{"id":20677,"date":"2026-02-28T13:53:51","date_gmt":"2026-02-28T13:53:51","guid":{"rendered":"https:\/\/myftinia-shkoder.org\/?p=20677"},"modified":"2026-02-28T16:20:48","modified_gmt":"2026-02-28T16:20:48","slug":"myftiu-i-shkodres-lutja-barometer-i-marredhenies-reale-me-zotin-nje","status":"publish","type":"post","link":"https:\/\/myftinia-shkoder.org\/?p=20677","title":{"rendered":"Myftiu i Shkodr\u00ebs: “Lutja, baromet\u00ebr i marr\u00ebdh\u00ebnies reale me Zotin, Nj\u00eb!”"},"content":{"rendered":"

Myftiu i Shkodr\u00ebs: “Lutja, baromet\u00ebr i marr\u00ebdh\u00ebnies reale me Zotin, Nj\u00eb!”<\/strong><\/p>\n

Me ftes\u00eb t\u00eb xhamis\u00eb \u201cBashkimi\u201d, n\u00eb Linz t\u00eb Austris\u00eb, Myftiu i Shkodr\u00ebs, Imam Muhamed B. Sytari mbajti dit\u00ebn e xhuma, m\u00eb 27 shkurt 2026, hytben e xhumas\u00eb p\u00ebrpara numrit t\u00eb madh t\u00eb besimtar\u00ebve musliman\u00eb shqiptar\u00eb q\u00eb frekuentojn\u00eb k\u00ebt\u00eb xhami t\u00eb shquar p\u00ebr aktivitetin e saj n\u00eb Austri.<\/p>\n

N\u00eb mesazhin me t\u00eb cilin iu drejtua besimtar\u00ebve t\u00eb pranish\u00ebm, Myftiu i Shkodr\u00ebs, Imam Muhamed B. Sytari u p\u00ebrqendrua tek mir\u00ebsia e madhe me t\u00eb cil\u00ebn \u00ebsht\u00eb rrethuar ymeti islam gjat\u00eb k\u00ebtyre dit\u00ebve t\u00eb bekuara t\u00eb muajit Ramazan.<\/p>\n

Myftiu theksoi se fakti q\u00eb t\u00eb gjith\u00eb ne e kemi mb\u00ebrritur k\u00ebt\u00eb muaj t\u00eb bekuar dhe po p\u00ebrjetojm\u00eb mir\u00ebsit\u00eb dhe m\u00ebshir\u00ebn e Allahut n\u00eb p\u00ebrditshm\u00ebrin\u00eb e k\u00ebtyre dit\u00ebve, \u00ebsht\u00eb n\u00eb d\u00ebshmi e madhe e dashnis\u00eb s\u00eb Allahut p\u00ebr gjith\u00ebsecilin prej nesh. Myftiu vuri theksin tek r\u00ebnd\u00ebsia e madhe q\u00eb ka lutja si thelbi i adhurimit t\u00eb agj\u00ebrimit, ndryshe si baromet\u00ebr i v\u00ebrtet\u00eb q\u00eb p\u00ebrcakton marr\u00ebdh\u00ebnien reale t\u00eb muslimanit me Zotin e gjith\u00ebsis\u00eb, Allahun e Madh\u00ebruar.<\/p>\n

Nd\u00ebr t\u00eb tjera Myftiu theksoi: \u201cT\u00eb dashur dhe t\u00eb shtrenjt\u00eb v\u00ebllez\u00ebr besimtar\u00eb, \u00ebsht\u00eb fatmir\u00ebsi e madhe q\u00eb Krijuesi i gjith\u00ebsis\u00eb e ka l\u00ebn\u00eb t\u00eb hapur der\u00ebn e lutjes p\u00ebr gjith\u00ebsecilin prej rob\u00ebrve t\u00eb Tij, duke i ftuar n\u00ebp\u00ebrmjet nj\u00eb ajetei madh\u00ebshtor, ku i drejtohet Pejgamberit (a.s) duke i th\u00ebn\u00eb: \u2018N\u00ebse t\u00eb pyesin rob\u00ebrit e Mi p\u00ebr Mua, Un\u00eb jam af\u00ebr, i p\u00ebrgjigjem lutjes s\u00eb lut\u00ebsit!\u2019 \u2013 (Kur\u2019ani, El-Bekare: 186)<\/p>\n

