{"id":20685,"date":"2026-03-01T10:54:34","date_gmt":"2026-03-01T10:54:34","guid":{"rendered":"https:\/\/myftinia-shkoder.org\/?p=20685"},"modified":"2026-03-01T10:54:34","modified_gmt":"2026-03-01T10:54:34","slug":"myftiu-i-shkodres-mori-pjese-ne-tribunen-fetare-te-xhamise-bashkimi-ne-linz-te-austrise","status":"publish","type":"post","link":"https:\/\/myftinia-shkoder.org\/?p=20685","title":{"rendered":"Myftiu i Shkodr\u00ebs mori pjes\u00eb n\u00eb tribun\u00ebn fetare t\u00eb xhamis\u00eb \u201cBashkimi\u201d n\u00eb Linz t\u00eb Austris\u00eb"},"content":{"rendered":"

Myftiu i Shkodr\u00ebs mori pjes\u00eb n\u00eb tribun\u00ebn fetare t\u00eb xhamis\u00eb \u201cBashkimi\u201d n\u00eb Linz t\u00eb Austris\u00eb<\/strong><\/p>\n

Dit\u00ebn e shtun\u00eb, m\u00eb 28 shkurt 2026, pas namazit t\u00eb akshamit, xhamia \u201cBashkimi\u201d n\u00eb Linz t\u00eb Austris\u00eb organizoi nj\u00eb tribun\u00eb fetare me t\u00eb ftuar nderi, Myftiun e Shkodr\u00ebs, Imam Muhamed B. Sytari.<\/p>\n

N\u00eb fjal\u00ebn e rastit, imami i k\u00ebsaj xhamie, hoxha i nderuar, H. Menderez Alili shprehu k\u00ebnaq\u00ebsin\u00eb e tij personale dhe t\u00eb kryesis\u00eb s\u00eb xhamis\u00eb \u201cBashkimi\u201d p\u00ebr pranin\u00eb e Myftiut t\u00eb Shkodr\u00ebs n\u00eb mesin e tyre n\u00eb k\u00ebt\u00eb nat\u00eb t\u00eb begat\u00eb t\u00eb Ramazanit.<\/p>\n

Ai theksoi se muaji Ramazan \u00ebsht\u00eb nj\u00eb periudh\u00eb e bekuar kohore, me t\u00eb cil\u00ebn aktiviteti fetar gjall\u00ebrohet m\u00eb shum\u00eb se n\u00eb \u00e7do pjes\u00eb tjet\u00ebr t\u00eb vitit.<\/p>\n

Nj\u00ebkoh\u00ebsisht fal\u00ebnderoi Myftiun e Shkodr\u00ebs p\u00ebr pranimin e ftes\u00ebs dhe i uroi atij mbar\u00ebsi dhe suksese n\u00eb aktivitetin e gjer\u00eb n\u00eb sh\u00ebrbim t\u00eb Thirrjes Islame.<\/p>\n

N\u00eb ligj\u00ebrat\u00ebn e tij t\u00eb k\u00ebsaj mbr\u00ebmjeje t\u00eb sh\u00ebnuar n\u00eb xhamin\u00eb \u201cBashkimi\u201d, Myftiu i Shkodr\u00ebs u ndal tek r\u00ebnd\u00ebsia q\u00eb ka p\u00ebrkushtimi n\u00eb jet\u00ebn e p\u00ebrditshme t\u00eb muslimanit p\u00ebr t\u00eb d\u00ebshmuar Islamin n\u00ebp\u00ebrmjet veprave konkrete, duke p\u00ebrsosur pun\u00ebn e p\u00ebrditshme dhe duke d\u00ebshiruar p\u00ebr tjetrin at\u00eb q\u00eb d\u00ebshiron p\u00ebr vete.<\/p>\n

Myftiu Sytari iu qas hadithit t\u00eb Pejgamberit (a.s) q\u00eb thot\u00eb: \u201cBesimtari \u00ebsht\u00eb njeri i dashur dhe q\u00eb duhet edhe nga t\u00eb tjer\u00ebt, dhe nuk ka dobi n\u00eb nj\u00eb person, i cili nuk do t\u00eb tjer\u00ebt dhe t\u00eb tjer\u00ebt nuk e duan!\u201d<\/p>\n

