{"id":20833,"date":"2026-03-12T23:57:16","date_gmt":"2026-03-12T23:57:16","guid":{"rendered":"https:\/\/myftinia-shkoder.org\/?p=20833"},"modified":"2026-03-12T23:57:16","modified_gmt":"2026-03-12T23:57:16","slug":"myftiu-respektoni-me-te-medhenjte-dhe-meshironi-me-te-vegjlit","status":"publish","type":"post","link":"https:\/\/myftinia-shkoder.org\/?p=20833","title":{"rendered":"Myftiu: “Respektoni m\u00eb t\u00eb m\u00ebdhenjt\u00eb dhe m\u00ebshironi m\u00eb t\u00eb vegjlit!”"},"content":{"rendered":"

Myftiu: “Respektoni m\u00eb t\u00eb m\u00ebdhenjt\u00eb dhe m\u00ebshironi m\u00eb t\u00eb vegjlit!”<\/strong><\/p>\n

Dit\u00ebn e enjte, m\u00eb 12 mars 2026, q\u00eb p\u00ebrkon me nat\u00ebn e 23-t\u00eb t\u00eb Ramazanit 1447, Myftiu i Shkodr\u00ebs, Imam Muhamed B. Sytari, ishte i pranish\u00ebm n\u00eb xhamin\u00eb e fshatit Mes-Myselim, ku drejtoi edhe 20 rekatet e namazit t\u00eb teravis\u00eb.<\/p>\n

N\u00eb mesazhin e tij p\u00ebrpara t\u00eb pranishm\u00ebve, Myftiu iu drejtua t\u00eb rinjve me nj\u00eb k\u00ebshill\u00eb t\u00eb posa\u00e7me p\u00ebr t\u00eb dashur dhe p\u00ebr t\u00eb respektuar m\u00eb t\u00eb m\u00ebdhenjt\u00eb, si dhe p\u00ebr t\u00eb p\u00ebrfituar p\u00ebrher\u00eb nga prania e gjysh\u00ebrve n\u00eb mesin ton\u00eb, si nj\u00eb pik\u00eb referimi p\u00ebr brezin e ri dhe si nj\u00eb mb\u00ebshtetje e fort\u00eb n\u00eb ruajtjen e tabanit shum\u00ebshekullor t\u00eb besimit islam n\u00eb mesin ton\u00eb.<\/p>\n

Myftiu dha disa shembuj konkret nga e kaluara e tij, si dhe udh\u00ebzoi t\u00eb pranishmit p\u00ebr t\u00eb d\u00ebshmuar vlerat e thjesht\u00ebsis\u00eb islame n\u00eb p\u00ebrditshm\u00ebrin\u00eb e secili dhe n\u00eb komunikim me nj\u00ebri-tjetrin.<\/p>\n

Nd\u00ebr t\u00eb tjera, Myftiu tha: \u201cJam shum\u00eb i g\u00ebzuar, q\u00eb sonte jam n\u00eb mesin tuaj dhe n\u00eb mesin e zot\u00ebrinjve tan\u00eb, dhe n\u00eb krye t\u00eb tyre, H. Nuhin, Allahu e shp\u00ebrbleft\u00eb dhe e begatoft\u00eb sh\u00ebndetin, mundin dhe sakrific\u00ebn e tij. Un\u00eb ju them, sidomos ju djemve t\u00eb rinj, q\u00eb duhet me ken\u00eb krenar\u00eb q\u00eb jeni bashk\u00ebkoh\u00ebs t\u00eb zot\u00ebrinjve me thinja t\u00eb bardha.<\/p>\n

Nj\u00eb brez, i cili rritet n\u00eb pranin\u00eb e gjysh\u00ebrve besimtar\u00eb, \u00ebsht\u00eb brez i bekuar nga Zoti i gjith\u00ebsis\u00eb. E, nj\u00eb brez q\u00eb lidhet me gjyshin, me besimin e gjyshit dhe me rrug\u00ebn e gjyshit, do t\u00eb ket\u00eb p\u00ebrher\u00eb mbar\u00ebsin\u00eb e Allahut t\u00eb Madh\u00ebruar. Nj\u00eb brez, q\u00eb e ka privuar Zoti nga prania e m\u00eb t\u00eb m\u00ebdhenjve n\u00eb jet\u00eb, \u00ebsht\u00eb gjithmon\u00eb i \u00e7al\u00ebt n\u00eb jet\u00ebn e tij, sepse kur ke gjyshin, ke nj\u00eb pik\u00eb referimi. Edhe 100 vje\u00e7 t\u00eb b\u00ebhet gjyshi, dhe kur t\u00eb largohet nga kjo bot\u00eb, ti ke p\u00ebrher\u00eb kujtimet m\u00eb t\u00eb mira. Do t\u00eb thuash, kam shkuar n\u00eb xhami me gjyshin, m\u00eb ka b\u00ebr\u00eb dashnia e gjyshit p\u00ebr Allahun e Madh\u00ebruar, me dasht\u00eb Allahun m\u00eb tep\u00ebr. Dashnia e gjyshit p\u00ebr Pejgamberin (a.s), m\u00eb ka b\u00ebr\u00eb me e dasht\u00eb Pejgamberin (a.s)!\u201d<\/p>\n