Ky ajet i mrekulluesh\u00ebm i d\u00ebshmon besimtarit se Allahu M\u00ebshir\u00ebplot\u00eb \u00ebsht\u00eb p\u00ebrher\u00eb \u2018af\u00ebr\u2019, po muslimani sa af\u00ebr Zotit t\u00eb tij \u00ebsht\u00eb n\u00eb p\u00ebrditshm\u00ebrin\u00eb e tij?<\/p>\n

N\u00ebp\u00ebrmjet shembujve t\u00eb shumt\u00eb dhe argumenteve t\u00eb bollshme Zoti i gjith\u00ebsis\u00eb na tregon p\u00ebr shembullin e m\u00eb t\u00eb mir\u00ebve t\u00eb rac\u00ebs njer\u00ebzore, Pejgamber\u00ebve t\u00eb Tij, ku nj\u00eb shum\u00ebsi prej tyre jan\u00eb p\u00ebrjet\u00ebsuar n\u00eb Kur\u2019nin Fam\u00eblart\u00eb n\u00ebp\u00ebrmjet lutjeve t\u00eb ndryshme e t\u00eb larmishme me t\u00eb cilat i drejtoheshin Krijuesit t\u00eb gjith\u00ebsis\u00eb n\u00eb momente t\u00eb ndryshme t\u00eb jet\u00ebs s\u00eb tyre<\/p>\n

Imagjinoni p\u00ebr pak Pejgamber\u00eb t\u00eb shquar nga Hz. Ademi (a.s), Hz. Nuhu (a.s), Hz. Junusi (a.s), Hz. Ibrahimi (a.s), Hz. Zekerija (a.s), Hz. Sulejmani (a.s), Hz. Musa (a.s), etj, lutjet e t\u00eb cil\u00ebve jan\u00eb regjistrua n\u00eb Kur\u2019anin Fam\u00eblart\u00eb.<\/p>\n

Sa e sa lutje t\u00eb p\u00ebrditshme q\u00eb na jan\u00eb m\u00ebsuar n\u00ebp\u00ebrmjet tradit\u00ebs t\u00eb Pejgamberit ton\u00eb (a.s), si e si p\u00ebr t\u00eb na marr\u00eb p\u00ebr dore q\u00eb mos ta neglizhojm\u00eb k\u00ebt\u00eb bekim t\u00eb madh t\u00eb Allahut n\u00eb jet\u00ebn ton\u00eb t\u00eb p\u00ebrditshme<\/p>\n

A ka justifikim muslimani i sot\u00ebm q\u00eb ankohet p\u00ebr probleme t\u00eb ndryshme n\u00eb jet\u00ebn e tij, p\u00ebr shqet\u00ebsime p\u00ebr halle, p\u00ebr telashe, p\u00ebr ng\u00ebr\u00e7e, p\u00ebr ngushtimi e rizkut, p\u00ebr problematika t\u00eb ndryshme n\u00eb familjen e tij, n\u00eb shoq\u00ebrin\u00eb e tij, q\u00eb t\u00eb ngelet n\u00eb batakun e v\u00ebshtir\u00ebsive t\u00eb tij, nd\u00ebrkoh\u00eb q\u00eb dera e lutjes \u00ebsht\u00eb e hapur.<\/p>\n

Prandaj, t\u00eb nderuar dhe t\u00eb shtrenjt\u00eb v\u00ebllez\u00ebr besimtar\u00eb, le ta shfryt\u00ebzojm\u00eb k\u00ebt\u00eb koh\u00eb t\u00eb bekuar t\u00eb muajit t\u00eb Ramazanit p\u00ebr t\u00eb p\u00ebrsosur marr\u00ebdh\u00ebnien q\u00eb kemi me Zotin e gjith\u00ebsis\u00eb n\u00ebp\u00ebrmjet asaj q\u00eb ka k\u00ebrkuar dhe legjitimuar p\u00ebr ne; lujtes!\u201d<\/p>\n

Gjat\u00eb q\u00ebndrimit n\u00eb Linz, Myftiu do t\u00eb marr\u00eb pjes\u00eb edhe n\u00eb disa aktivitete t\u00eb tjera q\u00eb zhvillon xhamia \u201cBashkimi\u201d, p\u00ebrfshir\u00eb iftarin e madh me rinin\u00eb dhe besimtar\u00ebt, tribun\u00ebn fetare para namazit t\u00eb teravis\u00eb, si dhe bashk\u00ebbisedimin e hapur me nj\u00eb grup t\u00eb rinjsh dhe aktivist\u00ebsh t\u00eb saj.<\/p>\n