{"id":19318,"date":"2025-09-27T12:26:45","date_gmt":"2025-09-27T12:26:45","guid":{"rendered":"https:\/\/myftinia-shkoder.org\/?p=19318"},"modified":"2025-10-01T12:14:23","modified_gmt":"2025-10-01T12:14:23","slug":"myftiu-i-shkodres-fesadi-i-pushteteve-me-vakefet-ne-shkoder","status":"publish","type":"post","link":"https:\/\/myftinia-shkoder.org\/?p=19318","title":{"rendered":"Myftiu i Shkodr\u00ebs: \u201cFesadi i pushteteve me vak\u00ebfet n\u00eb Shkod\u00ebr!\u201d"},"content":{"rendered":"

Myftiu i Shkodr\u00ebs: \u201cFesadi i pushteteve me vak\u00ebfet n\u00eb Shkod\u00ebr!\u201d<\/strong><\/p>\n

N\u00ebp\u00ebrmjet dersit t\u00eb dit\u00ebs s\u00eb xhuma, mbajtur n\u00eb xhamin\u00eb e Parruc\u00ebs, m\u00eb 26 shtator 2025, Myftiu i Shkodr\u00ebs, Imam Muhamed B. Sytari, trajtoi tefsirin e ajetit 41 t\u00eb sures Er-Rum, ku Allahu i Madh\u00ebruar thot\u00eb: \u201cP\u00ebr shkak t\u00eb veprave (t\u00eb k\u00ebqija) t\u00eb njer\u00ebzve, jan\u00eb shfaqur n\u00eb tok\u00eb e n\u00eb det t\u00eb zeza (bela, skamje, katastrofa, humbje e bereqetit etj.), e p\u00ebr ta p\u00ebrjetuar ata nj\u00eb pjes\u00eb t\u00eb k\u00ebsaj t\u00eb keqeje q\u00eb e b\u00ebn\u00eb, ashtu q\u00eb t\u00ebrhiqen (nga t\u00eb k\u00ebqijat)\u201d<\/p>\n

P\u00ebrmes tesfirit t\u00eb k\u00ebtij ajeti fisnik, ai trajtoi p\u00ebrhapjen e fesadit dhe shkat\u00ebrrimit, q\u00eb \u00ebsht\u00eb p\u00ebrhapur gjithandej p\u00ebr shkak t\u00eb veprave dhe veseve t\u00eb k\u00ebqija, q\u00eb njer\u00ebzit i veprojn\u00eb, duke mos u ndalur te asnj\u00eb kufi ndershm\u00ebrie, parimi apo t\u00eb drejte njer\u00ebzore.<\/p>\n

Gjat\u00eb ligj\u00ebrat\u00ebs s\u00eb tret\u00eb t\u00eb tefsirit t\u00eb k\u00ebtij ajeti, nd\u00ebr t\u00eb tjera, Myftiu u ndal edhe tek fenomeni i tjet\u00ebrsimit t\u00eb pronave vak\u00ebf dhe d\u00ebmin e madh q\u00eb shkakton ky veprim n\u00eb shoq\u00ebri.<\/p>\n

Nd\u00ebr t\u00eb tjera Myftiu tha: \u201cFesadi ndahet n\u00eb dy pjes\u00eb, n\u00eb fesad material dhe fesad shoq\u00ebror… Fesadi \u00ebsht\u00eb kur ti jeton n\u00eb nj\u00eb vend dhe prej aty ku duhet t\u00eb dal\u00eb drejt\u00ebsia del zhvatja, prej aty ku duhet t\u00eb dal\u00eb mir\u00ebkuptimi del grabitja, prej aty ku duhet t\u00eb k\u00ebrkosh drejt\u00eb t\u00ebnde dhe ku duhesh t\u00eb marr\u00ebsh pron\u00ebn t\u00ebnde, t\u00eb marr\u00ebsh t\u00eb drejt\u00ebn t\u00ebnde t\u00eb shenjt\u00eb q\u00eb ta ka dh\u00ebn\u00eb Zotit, e p\u00ebr t\u00eb cil\u00ebn edhe po t\u00eb vritesh je shehid tek Allahu i Madh\u00ebruar, ta grabisin, ta tjet\u00ebrsojn\u00eb, ia japin dikujt t\u00eb pamunduarit, edhe k\u00ebshtu nis\u00eb edhe gangrena e fesadit e p\u00ebrfshin\u00eb realitetin ku ne jetojm\u00eb.<\/p>\n

