{"id":19640,"date":"2025-11-18T22:48:28","date_gmt":"2025-11-18T22:48:28","guid":{"rendered":"https:\/\/myftinia-shkoder.org\/?p=19640"},"modified":"2025-11-20T11:58:15","modified_gmt":"2025-11-20T11:58:15","slug":"keshilla-zemre-per-imamet-e-shkodres","status":"publish","type":"post","link":"https:\/\/myftinia-shkoder.org\/?p=19640","title":{"rendered":"K\u00ebshilla zemre p\u00ebr imam\u00ebt e Shkodr\u00ebs"},"content":{"rendered":"

K\u00ebshilla zemre p\u00ebr imam\u00ebt e Shkodr\u00ebs<\/strong><\/p>\n

Dit\u00ebn e mart\u00eb, m\u00eb 18 n\u00ebntor 2025, Myftinia Shkod\u00ebr organizoi nj\u00eb seminar p\u00ebr imam\u00ebt e qytetit dhe t\u00eb fshatit, ku i ftuar ishte Dr. Ibrahim Matar, intelektual, p\u00ebrkthyes dhe shkrimtar nga Damasku i Siris\u00eb.<\/p>\n

N\u00eb krye t\u00eb her\u00ebs Myftiu i Shkodr\u00ebs, Imam Muhamed B. Sytari, pasi fal\u00ebnderoi mikun e shtrenjt\u00eb p\u00ebr p\u00ebrgjigjen e ftes\u00ebs dhe pranin\u00eb e tij n\u00eb mesin e imam\u00ebve t\u00eb Shkodr\u00ebs, theksoi se takime t\u00eb tilla jan\u00eb nj\u00eb ushqim p\u00ebr zemr\u00ebn, mendjen dhe shpirtin e gjith\u00ebsecilit.<\/p>\n

Myftiu theksoi se prania e nj\u00eb intelektuali, shkrimtari dhe thirr\u00ebsi islam q\u00eb ka kaluar t\u00eb 80-tat mbi supe, p\u00ebrve\u00e7se p\u00ebrgjegj\u00ebsi \u00ebsht\u00eb edhe nj\u00eb t\u00ebrheqje v\u00ebmendjeje p\u00ebr gjith\u00ebsecilin prej t\u00eb pranishm\u00ebve, p\u00ebr respektimin e koh\u00ebs, p\u00ebr vler\u00ebsimin e mikut dhe p\u00ebr ndarjen nga egoizmi dhe mendjemadh\u00ebsia.<\/p>\n

N\u00eb ligj\u00ebrat\u00ebn e mbajtur p\u00ebrpara imam\u00ebve t\u00eb pranish\u00ebm, Dr. Ibrahim Matar, vuri theksin tek bazat e bashk\u00ebpunimit dhe komunikimit n\u00eb mesin e thirr\u00ebsve islam\u00eb dhe imam\u00ebve, si dhe rregullat e zhvillimit me sukses t\u00eb thirrjes islame me k\u00ebdo dhe n\u00eb \u00e7do koh\u00eb.<\/p>\n

Profesor Ibrahim Matar dha disa k\u00ebshilla me vler\u00eb p\u00ebr imam\u00ebt e pranish\u00ebm dhe n\u00ebp\u00ebrmjet mesazheve t\u00eb shumta gjat\u00eb ligj\u00ebrimit t\u00eb tij, vuri theksin tek sinqeriteti q\u00eb duhet t\u00eb ket\u00eb imami dhe prij\u00ebsi fetar n\u00eb marr\u00ebdh\u00ebnien e tij me Zotin e gjith\u00ebsis\u00eb, n\u00eb m\u00ebnyr\u00eb q\u00eb \u00e7do hap i tij n\u00eb k\u00ebt\u00eb aktivitet t\u00eb jet\u00eb i matur, i mir\u00ebpeshuar dhe n\u00eb ekuilib\u00ebr me k\u00ebnaq\u00ebsin\u00eb dhe p\u00eblqimin e Zotit t\u00eb gjith\u00ebsis\u00eb.<\/p>\n

Seminari vijoi me pyetje t\u00eb ndryshme nga imam\u00ebt e pranish\u00ebm, q\u00eb u plot\u00ebsuan me p\u00ebrgjigje t\u00eb urta t\u00eb pedagogut t\u00eb nderuar damasken.<\/p>\n