{"id":19411,"date":"2025-10-14T09:02:08","date_gmt":"2025-10-14T09:02:08","guid":{"rendered":"https:\/\/myftinia-shkoder.org\/?p=19411"},"modified":"2025-10-14T09:02:08","modified_gmt":"2025-10-14T09:02:08","slug":"reagim-mbi-pronen-vakef-ne-shkoder-dhe-ndertimin-e-paligjshem-mbi-te","status":"publish","type":"post","link":"https:\/\/myftinia-shkoder.org\/?p=19411","title":{"rendered":"Reagim mbi pron\u00ebn vak\u00ebf n\u00eb Shkod\u00ebr dhe nd\u00ebrtimin e paligjsh\u00ebm mbi t\u00eb"},"content":{"rendered":"

Reagim mbi pron\u00ebn vak\u00ebf n\u00eb Shkod\u00ebr dhe nd\u00ebrtimin e paligjsh\u00ebm mbi t\u00eb<\/strong><\/p>\n

Komuniteti Mysliman i Shqip\u00ebris\u00eb shpreh indinjat\u00ebn dhe shqet\u00ebsimin e thell\u00eb p\u00ebr faktin se, pavar\u00ebsisht vendimeve t\u00eb form\u00ebs s\u00eb prer\u00eb t\u00eb gjykatave shqiptare, mbi nj\u00eb pron\u00eb vak\u00ebf n\u00eb qytetin e Shkodr\u00ebs ka nisur nd\u00ebrtimi i kull\u00ebs \u201cRozafa Tower\u201d.<\/p>\n

Ky veprim p\u00ebrb\u00ebn nj\u00eb shkelje t\u00eb hapur t\u00eb ligjit, nj\u00eb cenim t\u00eb t\u00eb drejt\u00ebs s\u00eb pron\u00ebsis\u00eb dhe nj\u00eb akt mosrespektimi ndaj institucioneve fetare dhe trash\u00ebgimis\u00eb vak\u00ebf.<\/p>\n

Prej m\u00eb shum\u00eb se tre dekadash, kjo pron\u00eb ka qen\u00eb objekt i nj\u00eb kalvari t\u00eb gjat\u00eb gjyq\u00ebsor dhe administrativ. N\u00eb vitin 1996, me vendimin nr. 1586 t\u00eb Komisionit t\u00eb Kthimit dhe Kompensimit t\u00eb Pronave Shkod\u00ebr, prona \u00ebsht\u00eb njohur n\u00eb favor t\u00eb KMSH, me t\u00eb drejt\u00eb parablerjeje t\u00eb objektit t\u00eb nd\u00ebrtuar mbi pron\u00ebn vak\u00ebf. N\u00eb vijim, Gjykata Kushtetuese n\u00eb vitin 1999 dhe Gjykata e Lart\u00eb me vendimin nr. 00.2014.3003(316), dat\u00eb 24.04.2014, konfirmuan p\u00ebrfundimisht t\u00eb drejt\u00ebn e pron\u00ebsis\u00eb mbi k\u00ebt\u00eb truall n\u00eb favor t\u00eb pronar\u00ebve legjitim\u00eb: Komunitetit Mysliman t\u00eb Shqip\u00ebris\u00eb, Kish\u00ebs Orthodhokse dhe familjes La\u00e7ej.<\/p>\n

Megjithat\u00eb, pavar\u00ebsisht k\u00ebtyre vendimeve, institucionet shtet\u00ebrore, p\u00ebrfshir\u00eb Ministrin\u00eb e Financave, Ministrin\u00eb e Kultur\u00ebs, Ekonomis\u00eb dhe Inovacionit, Zyr\u00ebn e P\u00ebrmbarimit Shkod\u00ebr dhe Agjencin\u00eb Shtet\u00ebrore t\u00eb Kadastr\u00ebs Dega Shkod\u00ebr, nuk kan\u00eb zbatuar detyrimet e tyre ligjore, duke lejuar nd\u00ebrhyrje t\u00eb paligjshme mbi pron\u00ebn dhe duke i hapur rrug\u00ebn nd\u00ebrtimit n\u00eb kund\u00ebrshtim me \u00e7do akt gjyq\u00ebsor.<\/p>\n

Komuniteti Mysliman i Shqip\u00ebris\u00eb thekson se moszbatimi i vendimeve gjyq\u00ebsore t\u00eb form\u00ebs s\u00eb prer\u00eb p\u00ebrb\u00ebn shkelje t\u00eb r\u00ebnd\u00eb ligjore dhe vep\u00ebr penale, q\u00eb minon parimet themelore t\u00eb shtetit t\u00eb s\u00eb drejt\u00ebs dhe d\u00ebmton besimin e qytetar\u00ebve tek institucionet.<\/p>\n

N\u00eb k\u00ebt\u00eb situat\u00eb, Komuniteti Mysliman i Shqip\u00ebris\u00eb k\u00ebrkon nd\u00ebrhyrjen e menj\u00ebhershme t\u00eb institucioneve shtet\u00ebrore p\u00ebr zbatimin e plot\u00eb t\u00eb vendimeve gjyq\u00ebsore q\u00eb njohin pron\u00ebsin\u00eb e ligjshme, nd\u00ebrprerjen e \u00e7do veprimi nd\u00ebrtimor mbi pron\u00ebn vak\u00ebf dhe hetimin e p\u00ebrgjegj\u00ebsive t\u00eb zyrtar\u00ebve q\u00eb kan\u00eb shp\u00ebrdoruar detyr\u00ebn.<\/p>\n

Sigurojm\u00eb t\u00eb gjith\u00eb besimtar\u00ebt se Komuniteti Mysliman mbetet i vendosur t\u00eb vijoj\u00eb me t\u00eb gjitha mjetet ligjore mbrojtjen e pron\u00ebs vak\u00ebf.<\/p>\n

N\u00ebse kjo e drejt\u00eb vijon t\u00eb cenohet, KMSH do ta ndjek\u00eb \u00e7\u00ebshtjen deri n\u00eb Gjykat\u00ebn Evropiane t\u00eb t\u00eb Drejtave t\u00eb Njeriut n\u00eb Strasburg, p\u00ebr t\u00eb k\u00ebrkuar zbatimin e vendimeve gjyq\u00ebsore dhe d\u00ebmshp\u00ebrblimin p\u00ebr shkeljet e p\u00ebrs\u00ebritura.<\/p>\n

(www.kmsh.al)<\/p>\n