{"id":20842,"date":"2026-03-13T23:00:03","date_gmt":"2026-03-13T23:00:03","guid":{"rendered":"https:\/\/myftinia-shkoder.org\/?p=20842"},"modified":"2026-03-14T13:54:07","modified_gmt":"2026-03-14T13:54:07","slug":"myftiu-ben-thirrje-qe-shpirti-i-ramazanit-te-sherbeje-per-rritjen-e-muslimaneve-ne-shoqeri","status":"publish","type":"post","link":"https:\/\/myftinia-shkoder.org\/?p=20842","title":{"rendered":"Myftiu b\u00ebn thirrje q\u00eb shpirti i Ramazanit t\u00eb sh\u00ebrbej\u00eb p\u00ebr rritjen e musliman\u00ebve n\u00eb shoq\u00ebri!"},"content":{"rendered":"

Myftiu b\u00ebn thirrje q\u00eb shpirti i Ramazanit t\u00eb sh\u00ebrbej\u00eb p\u00ebr rritjen e musliman\u00ebve n\u00eb shoq\u00ebri!<\/strong><\/p>\n

Dit\u00ebn e xhuma, m\u00eb 13 mars 2026, q\u00eb p\u00ebrkon m\u00eb 23 Ramazan 1447, Myftiu i Shkodr\u00ebs, Imam Muhamed B. Sytari mbajti d\u00ebrsin e xhumas\u00eb n\u00eb xhamin\u00eb e Parruc\u00ebs, ku iu drejtua t\u00eb pranishm\u00ebve me disa mesazhe kryesisht p\u00ebr rinin\u00eb, n\u00ebp\u00ebrmjet t\u00eb cilave b\u00ebri thirrje q\u00eb shpirti dhe mesazhet e Muajit t\u00eb Begat\u00eb t\u00eb Ramazanit t\u00eb ruhen dhe t\u00eb na sh\u00ebrbejn\u00eb p\u00ebr t\u2019u rritur p\u00ebrher\u00eb e m\u00eb shum\u00eb n\u00eb shoq\u00ebrin\u00eb ton\u00eb, p\u00ebr t\u2019u ndjer\u00eb dhe p\u00ebr t\u2019u d\u00ebshmuar madh\u00ebshtia e Islamit n\u00eb \u00e7do sfer\u00eb t\u00eb jet\u00ebs dhe p\u00ebr t\u2019u prekur gjurma e musliman\u00ebve n\u00eb \u00e7do sfer\u00eb t\u00eb jet\u00ebs, si nj\u00eb domosdoshm\u00ebri p\u00ebr ruajtjen e amanetit t\u00eb madh t\u00eb jet\u00ebs dhe p\u00ebrhapjes s\u00eb thirrjes islame me \u00e7do frym\u00eb.<\/p>\n

Nd\u00ebr t\u00eb tjera Myftiu theksoi: \u201cKy \u00ebsht\u00eb muaji i pendimit, ky \u00ebsht\u00eb muaji i shpres\u00ebs, ky \u00ebsht\u00eb muaji i rim\u00ebk\u00ebmbjes; ky \u00ebsht\u00eb nj\u00eb muaj, q\u00eb sikurse thon\u00eb edhe hoxhallar\u00ebt tan\u00eb, nd\u00ebr ta Dr. Ratib En-Nabulsi, se ai q\u00eb nuk e ndryshon sjelljen e tij, edhe komunikimin e tij, pas Ramazanit, pra \u00ebsht\u00eb i nj\u00ebjti person si ai q\u00eb hyr\u00eb n\u00eb dit\u00ebn e par\u00eb t\u00eb Ramazanit, un\u00eb them q\u00eb agj\u00ebrimi i tij ka qen\u00eb krejt formal!\u201d<\/p>\n

Myftiu i b\u00ebri thirrje rinis\u00eb q\u00eb me shpirtin e agj\u00ebrimit t\u00eb Ramazanit q\u00eb e distancon njeriun nga ndalesat dhe nga veprat e sh\u00ebmtuara, t\u00eb ecin p\u00ebrpara duke u ndar\u00eb nga fenomenet negative t\u00eb p\u00ebrhapura n\u00eb mas\u00eb n\u00eb shoq\u00ebrin\u00eb shqiptare sot, si: Korrupsioni, mashtrimi, g\u00ebnjeshtra, tradhtia komb\u00ebtare, grabitja e pron\u00ebs s\u00eb tjetrit (ku n\u00eb m\u00ebnyr\u00eb t\u00eb ve\u00e7ant\u00eb u ndal tek grabitja flagrante dhe masakra barbare ndaj vak\u00ebfit t\u00eb musliman\u00ebve n\u00eb Fush\u00eb \u00c7el\u00eb, ku Myftiu tha se p\u00ebrtej p\u00ebrpjekjeve serioze t\u00eb Kryesis\u00eb s\u00eb Komunitetit Mysliman t\u00eb Shqip\u00ebris\u00eb e t\u00eb Myftinis\u00eb Shkod\u00ebr, por jo vet\u00ebm, realitetet jan\u00eb k\u00ebto q\u00eb d\u00ebshmohen sot!?), imoraliteti, shkat\u00ebrrimi i familjes, etj.<\/p>\n

D\u00ebrsi i xhumas\u00eb s\u00eb sotme sh\u00ebnon edhe t\u00eb xhuman\u00eb e fundit t\u00eb k\u00ebtij Muaji t\u00eb Begat\u00eb t\u00eb Ramazanit 1447.<\/p>\n

Me mbar\u00ebsin\u00eb e Allahut t\u00eb Madh\u00ebruar, t\u00eb xhuman\u00eb e ardhshme, musliman\u00ebt festojn\u00eb dit\u00ebn e par\u00eb t\u00eb Fit\u00ebr Bajramit.<\/p>\n