollare, u b\u00eb hapja zyrtare e xhamis\u00eb s\u00eb Plumbit, e cila u kuror\u00ebzua me nj\u00eb lidhje virtuale t\u00eb Presidentit t\u00eb Turkiyes, Recep Tayyip Erdo\u011fan, si dhe me pjes\u00ebmarrjen e p\u00ebrfaq\u00ebsuesve t\u00eb lart\u00eb t\u00eb institucioneve fetare dhe civile dhe qytetar\u00ebve t\u00eb shumt\u00eb. Nd\u00ebrsa falja e par\u00eb e xhumas\u00eb, pas restaurimit, u b\u00eb m\u00eb 30 maj 2025, ku besimtar\u00ebt e shumt\u00eb, n\u00ebn drejtimin e Myftiut t\u00eb Shkodr\u00ebs, Imam Muhamed B. Sytari, mbush\u00ebn ambientet e xhamis\u00eb n\u00eb nj\u00eb atmosfer\u00eb g\u00ebzimi dhe fest\u00eb historike.<\/p>\n

Me rastin e Kurban Bajramit, i cili k\u00ebt\u00eb vit \u00ebsht\u00eb m\u00eb 6 qershor, teologu Halluni p\u00ebrcolli mesazhe t\u00eb r\u00ebnd\u00ebsishme t\u00eb unitetit, faljes, paqes sociale dhe mir\u00ebsis\u00eb. Ai theksoi r\u00ebnd\u00ebsin\u00eb q\u00eb kjo fest\u00eb ka p\u00ebr besimtar\u00ebt mysliman\u00eb si nj\u00eb moment sakrifikimi, solidariteti dhe p\u00ebrkushtimi ndaj Zotit Fuqiplot\u00eb dhe komunitetit n\u00eb p\u00ebrgjith\u00ebsi.<\/p>\n