N\u00ebp\u00ebrmjet k\u00ebsaj Myftiu k\u00ebrkoi nga besimtar\u00ebt e pranish\u00ebm, sidomos rinia e shumt\u00eb, ta shfryt\u00ebzojn\u00eb koh\u00ebn p\u00ebr ta p\u00ebrsosur marr\u00ebdh\u00ebnien e tyre me besimin dhe fen\u00eb dhe p\u00ebr t\u2019u veshur me moralin p\u00ebr ta d\u00ebshmuar at\u00eb n\u00eb p\u00ebrditshm\u00ebrin\u00eb e tyre n\u00eb marr\u00ebdh\u00ebnie me njer\u00ebzit kushdo qofshin ata.<\/p>\n

M\u00eb pas Myftiu Sytari solli n\u00eb v\u00ebmendje t\u00eb pranishm\u00ebve ajetin 208 t\u00eb sures El-Bekare: \u201cO ju q\u00eb besuat, hyni t\u00ebr\u00ebsisht n\u00eb Islam (n\u00ebnshtrohuni plot\u00ebsisht), e mos ndiqni rrug\u00ebn e djallit, sepse ai \u00ebsht\u00eb armik i juaji i hap\u00ebt!\u201d, ku theksoi se ftesa hyjnore p\u00ebr ta praktikuar Islamin n\u00eb t\u00ebr\u00ebsi \u00ebsht\u00eb ftes\u00eb p\u00ebr t\u00eb ruajtur dinjitetin dhe p\u00ebr t\u00eb ndjer\u00eb krenarin\u00eb e p\u00ebrkat\u00ebsis\u00eb dhe lidhjes me fen\u00eb e Allahut t\u00eb Madh\u00ebruar.<\/p>\n

Nd\u00ebr t\u00eb tjera, ai theksoi se n\u00eb t\u00eb gjitha shtyllat islame adhurimet kan\u00eb nj\u00eb em\u00ebrues t\u00eb p\u00ebrbashk\u00ebt q\u00eb \u00ebsht\u00eb ruajtja e ekuilibrave t\u00eb fes\u00eb n\u00eb jet\u00ebn e p\u00ebrditshme, nxitja e p\u00ebrkushtimit dhe dor\u00ebzimi para vullnetit t\u00eb Allahut dhe t\u00eb jetuarit me dinjitetin e m\u00ebk\u00ebmb\u00ebsit t\u00eb Zotit n\u00eb tok\u00eb.<\/p>\n

N\u00eb p\u00ebrfundim t\u00eb ligj\u00ebrat\u00ebs s\u00eb Myftiut, kryetari i xhamis\u00eb \u201cBashkimi\u201d n\u00eb Linz, z. Zumret Ademi, i dor\u00ebzoi Myftiut t\u00eb Shkodr\u00ebs pllakat\u00ebn e Mir\u00ebnjohjes s\u00eb xhamis\u00eb \u201cBashkimi\u201d p\u00ebr kontributin dhe pjes\u00ebmarrjen n\u00eb k\u00ebt\u00eb tribun\u00eb t\u00eb paharruar.<\/p>\n

I pranish\u00ebm n\u00eb k\u00ebt\u00eb tribun\u00eb fetare, ishte edhe kryetari i Komunitetit Shqiptar t\u00eb Bashk\u00ebsis\u00eb Islame t\u00eb Austris\u00eb (ALKIG), H. Vahidin Beluli, i cili iu drejtua t\u00eb pranishm\u00ebve me nj\u00eb urim dhe p\u00ebrsh\u00ebndetje t\u00eb posa\u00e7me n\u00eb k\u00ebt\u00eb organizimi me rastin e muajit t\u00eb Begat\u00eb t\u00eb Ramazanit.<\/p>\n

Pas tribun\u00ebs fetare u fal namazi i jacis\u00eb i pasuar nga 20 rekatet e teravis\u00eb dhe m\u00eb pas u zhvillua nj\u00eb mexhlis i begat\u00eb me pyetje-p\u00ebrgjigje q\u00eb e gjall\u00ebroi k\u00ebt\u00eb nat\u00eb t\u00eb begat\u00eb dhe t\u00eb paharruar.<\/p>\n