{"id":18904,"date":"2025-07-11T22:24:27","date_gmt":"2025-07-11T22:24:27","guid":{"rendered":"https:\/\/myftinia-shkoder.org\/?p=18904"},"modified":"2025-08-06T13:20:35","modified_gmt":"2025-08-06T13:20:35","slug":"cfare-po-ndodhe-ne-shkoder-me-ceshtjen-e-vakefit-zdralej","status":"publish","type":"post","link":"https:\/\/myftinia-shkoder.org\/?p=18904","title":{"rendered":"\u00c7far\u00eb po ndodh\u00eb n\u00eb Shkod\u00ebr me \u00e7\u00ebshtjen e vak\u00ebfit n\u00eb Zdralej?"},"content":{"rendered":"

\u00c7far\u00eb po ndodh\u00eb n\u00eb Shkod\u00ebr me \u00e7\u00ebshtjen e vak\u00ebfit n\u00eb Zdralej?<\/strong><\/p>\n

Myftiu Sytari sqaron besimtar\u00ebt me fakte e d\u00ebshmi!<\/em><\/p>\n

Nga hytbeja e xhumas\u00eb n\u00eb xhamin\u00eb e Parruc\u00ebs, m\u00eb 11 korrik 2025, Myftiu i Shkodr\u00ebs, Imam Muhamed B. Sytari, ka sqaruar para besimtar\u00ebve dhe mediave procesin lidhur me tregun e Zdrales q\u00eb ndodhet n\u00eb tok\u00ebn vak\u00ebf t\u00eb Myftinis\u00eb Shkod\u00ebr.<\/p>\n

Myftiu ka th\u00ebn\u00eb se q\u00eb n\u00eb vitin 2013, trualli ku \u00ebsht\u00eb vendosur tregu, ka kaluar n\u00eb pron\u00ebsi t\u00eb Komunitetit Mysliman t\u00eb Shqip\u00ebris\u00eb. Sapo kjo ka ndodhur, tregtar\u00ebt jan\u00eb thirrur dhe njoftuar p\u00ebr ta liruar duke u dh\u00ebn\u00eb si afat ekstrem p\u00ebr lirimin e tij, data 1 janar 2015!<\/p>\n

\u201cI kemi njoftuar t\u00eb gjith\u00eb tregtar\u00ebt dhe i kam pritur n\u00eb zyr\u00eb q\u00eb n\u00eb momentin e k\u00ebtij lajm\u00ebrimi, q\u00eb nga viti 2013. Nuk po flas p\u00ebrpara, as p\u00ebr \u00e7far\u00eb Bashkia e Shkodr\u00ebs ka b\u00ebr\u00eb tek stadiumi: p\u00ebr tregun q\u00eb ajo ka ngritur, jo ne. E ka ngritur mbi tok\u00ebn e dikujt, e vet\u00ebdijshme se nuk \u00ebsht\u00eb pron\u00eb e Bashkis\u00eb.<\/p>\n

N\u00eb tetor t\u00eb vitit 2013, Myftinis\u00eb s\u00eb Shkodr\u00ebs i \u00ebsht\u00eb b\u00ebr\u00eb kthimi i pron\u00ebs vak\u00ebf n\u00eb Zdrale, 3782 m2<\/sup>, por prona jon\u00eb \u00ebsht\u00eb shum\u00eb m\u00eb e madhe sesa k\u00ebto metra, e mbajtur n\u00eb p\u00ebrdorim nga ana e Bashkis\u00eb Shkod\u00ebr gjat\u00eb gjith\u00eb k\u00ebtyre viteve. Nuk kemi p\u00ebrfituar as nga Bashkia, as nga ata, as edhe nj\u00eb qindark\u00eb! Se njeriu ka fytyr\u00eb, ka nd\u00ebrgjegje!<\/p>\n

