{"id":20407,"date":"2026-02-11T14:07:56","date_gmt":"2026-02-11T14:07:56","guid":{"rendered":"https:\/\/myftinia-shkoder.org\/?p=20407"},"modified":"2026-02-11T20:55:49","modified_gmt":"2026-02-11T20:55:49","slug":"myftiu-priti-kryetarin-e-bashkesise-islame-shqiptare-ne-danimarke","status":"publish","type":"post","link":"https:\/\/myftinia-shkoder.org\/?p=20407","title":{"rendered":"Myftiu priti Kryetarin e Bashk\u00ebsis\u00eb Islame Shqiptare n\u00eb Danimark\u00eb"},"content":{"rendered":"

Myftiu priti Kryetarin e Bashk\u00ebsis\u00eb Islame Shqiptare n\u00eb Danimark\u00eb<\/strong><\/p>\n

Paradit\u00ebn e s\u00eb m\u00ebrkur\u00ebs, m\u00eb 11 shkurt 2026, Myftiu i Zon\u00ebs Shkod\u00ebr, Imam Muhamed B. Sytari, priti n\u00eb nj\u00eb takim t\u00eb p\u00ebrzem\u00ebrt e v\u00ebllaz\u00ebror, Kryetarin e Bashk\u00ebsis\u00eb Islame Shqiptare n\u00eb Danimark\u00eb, H. Basri Kurtishi.<\/p>\n

Gjat\u00eb takimit, u diskutua rreth tematikave t\u00eb ndryshme me interes t\u00eb p\u00ebrbashk\u00ebt, me theks teK studimet q\u00eb lidhen me bashk\u00ebjetes\u00ebn nd\u00ebrfetare nd\u00ebr shqiptar\u00eb, tem\u00eb p\u00ebr t\u00eb cil\u00ebn, i nderuari H. Basri Kurtishi, \u00ebsht\u00eb i specializuar, q\u00eb nga dit\u00ebt e studimeve n\u00eb Universitetin e Ez’herit n\u00eb Kajro, por edhe tani, n\u00eb pozit\u00ebn e Kryetarit t\u00eb Bashk\u00ebsis\u00eb Islame Shqiptare n\u00eb Danimark\u00eb.<\/p>\n

Nga ana e tij, Myftiu i Shkodr\u00ebs, t\u00ebrhoqi v\u00ebmendjen drejt informacioneve t\u00eb shumta n\u00eb lidhje me tem\u00ebn, t\u00eb botuara n\u00eb revistat islame t\u00eb para nj\u00eb shekulli n\u00eb Shkod\u00ebr e Shqip\u00ebri, tek t\u00eb cilat u ndal me holl\u00ebsi.<\/p>\n

Pjes\u00eb e k\u00ebsaj vizite ishte edhe ndalesa tek Xhamia e Plumbit, ku Kryetari i BISh n\u00eb Danimark\u00eb, pati mund\u00ebsi t\u00eb shihte nga af\u00ebr detajet e kompleksit t\u00eb ri, si dhe t\u00eb m\u00ebsonte p\u00ebr historin\u00eb e xhamis\u00eb, q\u00eb i rezistoi p\u00ebrmbytjeve dhe koh\u00ebrave t\u00eb err\u00ebta, q\u00eb asnj\u00ebher\u00eb s’e shuan Drit\u00ebn e sinqeritetit, me t\u00eb cilin u ngrit, si nj\u00eb kala Udh\u00ebzimi mbi tok\u00eb.<\/p>\n

N\u00eb profilin e tij n\u00eb fb, me rastin e k\u00ebsaj vizite t\u00eb shtrenjt\u00eb n\u00eb Shkod\u00ebr, H. Basri Kurtishi, shkruan: ” Sot pata k\u00ebnaq\u00ebsin\u00eb t\u00eb jem n\u00eb vizit\u00eb n\u00eb qytetin e Shkodr\u00ebs, ku u takova me Muftiun e Shkodr\u00ebs, Muhamed ef. Sytari. Shkodra, qyteti i kultur\u00ebs, historis\u00eb dhe shpirtit t\u00eb gjall\u00eb shqiptar.<\/p>\n

E kur shkon n\u00eb Shkod\u00ebr, \u00ebsht\u00eb e pamundur t\u00eb mos ndalesh te Xhamia e Plumbit.<\/p>\n

Xhamia e Plumbit q\u00eb \u00ebsht\u00eb nj\u00eb xhami q\u00eb ka p\u00ebrballuar shum\u00eb etapa e sfida t\u00eb historis\u00eb son\u00eb. Ajo q\u00ebndron pran\u00eb Kalas\u00eb se Rozaf\u00ebs, por rezistenca e saj shpirt\u00ebrore duket edhe m\u00eb e fort\u00eb se muret e kalas\u00eb.<\/p>\n

Kur q\u00ebndron n\u00eb oborrin e saj, ndien nj\u00eb emocion t\u00eb ve\u00e7ant\u00eb. T\u00eb kujtohet ringjallja e fes\u00eb tek shqiptar\u00ebt pas sistemit fam\u00ebkeq komunist. Aty, n\u00eb at\u00eb vend plot histori, hoxha i madh shqiptar Hafiz Sabri Ko\u00e7i mbajti fjalimin e tij t\u00eb famsh\u00ebm pas r\u00ebnies s\u00eb komunizmit, nj\u00eb moment q\u00eb sh\u00ebnoi rikthimin e besimit dhe shpres\u00ebs n\u00eb zemrat e njer\u00ebzve.<\/p>\n

Kjo xhami nuk \u00ebsht\u00eb thjesht nj\u00eb objekt kulti. Ajo simbolizon rr\u00ebnj\u00ebt e thella t\u00eb fes\u00eb n\u00eb shoq\u00ebrin\u00eb ton\u00eb. Edhe pse kemi kaluar v\u00ebshtir\u00ebsi, ndalime e p\u00ebrndjekje, besimi ka mbetur pjes\u00eb e pandashme e identitetit ton\u00eb.<\/p>\n

Shkodra t\u00eb kujton se historia jon\u00eb ka pasur plag\u00eb, por edhe forc\u00eb p\u00ebr t\u2019u ringritur. Dhe Xhamia e Plumbit q\u00ebndron aty si d\u00ebshmi e q\u00ebndrueshm\u00ebris\u00eb, besimit dhe shpirtit Shqiptar.”<\/p>\n