{"id":20902,"date":"2026-03-14T16:37:42","date_gmt":"2026-03-14T16:37:42","guid":{"rendered":"https:\/\/myftinia-shkoder.org\/?p=20902"},"modified":"2026-03-14T22:41:49","modified_gmt":"2026-03-14T22:41:49","slug":"perse-e-kerkojme-naten-e-kadrit","status":"publish","type":"post","link":"https:\/\/myftinia-shkoder.org\/?p=20902","title":{"rendered":"P\u00ebrse e k\u00ebrkojm\u00eb Nat\u00ebn e Kadrit?"},"content":{"rendered":"

P\u00ebrse e k\u00ebrkojm\u00eb Nat\u00ebn e Kadrit?<\/strong><\/p>\n

Dit\u00ebn e xhuma, m\u00eb 13 mars 2026, Myftiu i Shkodr\u00ebs, Imam Muhamed B. Sytari, zgjodhi xhamin\u00eb e fshatit Trush p\u00ebr t\u00eb falur namazin e jacis\u00eb dhe t\u00eb teravis\u00eb me besimtar\u00ebt e shumt\u00eb t\u00eb pranish\u00ebm n\u00eb k\u00ebt\u00eb xhami.<\/p>\n

N\u00eb prag t\u00eb namazit t\u00eb teravis\u00eb, Myftiu iu drejtua besimtar\u00ebve me nj\u00eb k\u00ebshill\u00eb fetare, n\u00ebp\u00ebrmjet t\u00eb cil\u00ebs hodhi drit\u00eb rreth vlerave dhe madh\u00ebshtis\u00eb s\u00eb Nat\u00ebs s\u00eb Kadrit, sikurse ftoi besimtar\u00ebt q\u00eb t\u00eb shfryt\u00ebzojn\u00eb maksimalisht koh\u00ebn e ngelur nga 10 dit\u00ebt e fundit t\u00eb muajit Ramazan 1447.<\/p>\n

N\u00eb fjal\u00ebn e tij, Myftiu iu referua ajeteve t\u00eb sures El-Kadr, ku Zoti i gjith\u00ebsis\u00eb na tregon p\u00ebr madh\u00ebshtin\u00eb e Nat\u00ebs s\u00eb Kadrit, e cila \u00ebsht\u00eb \u201cM\u00eb e mir\u00eb se sa nj\u00ebmij\u00eb muaj!\u201d.<\/p>\n

N\u00eb k\u00ebt\u00eb kontekst, Myftiu vuri theksin tek m\u00ebshira e madhe dhe e pakufishme, me t\u00eb cil\u00ebn Zoti i gjith\u00ebsis\u00eb i drejtohet besimtar\u00ebve p\u00ebr t\u2019i ftuar drejt dashnis\u00eb s\u00eb Tij, p\u00ebr t\u2019i pastruar nga gabimet dhe gjynahet, p\u00ebr t\u2019i pranuar veprat dhe adhurimet e tyre dhe p\u00ebr t\u2019i lart\u00ebsuar n\u00eb gradat m\u00eb t\u00eb larta t\u00eb njer\u00ebzve t\u00eb p\u00ebrkushtuar.<\/p>\n

Gjat\u00eb fjal\u00ebs s\u00eb tij, Myftiu fal\u00ebnderoi nj\u00ebkoh\u00ebsisht imamin e xhamis\u00eb, H. Jetmir Braqi dhe ndihm\u00ebsin e tij, H. Elsamed Tula, i cili sh\u00ebrben nj\u00ebkoh\u00ebsisht edhe n\u00eb xhamin\u00eb e fshatit Golem, p\u00ebr p\u00ebrkushtimin e tyre, p\u00ebr mir\u00ebmbajtjen e xhamis\u00eb s\u00eb Trushit, e cila mbetet nj\u00eb shembull i mir\u00eb i organizimit t\u00eb jet\u00ebs fetare, i pranis\u00eb s\u00eb djemve t\u00eb rinj dhe besimtar\u00ebve t\u00eb shumt\u00eb, q\u00eb e frekuentojn\u00eb xhamin\u00eb n\u00eb aktivitete t\u00eb ndrysh\u00ebm dhe ve\u00e7an\u00ebrisht gjat\u00eb Muajit t\u00eb Begat\u00eb t\u00eb Ramazanit.<\/p>\n