{"id":20250,"date":"2026-01-23T23:35:43","date_gmt":"2026-01-23T23:35:43","guid":{"rendered":"https:\/\/myftinia-shkoder.org\/?p=20250"},"modified":"2026-01-24T19:53:27","modified_gmt":"2026-01-24T19:53:27","slug":"sakrificat-e-dijetareve-te-hadithit-nder-shekuj-ligjerata-me-dobi-ne-xhamine-e-parruces","status":"publish","type":"post","link":"https:\/\/myftinia-shkoder.org\/?p=20250","title":{"rendered":"“Sakrificat e dijetar\u00ebve t\u00eb hadithit nd\u00ebr shekuj”, ligj\u00ebrata me dobi n\u00eb xhamin\u00eb e Parruc\u00ebs"},"content":{"rendered":"

“Sakrificat e dijetar\u00ebve t\u00eb hadithit nd\u00ebr shekuj”, ligj\u00ebrata me dobi n\u00eb xhamin\u00eb e Parruc\u00ebs<\/strong><\/p>\n

N\u00eb vazhd\u00ebn e ciklit t\u00eb aktiviteteve me k\u00ebshilla dhe mesazhe n\u00eb atmosfer\u00ebn e begat\u00ebt t\u00eb Tre Muajve t\u00eb Mir\u00eb, dit\u00ebn e xhuma, m\u00eb 23 janar 2026, pas namazit t\u00eb akshamit n\u00eb xhamin\u00eb e Parruc\u00ebs, Myftinia Shkod\u00ebr organizoi tribun\u00ebn fetare t\u00eb radh\u00ebs.<\/p>\n

I ftuar nderi ishte ligj\u00ebruesi, H. Dritan Rrahmani, imam n\u00eb xhamin\u00eb Arrameras, Fush\u00eb-Kruj\u00eb.<\/p>\n

Aktiviteti u hap me fjal\u00ebn e rastin nga teologu Ervil Ku\u00e7i, i cili fal\u00ebnderoi t\u00eb pranishmit dhe imamin e nderuar p\u00ebr pranimin e ftes\u00eb nga Myftinia Shkod\u00ebr p\u00ebr t\u00eb ligj\u00ebruar n\u00eb k\u00ebt\u00eb cik\u00ebl t\u00eb dobish\u00ebm me ligj\u00ebrata t\u00eb ndryshme n\u00eb dobi t\u00eb besimtar\u00ebve.<\/p>\n

\u00a0M\u00eb pas aktiviteti u p\u00ebrsh\u00ebndet nga Myftiu i Shkodr\u00ebs, Imam Muhamed B. Sytari, i cili vuri theksin tek r\u00ebnd\u00ebsia q\u00eb kan\u00eb tubimet n\u00eb t\u00eb cilat musliman\u00ebt mblidhen p\u00ebr t\u00eb m\u00ebsuar dhe p\u00ebr t\u2019u thelluar n\u00eb dije, p\u00ebr t\u00eb shtuar besimin dhe vlerat e harmonis\u00eb n\u00eb mes vete.<\/p>\n

Aktiviteti vijoi me ligj\u00ebrat\u00ebn e mbajtur nga H. Dritan Rrahmani, i cili ligj\u00ebroi rreth nj\u00eb teme shum\u00eb interesante q\u00eb na merr p\u00ebr dore drejt vler\u00ebsimit t\u00eb dijetar\u00ebve t\u00eb hersh\u00ebm dhe aktual t\u00eb bot\u00ebs islame, t\u00eb cil\u00ebt jan\u00eb p\u00ebrkushtuar p\u00ebrgjat\u00eb shekujve p\u00ebr ruajtjen dhe transmetimin me shum\u00eb fanatiz\u00ebm dhe p\u00ebrkushtim t\u00eb fjal\u00ebve t\u00eb D\u00ebrguarit t\u00eb Allahut, Hz. Muhammedit (a.s).<\/p>\n

N\u00eb ligj\u00ebrat\u00ebn e tij, hoxha i nderuar solli shembuj nga jeta e t\u00eb par\u00ebve, nga sahab\u00ebt e Pejgamberit (a.s) tek korifenjt\u00eb e jurisprudenc\u00ebs islame dhe shkenc\u00ebs s\u00eb hadithit, n\u00eb shembullin e t\u00eb cil\u00ebve gjejm\u00eb nj\u00eb p\u00ebrkushtim t\u00eb jasht\u00ebzakonsh\u00ebm, n\u00eb kufijt\u00eb e t\u00eb paimagjinueshmes, p\u00ebr t\u00eb ruajtur dhe transmetuar me p\u00ebrpikm\u00ebri fjal\u00ebt dhe udh\u00ebzimet e Hz. Muhammedit (a.s).<\/p>\n

Me p\u00ebrfundimin e ligj\u00ebrat\u00ebs, Myftiu i Shkodr\u00ebs, Imam Muhamed B. Sytari fal\u00ebnderoi hoxh\u00ebn e nderuar p\u00ebr mesazhet plot dobi dhe solli n\u00eb v\u00ebmendje disa k\u00ebshilla dhe mesazhe nga dijetari i madh shqiptar, Hoxha i jon\u00eb, H. Vehbi Sulejman Gavo\u00e7i, i cili ishte nj\u00eb njeri i madh i p\u00ebrkushtuar ndaj dijes dhe gjurm\u00ebve t\u00eb t\u00eb par\u00ebve, si dhe nj\u00eb kujdestar fisnik i student\u00ebve t\u00eb dijes islame, ve\u00e7an\u00ebrisht nga qyteti i Shkodr\u00ebs.<\/p>\n

Cikli i ligj\u00ebratave n\u00eb atmosfer\u00ebn e prag Ramazanit do t\u00eb vijoj\u00eb edhe p\u00ebrgjat\u00eb jav\u00ebve t\u00eb ardhshme.<\/p>\n