{"id":20816,"date":"2026-03-10T22:32:04","date_gmt":"2026-03-10T22:32:04","guid":{"rendered":"https:\/\/myftinia-shkoder.org\/?p=20816"},"modified":"2026-03-11T09:13:17","modified_gmt":"2026-03-11T09:13:17","slug":"nisin-10-netet-e-treta-te-ramazanit-1447","status":"publish","type":"post","link":"https:\/\/myftinia-shkoder.org\/?p=20816","title":{"rendered":"Nisin 10 net\u00ebt e treta t\u00eb Ramazanit 1447"},"content":{"rendered":"

Nisin 10 net\u00ebt e treta t\u00eb Ramazanit 1447<\/strong><\/p>\n

Me k\u00ebndimin e ezanit t\u00eb akshamit t\u00eb dit\u00ebs s\u00eb mart\u00eb, m\u00eb 10 mars 2026, besimtar\u00ebt musliman\u00eb t\u00eb qytetit t\u00eb Shkodr\u00ebs hyn\u00eb n\u00eb atmosfer\u00ebn e begat\u00eb t\u00eb 10 net\u00ebve t\u00eb treta t\u00eb muajit Ramazan 1447\/2026.<\/p>\n

Me k\u00ebt\u00eb rast, Myftiu i Shkodr\u00ebs, Imam Muhamed B. Sytari drejtoi faljen e namazit t\u00eb jacis\u00eb dhe t\u00eb teravis\u00eb n\u00eb xhamin\u00eb e Parruc\u00ebs, me \u00e7’rast mbajti edhe nj\u00eb ligj\u00ebrat\u00eb n\u00ebp\u00ebrmjet t\u00eb cil\u00ebs hodhi drit\u00eb rreth vlerave dhe madh\u00ebshtis\u00eb s\u00eb Nat\u00ebs s\u00eb Kadrit.<\/p>\n

Myftiu theksoi se, kjo periudh\u00eb e begat\u00eb e 10 net\u00ebve dhe dit\u00ebve t\u00eb fundit t\u00eb Muajit t\u00eb Begat\u00eb t\u00eb Ramazanit i p\u00ebrngjan nj\u00eb personi n\u00eb duart e t\u00eb cilit jan\u00eb vendosur 10 \u00e7el\u00ebsa, ku vet\u00ebm nj\u00ebri prej tyre mund t\u00eb hap\u00eb nj\u00eb sunduk t\u00eb mbushur me xhevahire.<\/p>\n

Nd\u00ebr t\u00eb tjera, Myftiu theksoi se gjith\u00ebsecili prej nesh e ka mund\u00ebsin\u00eb q\u00eb ta shfryt\u00ebzoj\u00eb koh\u00ebn e k\u00ebsaj periudhe t\u00eb begat\u00eb maksimalisht p\u00ebr t\u00eb mb\u00ebrritur shpirtin e begat\u00eb t\u00eb Nat\u00ebs s\u00eb Kadrit, q\u00eb n\u00eb vetvete nuk \u00ebsht\u00eb nj\u00eb trup q\u00eb preket me dor\u00eb, porse nj\u00eb shpirt q\u00eb p\u00ebrvet\u00ebsohet p\u00ebr t\u00eb jetuar p\u00ebrgjat\u00eb gjith\u00eb jet\u00ebs.<\/p>\n

Myftiu Sytari uroi besimtar\u00ebt p\u00ebr dit\u00ebt e kaluara dhe p\u00ebrkushtimin e tyre, si dhe k\u00ebrkoi nga t\u00eb pranishmit q\u00eb n\u00eb k\u00ebt\u00eb periudh\u00eb t\u00eb begat\u00eb kohore t\u00eb zhvishen nga \u00e7do interes dhe \u00e7\u00ebshtje, e af\u00ebr a e larg\u00ebt, e jet\u00ebs s\u00eb p\u00ebrditshme dhe t\u00eb p\u00ebrkushtohen maksimalisht vet\u00ebm n\u00eb fitimin e p\u00eblqimit t\u00eb Allahut t\u00eb Madh\u00ebruar, n\u00ebp\u00ebrmjet namazeve ditore, leximit t\u00eb Kur\u2019anit, lutjeve dhe adhurimeve t\u00eb shumta.<\/p>\n

Gjithashtu, Myftiu vuri theksin q\u00eb besimtar\u00ebt t\u00eb p\u00ebrkushtohen n\u00eb m\u00ebnyr\u00eb t\u00eb ve\u00e7ant\u00eb p\u00ebr t\u00eb gjurmuar nevojtar\u00ebt, skamnor\u00ebt, njer\u00ebzit n\u00eb nevoj\u00eb, t\u00eb s\u00ebmur\u00ebt, e t\u00eb ngjash\u00ebm, t\u00eb cil\u00ebt kan\u00eb nevoj\u00eb p\u00ebr dor\u00ebn e ndihm\u00ebs, pas s\u00eb cil\u00ebs \u00ebsht\u00eb p\u00eblqimi i Allahut dhe shpirti real i madh\u00ebshtis\u00eb s\u00eb Nat\u00ebs s\u00eb Kadrit.<\/p>\n

Myftinia Shkod\u00ebr k\u00ebrkon nga t\u00eb gjith\u00eb besimtar\u00ebt q\u00eb ta shfryt\u00ebzojn\u00eb k\u00ebt\u00eb periudh\u00eb t\u00eb begat\u00eb kohore me lutje, adhurime, bamir\u00ebse t\u00eb ndryshme dhe t\u00eb vrapojn\u00eb p\u00ebr t\u00eb p\u00ebrfituar maksimalisht nga bekimet dhe m\u00ebshira e Allahut q\u00eb p\u00ebrhapet gjithandej n\u00eb univers, sidomos n\u00eb k\u00ebt\u00eb periudh\u00eb t\u00eb begat\u00eb t\u00eb muajit Ramazan.<\/p>\n