{"id":20082,"date":"2026-01-03T19:11:28","date_gmt":"2026-01-03T19:11:28","guid":{"rendered":"https:\/\/myftinia-shkoder.org\/?p=20082"},"modified":"2026-01-03T19:11:28","modified_gmt":"2026-01-03T19:11:28","slug":"myftiu-i-shkodres-te-na-sherbejne-tre-muajt-e-mire-per-rritjen-tone-ne-besim","status":"publish","type":"post","link":"https:\/\/myftinia-shkoder.org\/?p=20082","title":{"rendered":"Myftiu i Shkodr\u00ebs: “T\u00eb na sh\u00ebrbejn\u00eb Tre Muajt e Mir\u00eb p\u00ebr rritjen ton\u00eb n\u00eb besim!”"},"content":{"rendered":"

Myftiu i Shkodr\u00ebs: “T\u00eb na sh\u00ebrbejn\u00eb Tre Muajt e Mir\u00eb p\u00ebr rritjen ton\u00eb n\u00eb besim!”<\/strong><\/p>\n

N\u00ebp\u00ebrmjet minberit t\u00eb xhamis\u00eb s\u00eb lagjes D\u00ebrgut, dit\u00ebn e xhuma, m\u00eb 2 janar 2026, Myftiu i Shkodr\u00ebs, Imam Muhamed B. Sytari, iu drejtua besimtar\u00ebve t\u00eb shumt\u00eb t\u00eb pranish\u00ebm n\u00eb xhami me nj\u00eb mesazh q\u00eb ka t\u00eb b\u00ebj\u00eb me vler\u00ebsimin e mir\u00ebsis\u00eb s\u00eb madhe t\u00eb udh\u00ebzimit n\u00eb Islam dhe d\u00ebshmimit t\u00eb madh\u00ebshtis\u00eb s\u00eb besimit n\u00eb jet\u00ebn e p\u00ebrditshme.<\/p>\n

N\u00ebp\u00ebrmjet argumenteve t\u00eb shumta nga Kur\u2019ani Fam\u00eblart\u00eb dhe porosit\u00eb e t\u00eb D\u00ebrguarit t\u00eb Allahut (a.s), Myftiu Sytari u ndal fillimisht tek mir\u00ebsia e madhe e t\u00eb shijuarit t\u00eb besimit n\u00eb Allahun e Madh\u00ebruar n\u00eb jet\u00ebn ton\u00eb t\u00eb p\u00ebrditshme.<\/p>\n

Myftiu theksoi se prania e besimit n\u00eb zemrat e njer\u00ebzve \u00ebsht\u00eb mbi t\u00eb gjitha nj\u00eb p\u00ebrzgjedhje hyjnore dhe d\u00ebshmi e dashnis\u00eb s\u00eb Allahut t\u00eb Madh\u00ebruar p\u00ebr gjithsecilin prej nesh.<\/p>\n

M\u00eb pas Myftiu k\u00ebrkoi nga besimtar\u00ebt q\u00eb t\u00eb shfryt\u00ebzohet periudha e begat\u00eb e Tre Muajve t\u00eb Mir\u00eb p\u00ebr t\u00eb p\u00ebrmir\u00ebsuar cil\u00ebsin\u00eb e adhurimit, p\u00ebr t\u00eb k\u00ebrkuar falje nga Zoti i gjith\u00ebsis\u00eb p\u00ebr gabimet dhe gjynahet e shkuara, si dhe p\u00ebr t\u00eb hapur nj\u00eb faqe t\u00eb re n\u00eb jet\u00ebn e gjithsecilit prej nesh.<\/p>\n

Ai vuri theksin tek prania e istigfarit (k\u00ebrkimit falje), n\u00eb jet\u00ebn e t\u00eb d\u00ebrguarve t\u00eb Allahut, si dhe lutjen e tyre p\u00ebr besimtar\u00ebt deri n\u00eb dit\u00ebn e fundit.<\/p>\n

Myftiu e mbylli hytben e tij t\u00eb k\u00ebsaj jave duke sjell\u00eb n\u00eb v\u00ebmendjen e besimtar\u00ebve nj\u00eb ngjarje t\u00eb mrekullueshme nga jeta Hz. Muhammedit (a.s) dhe lutjen e tij t\u00eb madhe p\u00ebr Nan\u00ebn ton\u00eb t\u00eb dashur, Hz. Aishen (r.anha), si dhe p\u00ebr \u00e7do besimtar deri n\u00eb dit\u00ebn e fundit.<\/p>\n

Ai tha se i D\u00ebrguari i Allahut (a.s) ka k\u00ebrkuar falje p\u00ebr besimtar\u00ebt, pas \u00e7do namazi, edhe si nj\u00eb shenj\u00eb e lidhjes s\u00eb p\u00ebrhershme q\u00eb besimtar\u00ebt kan\u00eb me nj\u00ebri-tjetrin dhe p\u00ebrkat\u00ebsin\u00eb e patjet\u00ebrsueshme t\u00eb besimit dhe lidhjes me Hz. Muhammedin (a.s) deri n\u00eb frym\u00ebn e fundit.<\/p>\n

Gjat\u00eb hytbes s\u00eb k\u00ebsaj xhumaje u dhan\u00eb porosi dhe k\u00ebshilla p\u00ebr t\u00eb rregulluar marr\u00ebdh\u00ebniet familjare, farefisnore dhe ato shoq\u00ebrore, si dhe distancimin nga \u00e7do frym\u00eb dhe agjend\u00eb q\u00eb punon pand\u00ebrprerje kund\u00ebr besimit dhe vlerave t\u00eb sh\u00ebndosha t\u00eb tij, sidomos kund\u00ebr p\u00ebrpjekjeve sistematike t\u00eb politikave t\u00eb gabuara kund\u00ebr familjes n\u00eb Shqip\u00ebri.<\/p>\n

Hytben e plot\u00eb e ndiqni n\u00eb linkun e m\u00ebposht\u00ebm:<\/p>\n