Dikush \u00ebsht\u00eb dasht\u00eb t\u00eb thot\u00eb: \u2018Po, un\u00eb jam k\u00ebtu, por kjo nuk \u00ebsht\u00eb prona ime! Nuk ma ka l\u00ebn\u00eb as baba, as gjyshi. E kujt \u00ebsht\u00eb kjo pron\u00eb? e Myftinis\u00eb! M\u00eb e pakta t\u00eb shkoj te Myftinia e t’i them: \u2013 zot\u00ebri, un\u00eb e di se ju sot nuk e keni kthyer k\u00ebt\u00eb pron\u00eb, por me hak t\u00eb Zotit ajo \u00ebsht\u00eb pron\u00eb e juaja. Un\u00eb me zem\u00ebr do ta sjell\u00eb 100 lek\u00eb n\u00eb muaj. Kaq e kam mund\u00ebsin\u00eb!\u2019 kjo nuk ka ndodhur nga askush!<\/p>\n

Me kthimin e pron\u00ebs, Myftinia Shkod\u00ebr ka k\u00ebrkuar zhvillimin e atij vak\u00ebfi. Kjo \u00ebsht\u00eb kontrata e par\u00eb q\u00eb \u00ebsht\u00eb n\u00ebnshkruar asokohe n\u00eb vitin 2014. Tregtar\u00ebve, ky q\u00eb flet, u ka th\u00ebn\u00eb: \u2018Do t\u00eb rrini aty ku jeni. Nuk ju nxjerr kush as p\u00ebr sezonin veror, as p\u00ebr fillimin e sezonit shkollor, as p\u00ebr krishtlindje e as p\u00ebr vitin e Ri, se njer\u00ebzit blejn\u00eb. N\u00eb janarin e vitit tjet\u00ebr t\u00eb b\u00ebheni gati dhe t\u00eb dilni!\u2019<\/p>\n

Myftiu Sytari, gjat\u00eb hytbes s\u00eb tij, ka reaguar edhe ndaj disa mediave dhe portaleve, t\u00eb cilat me pap\u00ebrgjegjshm\u00ebri, madje edhe me dashakeq\u00ebsi, b\u00ebhen pal\u00eb me t\u00eb pav\u00ebrtetat, lidhur me nj\u00eb \u00e7\u00ebshtje q\u00eb \u00ebsht\u00eb tep\u00ebr e qart\u00eb dhe transparente.<\/p>\n

Na akuzoni ne se k\u00ebshtu e ashtu? Jo! K\u00ebto merrini mbrapsht ju dhe mediat tuaja dhe kushdo! Un\u00eb e di. \u00cbsht\u00eb shum\u00eb e dhimbshme q\u00eb ti t\u00eb punosh n\u00eb nj\u00eb vend, ku nuk \u00ebsht\u00eb prona jote, nuk \u00ebsht\u00eb vendi yt dhe n\u00eb nj\u00eb moment i zoti i tok\u00ebs t\u00eb vij\u00eb dhe t\u00eb thot\u00eb: \u2013 zot\u00ebri t\u00eb lutem liro tok\u00ebn! \u2013 jo, un\u00eb se liroj!? Ky \u00ebsht\u00eb mentaliteti i shpellave. Ky \u00ebsht\u00eb mallkim i madh p\u00ebr pronarin e v\u00ebrtet\u00eb, q\u00eb nga ligji fam\u00ebkeq 7501 dhe nga shok\u00ebt e Iblisit q\u00eb punojn\u00eb me kazmat e shkat\u00ebrrimit t\u00eb pron\u00ebs p\u00ebr her\u00eb t\u00eb dyt\u00eb mbi kurrizin e pronar\u00ebve legjitim. I pari pronar legjitim dhe m\u00eb i madhi i atyre q\u00eb \u00ebsht\u00eb prekur n\u00eb Republik\u00ebn e Shqip\u00ebris\u00eb nga ky ligj fam\u00ebkeq, \u00ebsht\u00eb Komuniteti Mysliman i Shqip\u00ebris\u00eb dhe t\u00eb gjitha Myftinit\u00eb!\u201d, ka deklaruar m\u00eb tej Myftiu i Shkodr\u00ebs, Imam Muhamed B. Sytari<\/p>\n

Hytben e plot\u00eb mund ta ndiqni k\u00ebtu:<\/p>\n