{"id":20581,"date":"2026-02-18T17:11:50","date_gmt":"2026-02-18T17:11:50","guid":{"rendered":"https:\/\/myftinia-shkoder.org\/?p=20581"},"modified":"2026-02-19T11:30:05","modified_gmt":"2026-02-19T11:30:05","slug":"myftiu-i-shkodres-mori-pjese-ne-aktivitetin-e-pra-ramazanit-te-myftinise-elbasan","status":"publish","type":"post","link":"https:\/\/myftinia-shkoder.org\/?p=20581","title":{"rendered":"Myftiu i Shkodr\u00ebs mori pjes\u00eb n\u00eb aktivitetin e prag Ramazanit t\u00eb Myftinis\u00eb Elbasan"},"content":{"rendered":"

Myftiu i Shkodr\u00ebs mori pjes\u00eb n\u00eb aktivitetin e prag Ramazanit t\u00eb Myftinis\u00eb Elbasan<\/strong><\/p>\n

Me ftes\u00eb t\u00eb Myftiut t\u00eb Elbasanit, H. Agim Duka, Myftiu i Shkodr\u00ebs, Imam Muhamed B. Sytari mori pjes\u00eb dit\u00ebn e m\u00ebrkur\u00eb, m\u00eb 18 shkurt 2026, n\u00eb aktivitetin n\u00eb prag t\u00eb hyrjes s\u00eb muajit t\u00eb Begat\u00eb t\u00eb Ramazanit, q\u00eb Myftinia Elbasan organizoi n\u00eb teatrin Skampa.<\/p>\n

I pranish\u00ebm n\u00eb k\u00ebt\u00eb aktivitet ishte edhe HT. H. Bujar Spahiu, Kryetar i Komunitetit Mysliman t\u00eb Shqip\u00ebris\u00eb, si dhe imami dhe ligj\u00ebruesi i mir\u00ebnjohur, H. Vladimir Kera.<\/p>\n

Aktiviteti ishte nj\u00eb p\u00ebrzierje e mesazheve, k\u00ebshillave dhe udh\u00ebzimeve t\u00eb dobishme nga ligj\u00ebruesit e ftuar, si dhe programi i k\u00ebndsh\u00ebm i f\u00ebmij\u00ebve t\u00eb shkollave dhe kurseve fetare t\u00eb Elbasanit.<\/p>\n

N\u00eb lajmin e shp\u00ebrndar\u00eb nga Myftinia Elbasan n\u00eb faqen e saj zyrtare nd\u00ebr t\u00eb tjera shkruhet:<\/p>\n

\u201cRamazani, besim dhe p\u00ebrgjegj\u00ebsi n\u00eb shoq\u00ebrin\u00eb bashk\u00ebkohore\u201d, nj\u00eb aktivitet i zhvilluar n\u00eb ambientet e Teatrit \u201cSkampa\u201d, i cili mblodhi besimtar\u00eb, p\u00ebrfaq\u00ebsues institucionesh dhe qytetar\u00eb t\u00eb ndrysh\u00ebm.<\/p>\n

Fjal\u00ebn p\u00ebrsh\u00ebndet\u00ebse e p\u00ebrcolli Kryetari i Komunitetit Mysliman t\u00eb Shqip\u00ebris\u00eb, H.H Bujar Spahiu, nd\u00ebrsa mesazhin e tij p\u00ebr k\u00ebt\u00eb muaj t\u00eb bekuar e dha edhe Myftiu i Elbasanit, H.Agim Duka, duke theksuar r\u00ebnd\u00ebsin\u00eb e forcimit t\u00eb besimit dhe solidaritetit n\u00eb shoq\u00ebrin\u00eb ton\u00eb.<\/p>\n

Programi u pasurua me ilahi t\u00eb interpretuara nga grupi i f\u00ebmij\u00ebve, t\u00eb cil\u00ebt me past\u00ebrtin\u00eb dhe sinqeritetin e tyre soll\u00ebn nj\u00eb atmosfer\u00eb t\u00eb ve\u00e7ant\u00eb shpirt\u00ebrore.<\/p>\n

Nj\u00eb moment i r\u00ebnd\u00ebsish\u00ebm ishte ligj\u00ebrimi i Myftiut t\u00eb Shkodr\u00ebs, H. Muhamed Sytari, me tem\u00ebn: \u201cRamazani dhe Kurani, rikthim te Fjala Hyjnore n\u00eb nj\u00eb bot\u00eb t\u00eb shp\u00ebrqendruar\u201d, nj\u00eb reflektim i thell\u00eb mbi nevoj\u00ebn p\u00ebr t\u2019u kthyer te vlerat hyjnore n\u00eb nj\u00eb realitet gjithnj\u00eb e m\u00eb sfidues.<\/p>\n

M\u00eb pas, imami dhe teologu i njohur Vladimir Kera trajtoi tem\u00ebn: \u201cEtika e Ramazanit n\u00eb jet\u00ebn familjare, publike dhe profesionale\u201d, duke ndri\u00e7uar dimensionin praktik t\u00eb Ramazanit si nj\u00eb shkoll\u00eb edukimi moral dhe p\u00ebrgjegj\u00ebsie n\u00eb \u00e7do aspekt t\u00eb jet\u00ebs son\u00eb.<\/p>\n

Programi u mbyll me paraqitjen e f\u00ebmij\u00ebve n\u00eb sken\u00eb, duke l\u00ebn\u00eb nj\u00eb mesazh shprese, vazhdim\u00ebsie dhe p\u00ebrkushtimi ndaj vlerave t\u00eb besimit.\u201d<\/p>\n