{"id":20481,"date":"2026-02-14T11:15:37","date_gmt":"2026-02-14T11:15:37","guid":{"rendered":"https:\/\/myftinia-shkoder.org\/?p=20481"},"modified":"2026-02-16T11:34:09","modified_gmt":"2026-02-16T11:34:09","slug":"nga-vjena-myftiu-i-shkodres-uron-besimtaret-ne-prag-te-muajit-te-begate-te-ramazanit","status":"publish","type":"post","link":"https:\/\/myftinia-shkoder.org\/?p=20481","title":{"rendered":"Nga Vjena, Myftiu i Shkodr\u00ebs uron besimtar\u00ebt n\u00eb prag t\u00eb muajit t\u00eb begat\u00eb t\u00eb Ramazanit"},"content":{"rendered":"

Nga Vjena, Myftiu i Shkodr\u00ebs uron besimtar\u00ebt n\u00eb prag t\u00eb muajit t\u00eb begat\u00eb t\u00eb Ramazanit<\/strong><\/p>\n

Me ftes\u00eb t\u00eb Bashk\u00ebsis\u00eb Islame Shqiptare p\u00ebr Integrim, Xhamia Shqiptare n\u00eb Vjen\u00eb \u201cEl-Kalem\u201d, Myftiu i Shkodr\u00ebs, Imam Muhamed B. Sytari po zhvillon nj\u00eb vizit\u00eb dy ditore n\u00eb Vjen\u00eb, me \u00e7rast dit\u00ebn e xhuma, m\u00eb 13 shkurt 2026, mbajti hytben e xhumas\u00eb n\u00ebp\u00ebrmjet t\u00eb cil\u00ebs iu drejtua besimtar\u00ebve t\u00eb shumt\u00eb nga t\u00eb gjitha trojet shqiptare q\u00eb frekuentojn\u00eb k\u00ebt\u00eb xhami, n\u00eb prag t\u00eb muajit t\u00eb begat\u00eb t\u00eb Ramazanit.<\/p>\n

Gjat\u00eb mesazhit t\u00eb tij, Myftiu vuri theksin tek mir\u00ebsia e madhe me t\u00eb cil\u00ebn Zoti i gjith\u00ebsis\u00eb begaton mbar\u00eb njer\u00ebzimin dhe besimtar\u00ebt n\u00eb ve\u00e7anti teksa i fton t\u00eb angazhohen p\u00ebr nj\u00eb muaj me radh\u00eb n\u00eb agj\u00ebrimin e muajit t\u00eb begat\u00eb t\u00eb Ramazanit.<\/p>\n

Myftiu theksoi se atmosfera e begat\u00eb e Ramazanit e merr p\u00ebrdore besimtarin dhe individin musliman q\u00eb t\u00eb paqtohet me Zotin e tij dhe me tjetrin kushdo qoft\u00eb ai, duke rrezatuar m\u00ebsimet themelore t\u00eb periudh\u00ebs s\u00eb begat\u00eb t\u00eb agj\u00ebrimit, q\u00eb jan\u00eb vet\u00ebkontrolli, distancomi nga haramet dhe ndalesat e shumta, rrezatimi i t\u00eb mir\u00ebs n\u00eb marr\u00ebdh\u00ebnie dhe komunikimi me familjen, shoq\u00ebrin\u00eb, solidarizimin me njer\u00ebzit n\u00eb nevoj\u00eb, p\u00ebrhapja e ndihm\u00ebs s\u00eb pakusht\u00ebzuar, distancimi nga thashethemnaja, fjal\u00ebt e pavlefshme, veprat e padobishme dhe angazhimi maksimal p\u00ebr t\u00eb qen\u00eb njeri prodhimtar n\u00eb p\u00ebrditshm\u00ebrin\u00eb e tij.<\/p>\n

Myftiu Sytari uroi musliman\u00ebt e krejt trevave shqiptare dhe t\u00eb mbar\u00eb bot\u00ebs islame n\u00eb prag t\u00eb muajit t\u00eb begat\u00eb t\u00eb Ramazanit, duke u lutur q\u00eb Zoti i gjith\u00ebsis\u00eb t\u00eb derdh\u00eb m\u00ebshir\u00eb dhe begati p\u00ebr t\u00eb gjith\u00eb shqiptar\u00ebt kudo q\u00eb jan\u00eb dhe p\u00ebr mbar\u00eb njer\u00ebzimin, q\u00eb ka nevoj\u00eb sot m\u00eb shum\u00eb se asnj\u00ebher\u00eb p\u00ebr balsamin e udh\u00ebzimit hyjnor dhe kthimin me sinqeritet dhe seriozitet nga dera e udh\u00ebzimit hyjnor.<\/p>\n