{"id":18599,"date":"2025-06-28T21:42:50","date_gmt":"2025-06-28T21:42:50","guid":{"rendered":"https:\/\/myftinia-shkoder.org\/?p=18599"},"modified":"2025-06-28T22:01:28","modified_gmt":"2025-06-28T22:01:28","slug":"perjetime-haxhi-mbresa-te-paharruara-nga-udhetimi-ne-vendet-e-shenjta","status":"publish","type":"post","link":"https:\/\/myftinia-shkoder.org\/?p=18599","title":{"rendered":"\u201cP\u00ebrjetime Haxhi\u201d \u2013 Mbresa t\u00eb paharruara nga udh\u00ebtimi n\u00eb vendet e Shenjta"},"content":{"rendered":"

\u201cP\u00ebrjetime Haxhi\u201d \u2013 Mbresa t\u00eb paharruara nga udh\u00ebtimi n\u00eb vendet e Shenjta<\/strong><\/p>\n

Pasditen e s\u00eb xhumas\u00eb, m\u00eb 27 qershor 2025, Myftinia Shkod\u00ebr, n\u00eb nder t\u00eb haxhiler\u00ebve t\u00eb k\u00ebtij viti, organizoi aktivitetin me titull \u201cP\u00ebrjetime Haxhi\u201d, nj\u00eb takim frym\u00ebzues dhe mbres\u00ebl\u00ebn\u00ebs ku u ndan\u00eb p\u00ebrjetime dhe emocione nga Haxhi 1446\/2025.<\/p>\n

T\u00eb pranish\u00ebm n\u00eb k\u00ebt\u00eb aktivitet ishin Myftiu i Shkodr\u00ebs, Imam Muhamed B. Sytari, imam\u00eb t\u00eb xhamive t\u00eb qytetit, haxhiler\u00ebt e k\u00ebtij viti, si dhe besimtar\u00eb t\u00eb ndrysh\u00ebm, t\u00eb cil\u00ebt ndoq\u00ebn me interes rr\u00ebfimet e haxhiler\u00ebve t\u00eb k\u00ebtij viti.<\/p>\n

N\u00eb fjal\u00ebn e tij p\u00ebrsh\u00ebndet\u00ebse, Myftiu Sytari shprehu fal\u00ebnderimet p\u00ebr Zotin p\u00ebr mund\u00ebsin\u00eb e dh\u00ebn\u00eb p\u00ebr t\u00eb kryer k\u00ebt\u00eb adhurim madh\u00ebshtor, si dhe p\u00ebrg\u00ebzoi haxhiler\u00ebt p\u00ebr p\u00ebrmbushjen e nj\u00eb prej shtyllave t\u00eb Islamit. Ai theksoi r\u00ebnd\u00ebsin\u00eb shpirt\u00ebrore t\u00eb Haxhit dhe vler\u00ebn e p\u00ebr\u00e7imit t\u00eb p\u00ebrjetimeve t\u00eb sinqerta q\u00eb frym\u00ebzojn\u00eb brezat dhe p\u00ebrforcojn\u00eb ndjenj\u00ebn e lidhjes me Qaben, Medine e Ndri\u00e7uar dhe vendet e tjera t\u00eb Shenjta.<\/p>\n

N\u00eb vijim, disa prej haxhiler\u00ebve, H. Ylber Rupa, H. Adem Pizga, H. Ervis Molla, H. Asllan Baba, si dhe t\u00eb tjet\u00ebr haxhiler\u00eb dhe haxhilere, ndan\u00eb me emocion mbresat e tyre nga q\u00ebndrimi n\u00eb Mek\u00eb e Medin\u00eb, p\u00ebrjetimet e momenteve t\u00eb lutjeve n\u00eb Qabe, bashkimi me miliona musliman\u00eb nga e gjith\u00eb bota dhe ndjesit\u00eb e thella t\u00eb m\u00ebshir\u00ebs, faljes dhe bashkimit n\u00eb nj\u00eb adhurim t\u00eb p\u00ebrbashk\u00ebt dhe t\u00eb paharruar p\u00ebr k\u00ebdo q\u00eb shkon n\u00eb Haxh.<\/p>\n

Takimi u zhvillua n\u00eb nj\u00eb atmosfer\u00eb t\u00eb p\u00ebrshpirtshme, duke u shnd\u00ebrruar n\u00eb nj\u00eb mund\u00ebsi reflektimi, p\u00ebrkujtimi dhe fal\u00ebnderimi ndaj mir\u00ebsive t\u00eb Allahut t\u00eb Madh\u00ebruar dhe dometh\u00ebnies s\u00eb v\u00ebrtet\u00eb t\u00eb Haxhit n\u00eb jet\u00ebn e besimtarit.<\/p>\n