Nj\u00eb qytet, q\u00eb Allahu i Madh\u00ebruar e ka begatuar me mir\u00ebsi pafund, mir\u00ebpo q\u00eb dora e femohuesit, e dora e idhujtarit, e dora e njeriut t\u00eb pafe, t\u00eb pa din\u00eb e t\u00eb pa iman, e t\u00eb pa moral komb\u00ebtar e pa virtyt komb\u00ebtar, e merr dhe e kthen krejt k\u00ebt\u00eb tablo t\u00eb mir\u00ebsis\u00eb hyjnore n\u00eb nj\u00eb tablo t\u00eb grabitjes, n\u00eb nj\u00eb tablo t\u00eb sh\u00ebmtuar, e cila nuk ka asnj\u00eb lloj vlere, por p\u00ebrtej k\u00ebsaj e sh\u00ebmton edhe tablon\u00eb e mir\u00ebsive dhe bekimeve hyjnore.<\/p>\n

Ne e kemi ngritur z\u00ebrin me t\u00eb madhe pran\u00eb t\u00eb gjitha institucioneve… T\u00eb b\u00ebsh at\u00eb, q\u00eb \u00ebsht\u00eb me e denja p\u00ebr vak\u00ebfin t\u00ebnd, ti je fisnik, edhe ti je faqebardh\u00eb. E kemi ngritur z\u00ebrin n\u00eb t\u00eb gjitha institucionet, e kemi ngritur z\u00ebrin tek qeveria, e kemi ngritur z\u00ebrin tek t\u00eb gjitha qeverit\u00eb, tek t\u00eb gjitha gjykatat, n\u00eb Strasburg, edhe jemi p\u00ebrpara k\u00ebtij fakti, q\u00eb gjithsesi \u00ebsht\u00eb i barabart\u00eb me fjal\u00ebn \u2018fesad\u2019.<\/p>\n

I ngrati ai, q\u00eb vjedh pron\u00ebn e tjetrit, nuk ka p\u00ebr t\u2019i pasur bereqet, as n\u00eb dynja e as n\u00eb ahiret. Le t\u2019ia firmos\u00eb presidenti i bot\u00ebs, kryeministri i bot\u00ebs, asnj\u00eb lloj bereqeti nuk ka prona e grabitur, asnj\u00eb lloj begatie ajo \u00e7far\u00eb i ke grabitur tjetrit. Ka p\u00ebr t\u00eb t\u00eb ngelur n\u00eb fyt ty, f\u00ebmij\u00ebve tuaj, nip\u00ebrve tuaj dhe gjith\u00eb atyre q\u00eb p\u00ebrfshihen, qoft\u00eb edhe me nj\u00eb heshtje, a me nj\u00eb l\u00ebvizje koke pa fjal\u00eb!\u201d<\/p>\n

Mesazhit t\u00eb Myftiut i b\u00ebn\u00eb jehon\u00eb edhe mediat lokale, por jo vet\u00ebm, q\u00eb publikuan mesazhet e tij n\u00eb rrjetet e tyre sociale.<\/p>\n

Ligj\u00ebrat\u00ebn e plot\u00eb t\u00eb mbajtur nga Myftiu i Shkodr\u00ebs e gjeni n\u00eb linkun e m\u00ebposht\u00ebm.<\/p>\n