{"id":19523,"date":"2025-11-11T14:38:27","date_gmt":"2025-11-11T14:38:27","guid":{"rendered":"https:\/\/myftinia-shkoder.org\/?p=19523"},"modified":"2025-11-11T15:00:00","modified_gmt":"2025-11-11T15:00:00","slug":"prof-dr-ibrahim-matar-mik-i-shtrenjte-ne-shkoder","status":"publish","type":"post","link":"https:\/\/myftinia-shkoder.org\/?p=19523","title":{"rendered":"Dr. Ibrahim Matar, mik i shtrenjt\u00eb n\u00eb Shkod\u00ebr"},"content":{"rendered":"

Dr. Ibrahim Matar, mik i shtrenjt\u00eb n\u00eb Shkod\u00ebr<\/strong><\/p>\n

Dit\u00ebn e mart\u00eb, m\u00eb 11 n\u00ebntor 2025, Myftiu i Shkodr\u00ebs, Imam Muhamed B. Sytari priti n\u00eb nj\u00eb takim t\u00eb p\u00ebrzem\u00ebrt thirr\u00ebsin islam, shkrimtarin dhe p\u00ebrkthyesin e nderuar damasken, Dr. Ibrahim Matar, i cili ndodhet p\u00ebr nj\u00eb vizit\u00eb disa ditore n\u00eb qytetin e Shkodr\u00ebs, me ftes\u00eb t\u00eb Myftinis\u00eb Shkod\u00ebr.<\/p>\n

Gjat\u00eb takimit t\u00eb p\u00ebrzem\u00ebrt, Myftiu i Shkodr\u00ebs i uroi mir\u00ebseardhjen edukatorit dhe intelektualit t\u00eb nderuar damasken, Dr. Ibarhim Matar, duke u lutur q\u00eb kjo vizit\u00eb e tij e par\u00eb n\u00eb qytetin e Shkodr\u00ebs t\u00eb plot\u00ebsoj\u00eb mozaikun e pasur t\u00eb udh\u00ebtimeve t\u00eb tij n\u00eb vende t\u00eb ndryshme t\u00eb bot\u00ebs, ku ka ligj\u00ebruar, ku ka dh\u00ebn\u00eb m\u00ebsim, ligj\u00ebrata dhe konferenca t\u00eb ndryshme p\u00ebrgjat\u00eb pes\u00eb dekadave t\u00eb fundit.<\/p>\n

Nga ana e tij, Dr. Ibrahim Matar shprehu k\u00ebnaq\u00ebsin\u00eb e madhe p\u00ebr k\u00ebt\u00eb vizit\u00eb n\u00eb qytetin e Shkodr\u00ebs, q\u00eb sikurse tha: \u201cMe k\u00ebt\u00eb qytet m\u00eb lidh nj\u00eb periudh\u00eb e begat\u00eb e jet\u00ebs sime, kur si m\u00ebsues dhe kujdestar i student\u00ebve shqiptar\u00eb, atyre shkodran\u00eb n\u00eb ve\u00e7anti gjat\u00eb viteve 1993 -2003, kisha k\u00ebnaq\u00ebsin\u00eb dhe nderin t\u00eb jem kujdestar dhe p\u00ebrgjegj\u00ebs p\u00ebr elit\u00ebn e hoxhallar\u00ebve t\u00eb ri t\u00eb Shkodr\u00ebs, q\u00eb studiuan tek ne n\u00eb Damask, n\u00eb Fondacionin e Kryemyftiut t\u00eb Siris\u00eb, Shejkh Ahmed Keftaro!\u201d<\/p>\n

M\u00eb pas, bashk\u00ebbisedimi i ngroht\u00eb vijoi me biseda me interes t\u00eb p\u00ebrbashk\u00ebt, me risjelljen n\u00eb v\u00ebmendje t\u00eb kujtimeve t\u00eb shumta t\u00eb periudh\u00ebs, kur Myftiu i Shkodr\u00ebs studionte n\u00eb Damask t\u00eb Siris\u00eb, dhe ku Dr. Ibrahim Matar ishte m\u00ebsues dhe edukator i spikatur.<\/p>\n

Vlen t\u00eb theksohet, se Dr. Ibrahim Matar ka sh\u00ebrbyer p\u00ebr disa dekada si m\u00ebsues i gjuh\u00ebs angleze, si hatib i disa xhamive, si ligj\u00ebrues dhe pjes\u00ebmarr\u00ebs n\u00eb konferenca t\u00eb ndryshme nd\u00ebrkomb\u00ebtare, sikurse njihet si p\u00ebrkthyes dhe shkrimtar, librat e t\u00eb cilit jan\u00eb botuar me mij\u00ebra kopje dhe jan\u00eb shp\u00ebrndar\u00eb n\u00eb vende t\u00eb ndryshme t\u00eb bot\u00ebs arabe dhe islame.<\/p>\n

Ai ka pasur nderin q\u00eb n\u00eb nj\u00eb periudh\u00eb t\u00eb gjat\u00eb t\u00eb jet\u00ebs s\u00eb tij t\u00eb ishte nj\u00eb nd\u00ebr p\u00ebrkthyesit e gjuh\u00ebs angleze t\u00eb Kryemyftiut t\u00eb Siris\u00eb, Shejkh Ahmed Keftaro.<\/p>\n