{"id":19026,"date":"2025-08-09T14:01:18","date_gmt":"2025-08-09T14:01:18","guid":{"rendered":"https:\/\/myftinia-shkoder.org\/?p=19026"},"modified":"2025-08-09T14:01:18","modified_gmt":"2025-08-09T14:01:18","slug":"presidenti-i-republikes-shtz-bajram-begaj-vizitoi-xhamine-e-plumbit","status":"publish","type":"post","link":"https:\/\/myftinia-shkoder.org\/?p=19026","title":{"rendered":"Presidenti i Republik\u00ebs, ShTZ. Bajram Begaj, vizitoi Xhamin\u00eb e Plumbit"},"content":{"rendered":"

Presidenti i Republik\u00ebs, ShTZ. Bajram Begaj, vizitoi Xhamin\u00eb e Plumbit<\/strong><\/p>\n

Paradit\u00ebn e s\u00eb shtun\u00ebs, m\u00eb 9 gusht 2025, Myftiu i Shkodr\u00ebs, Imam Muhamed B. Sytari, priti n\u00eb nj\u00eb takim t\u00eb p\u00ebrzem\u00ebrt n\u00eb Xhamin\u00eb e Plumbit, ShTZ. Bajram Begaj, President i Republik\u00ebs s\u00eb Shqip\u00ebris\u00eb.<\/p>\n

Pasi i uroi mir\u00ebseardhjen n\u00eb Shkod\u00ebr, Shk\u00eblqesis\u00eb s\u00eb Tij, Presidentit t\u00eb Republik\u00ebs, Myftiu i Shkodr\u00ebs, shprehu k\u00ebnaq\u00ebsin\u00eb e tij me rastin e k\u00ebsaj vizite bujare q\u00eb Presidenti Begaj, pati mir\u00ebsin\u00eb t\u00eb zhvilloj\u00eb sot n\u00eb xhamin\u00eb e Plumbit.<\/p>\n

Vizita e Presidentit t\u00eb Republik\u00ebs n\u00eb xhamin\u00eb e restauruar t\u00eb Plumbit, u shoq\u00ebrua me nj\u00eb bashk\u00ebbisedim t\u00eb p\u00ebrzem\u00ebrt, q\u00eb u zbukuruar edhe me detajet e shumta t\u00eb xhamis\u00eb historike.<\/p>\n

Bashk\u00ebbisedimi i ngroht\u00eb, vijoi edhe gjat\u00eb vizit\u00ebs n\u00eb ambientet e brendshme dhe t\u00eb jashtme t\u00eb kompleksit islam t\u00eb Xhamis\u00eb s\u00eb Plumbit, q\u00eb u vler\u00ebsua edhe nga Presidenti Begaj, p\u00ebr detajet e arkitektur\u00ebs dhe ngroht\u00ebsin\u00eb q\u00eb dhuron p\u00ebr frekuentuesit dhe vizitor\u00ebt e saj.<\/p>\n

N\u00eb takim, ku ishte e pranishme dhe Prefektja e Shkodr\u00ebs, znj. Majlinda Angoni, drejtori i Medreses\u00eb “Haxhi Sheh Shamia”, z. Kujtim Dervishi, imam\u00eb dhe pjes\u00ebtar\u00eb t\u00eb stafit t\u00eb Myftinis\u00eb Shkod\u00ebr, u vu theksi edhe tek roli i madh i komuniteteve fetare t\u00eb Shkodr\u00ebs p\u00ebr rim\u00ebk\u00ebmbjen e vendit, sidomos me zhvillimet historike t\u00eb n\u00ebntorit 1990.<\/p>\n

N\u00eb k\u00ebt\u00eb kontekst, Myftiu Sytari e informoi Presidentin Begaj me aktivitetet q\u00eb po zhvillohen n\u00eb kuad\u00ebr t\u00eb vitit jubilar t\u00eb 35-t\u00eb t\u00eb rihapjes s\u00eb kishave dhe xhamive n\u00eb Shkod\u00ebr e n\u00eb mbar\u00eb Shqip\u00ebrin\u00eb, duke k\u00ebrkuar nga Shk\u00eblqesia e Tij, q\u00eb tre komunitetet fetare t\u00eb Shkodr\u00ebs, t\u00eb nderohen n\u00eb k\u00ebt\u00eb atmosfer\u00eb t\u00eb begat\u00eb, p\u00ebr kontributin e madh q\u00eb kan\u00eb dh\u00ebn\u00eb dhe vazhdojn\u00eb t\u00eb japin n\u00eb ruajtjen dhe p\u00ebrhapjen e vlerave t\u00eb harmonis\u00eb, pajtimit, bashk\u00ebjetes\u00ebs dhe solidaritetit me njer\u00ebzit n\u00eb nevoj\u00eb.<\/p>\n

Me rastin e k\u00ebsaj vizite, Myftiu i Shkodr\u00ebs i dhuroi Presidentit t\u00eb Republik\u00ebs, kolan\u00ebn e vepr\u00ebs s\u00eb plot\u00eb t\u00eb dijetarit dhe Hoxh\u00ebs s\u00eb shquar shkodran, Imam Vehbi Ismaili (1919 – 2008).<\/p>\n