{"id":19655,"date":"2025-11-27T12:15:55","date_gmt":"2025-11-27T12:15:55","guid":{"rendered":"https:\/\/myftinia-shkoder.org\/?p=19655"},"modified":"2025-11-27T13:02:09","modified_gmt":"2025-11-27T13:02:09","slug":"myftiu-i-shkodres-vizitoi-myftinine-e-tetoves","status":"publish","type":"post","link":"https:\/\/myftinia-shkoder.org\/?p=19655","title":{"rendered":"Myftiu i Shkodr\u00ebs vizitoi Myftinin\u00eb e Tetov\u00ebs"},"content":{"rendered":"

Myftiu i Shkodr\u00ebs vizitoi Myftinin\u00eb e Tetov\u00ebs <\/strong><\/p>\n

Dit\u00ebn e m\u00ebrkur\u00eb, m\u00eb 26 n\u00ebntor 2025, Myftiu i Shkodr\u00ebs, Imam Muhamed B. Sytari, zhvilloi nj\u00eb vizit\u00eb v\u00ebllaz\u00ebrore n\u00eb Myftinin\u00eb e Tetov\u00ebs, ku u prit nga Myftiu i Tetov\u00ebs, Dr. Selver Xhemaili.<\/p>\n

Pas pritjes s\u00eb ngroht\u00eb n\u00eb selin\u00eb e Myftinis\u00eb s\u00eb Tetov\u00ebs, dy myftiler\u00ebt e nderuar, u shpreh\u00ebn p\u00ebrpara mediave me rastin e k\u00ebsaj vizite duke vler\u00ebsuar frym\u00ebn bashk\u00ebpunuese mes dy institucioneve dhe vullnetin p\u00ebr rritjen dhe forcimin e bashk\u00ebpunimeve n\u00eb t\u00eb ardhmen.<\/p>\n

Myftiu Sytari u shpreh, duke th\u00ebn\u00eb: \u201c\u00cbsht\u00eb k\u00ebnaq\u00ebsi shum\u00eb e madhe takimi sot, n\u00eb Myftinin\u00eb e Tetov\u00ebs me v\u00ebllain tim t\u00eb shtrenjt\u00eb dhe mikun e vjet\u00ebr, Myftiun e Tetov\u00ebs, Dr. Selever Xhemaili.<\/p>\n

Me ftes\u00ebn e tij bujare, do t\u00eb marrim pjes\u00eb bashk\u00ebrisht n\u00eb nj\u00eb aktivitet, i cili hedh drit\u00eb mbi rolin dhe kontributin e hoxhallar\u00ebve, por jo vet\u00ebm n\u00eb \u00e7\u00ebshtjen komb\u00ebtare.<\/p>\n

Si t\u00eb thuash, sot jemi p\u00ebr \u00e7\u00ebshtjen ton\u00eb t\u00eb p\u00ebrbashk\u00ebt islame dhe komb\u00ebtare, si dhe p\u00ebr t\u00eb p\u00ebr\u00e7uar disa mesazhe, q\u00eb na interesojn\u00eb t\u00eb gjith\u00ebve, drejt forcimit t\u00eb harmonis\u00eb, v\u00ebllaz\u00ebris\u00eb, bashk\u00ebpunimit dhe ruajtjes s\u00eb ekuilibrave t\u00eb k\u00ebsaj v\u00ebllaz\u00ebrie q\u00eb kemi me nj\u00ebri-tjetrin.\u201d<\/p>\n

Nd\u00ebrsa, Myftiu Xhemaili u shpreh: \u201cFal\u00ebnderoj Myftiun e Shkodr\u00ebs, t\u00eb nderuarin Muhamed ef. Sytari, q\u00eb gjeti koh\u00eb t\u2019i p\u00ebrgjigjet ftes\u00ebs ton\u00eb, q\u00eb t\u00eb jet\u00eb mysafiri yn\u00eb k\u00ebtu n\u00eb Tetov\u00eb, n\u00eb Myftinin\u00eb e Tetov\u00ebs, me nj\u00eb nijet q\u00eb t\u00eb zhvillojm\u00eb nj\u00eb aktivitet t\u00eb p\u00ebrbashk\u00ebt q\u00eb do t\u00eb mbahet sonte, pas namazit t\u00eb jacis\u00eb n\u00eb xhamin\u00eb e Kallnikut.<\/p>\n

Ky \u00ebsht\u00eb nj\u00eb aktiviteti, si\u00e7 e tha edhe Myftiu, i nd\u00ebrlidhur me \u00e7\u00ebshtjen fetare dhe me at\u00eb komb\u00ebtare.<\/p>\n

Por, sot un\u00eb kisha nderin ta mir\u00ebpres n\u00eb zyr\u00ebn e Myftinis\u00eb, Myftiun e nderuar, ku kaluam disa \u00e7aste t\u00eb bukura, duke biseduar rreth aktiviteteve dhe bashk\u00ebpunimit t\u00eb nd\u00ebrsjell\u00ebt dhe duke shpalosur edhe idet\u00eb e programeve t\u00eb p\u00ebrbashk\u00ebta, q\u00eb do t\u00eb realizojm\u00eb bashk\u00ebrisht si Myfitini e Tetov\u00ebs dhe Myftini e Shkodr\u00ebs.”<\/p>\n

M\u00eb pas, takimi v\u00ebllaz\u00ebror, vijoi me bashk\u00ebbisedimin e ngroht\u00eb dhe t\u00eb p\u00ebrzem\u00ebrt, ku n\u00eb fund u shk\u00ebmbyen edhe dhuratat simbolike.<\/p>\n

T\u00eb dy myftiler\u00ebt e nderuar, t\u00eb shoq\u00ebruara me bashk\u00ebpun\u00ebtor\u00ebt e tyre, fal\u00ebn namazin e akshamit n\u00eb xhamin\u00eb e vjet\u00ebr dhe me histori t\u00eb madhe t\u00eb Tetov\u00ebs, n\u00eb xhamin\u00eb e Larme, n\u00ebn drejtimin e Myftiut t\u00eb Shkodr\u00ebs, Imam Muhamed B. Sytari, i cili pas namazit p\u00ebrsh\u00ebndeti xhematin e pranish\u00ebm me disa k\u00ebshilla me\u00a0vler\u00eb\u00a0dhe\u00a0dobi.<\/p>\n