{"id":18448,"date":"2025-06-19T22:36:16","date_gmt":"2025-06-19T22:36:16","guid":{"rendered":"https:\/\/myftinia-shkoder.org\/?p=18448"},"modified":"2025-06-20T19:10:50","modified_gmt":"2025-06-20T19:10:50","slug":"nen-hijen-e-trashegimise-sone-mbremja-e-pare-fetare-me-nxenesit-e-mejtepeve-ne-xhamine-e-plumbit","status":"publish","type":"post","link":"https:\/\/myftinia-shkoder.org\/?p=18448","title":{"rendered":"\u201cN\u00ebn hijen e trash\u00ebgimis\u00eb son\u00eb\u201d – Mbr\u00ebmja e Par\u00eb Fetare me nx\u00ebn\u00ebsit e mejtepeve n\u00eb Xhamin\u00eb e Plumbit"},"content":{"rendered":"

\u201cN\u00ebn hijen e trash\u00ebgimis\u00eb son\u00eb\u201d – Mbr\u00ebmja e Par\u00eb Fetare me nx\u00ebn\u00ebsit e mejtepeve n\u00eb Xhamin\u00eb e Plumbit<\/strong><\/p>\n

Myftinia Shkod\u00ebr, p\u00ebrmes sektorit t\u00eb arsimit, organizoi me nx\u00ebn\u00ebsit e disa mejtepeve dhe kurseve fetare nj\u00eb mbr\u00ebmje t\u00eb ve\u00e7ant\u00eb shpirt\u00ebrore, e para e k\u00ebtij lloji pas restaurimit t\u00eb xhamis\u00eb s\u00eb Plumbit, nj\u00eb nga simbolet m\u00eb t\u00eb \u00e7muara t\u00eb trash\u00ebgimis\u00eb son\u00eb fetare, historike dhe kulturore.<\/p>\n

Programi i k\u00ebtij aktiviteti q\u00eb mblodhi rreth 300 nx\u00ebn\u00ebs, m\u00ebsues, imam dhe prind\u00ebr, me tem\u00eb; \u201cN\u00ebn hijen e trash\u00ebgimis\u00eb son\u00eb\u201d, u hap me lexim t\u00eb disa ajeteve kur\u2019anore nga imami i k\u00ebsaj xhamie, H. Bajram Belgin dhe me nj\u00eb fjal\u00eb hap\u00ebse dhe frym\u00ebzuese nga teologu Arben Halluni, drejtues i arsimit, pran\u00eb Myftinis\u00eb Shkod\u00ebr.<\/p>\n

Nd\u00ebrsa, Myftiu i Shkodr\u00ebs, Imam Muhamed B. Sytari n\u00eb mesazhin e tij u ndal te kujtesa e gjall\u00eb e vlerave tona islame, dhe si nj\u00eb frym\u00ebzim p\u00ebr edukimin dhe p\u00ebrkushtimin e t\u00eb rinjve n\u00eb rrug\u00ebn e dijes dhe besimit, sidomos n\u00eb k\u00ebt\u00eb periudh\u00eb vere q\u00eb duhet shfryt\u00ebzohet maksimalisht me dije dhe moral t\u00eb lart\u00eb islam.<\/p>\n

\u201cKy tubim dhe krejt tubimet e tjera jan\u00eb dit\u00eb g\u00ebzimi p\u00ebr k\u00ebta f\u00ebmij\u00eb (nx\u00ebn\u00ebs). Dhe ezani i tyre \u00ebsht\u00eb gjall\u00ebri p\u00ebr xhamin\u00eb e Plumbit dhe p\u00ebr t\u00eb gjitha xhamit\u00eb e Shkodr\u00ebs. Ezani i f\u00ebmij\u00ebve n\u00eb xhamit\u00eb tona sa do q\u00eb t\u00eb duket i nalt\u00eb, \u00ebsht\u00eb i barasvlersh\u00ebm me cic\u00ebrimat e k\u00ebtyre zogjve q\u00eb na e shoq\u00ebrojn\u00eb leximin e Kur\u2019anit dhe mesazhet e ndryshme q\u00eb ne p\u00ebrcjellim me nj\u00eb p\u00ebrshpirt\u00ebsi t\u00eb pa p\u00ebrshkruar\u2026\u201d \u2013 tha Myftiu Sytari<\/p>\n

Nj\u00eb fjal\u00eb p\u00ebrsh\u00ebndet\u00ebse mbajti edhe Atasheu p\u00ebr \u00c7\u00ebshtje Fetare n\u00eb Ambasad\u00ebn e Turkijes n\u00eb Tiran\u00eb, Dr. Adem Gerdeliz, si dhe nj\u00eb p\u00ebrsh\u00ebndetje t\u00eb ngroht\u00eb nga H. Kujtim Cufaj, m\u00ebsues i p\u00ebrkushtuar i mejtepeve p\u00ebr mbi 34 vite.<\/p>\n

Emocione t\u00eb ve\u00e7anta krijuan paraqitjet artistike t\u00eb nx\u00ebn\u00ebsve t\u00eb xhamis\u00eb Bardhaj, n\u00ebn drejtimin e znj. Aurelda Dizdari, t\u00eb cil\u00ebt p\u00ebr\u00e7uan p\u00ebrmes recitimeve dhe ilahive ndjenjat e besimit, p\u00ebrkushtimit dhe historis\u00eb islame.<\/p>\n

Atmosfera u zbukurua m\u00eb tej me tingujt e \u00ebmb\u00ebl t\u00eb ilahive si dhe nj\u00eb koktejl i p\u00ebrgatitur nga znj. Kimete Elezi, p\u00ebrgjegj\u00ebse dhe m\u00ebsuese n\u00eb qendr\u00ebn kulturore Oblik\u00eb, s\u00eb bashku me stafin e saj vullnetare.<\/p>\n

Aktiviteti vijoi me vizitat n\u00eb ambientet historike t\u00eb xhamis\u00eb s\u00eb Plumbit, duke p\u00ebrfunduar me faljen bashk\u00ebrisht t\u00eb namazit t\u00eb akshamit dhe shp\u00ebrndarjen e librave dhe ilmihaleve falas p\u00ebr nx\u00ebn\u00ebsit, si dhurat\u00eb p\u00ebr rrug\u00ebn e tyre n\u00eb k\u00ebrkimin e dijes dhe p\u00ebrforcimin e besimit islam.<\/p>\n