{"id":21124,"date":"2026-04-15T21:42:28","date_gmt":"2026-04-15T21:42:28","guid":{"rendered":"https:\/\/myftinia-shkoder.org\/?p=21124"},"modified":"2026-04-15T22:06:30","modified_gmt":"2026-04-15T22:06:30","slug":"kryetari-i-komunitetit-musliman-shqiptar-ne-zvicer-vizitoi-shkodren","status":"publish","type":"post","link":"https:\/\/myftinia-shkoder.org\/?p=21124","title":{"rendered":"Kryetari i Komunitetit Musliman Shqiptar n\u00eb Zvic\u00ebr vizitoi Shkodr\u00ebn"},"content":{"rendered":"

Kryetari i Komunitetit Musliman Shqiptar n\u00eb Zvic\u00ebr vizitoi Shkodr\u00ebn<\/strong><\/p>\n

Dit\u00ebn e m\u00ebrkur\u00eb, m\u00eb 15 prill 2026, Myftiu i Shkodr\u00ebs, Imam Muhamed B. Sytari priti n\u00eb nj\u00eb takim t\u00eb p\u00ebrzem\u00ebrt e v\u00ebllaz\u00ebror, Kryetarin e Komunitetit Musliman Shqiptar n\u00eb Zvic\u00ebr, Hfz. Mehas ef. Alija, q\u00eb shoq\u00ebrohej n\u00eb k\u00ebt\u00eb vizit\u00eb nga n\u00ebnkryetari i par\u00eb i KMShZ-s\u00eb, Mr. Fehim ef. Abazi dhe n\u00ebnkryetari i dyt\u00eb i KMShZ-s\u00eb, Dr. Besim ef. Nuzi.<\/p>\n

Gjat\u00eb takimit t\u00eb p\u00ebrzem\u00ebrt, Myftiu i Shkodr\u00ebs shprehu k\u00ebnaq\u00ebsin\u00eb e tij p\u00ebr vizit\u00ebn e shum\u00ebpritur t\u00eb v\u00ebllez\u00ebrve t\u00eb tij t\u00eb dashur, Kryetarit t\u00eb KMShZ-s\u00eb dhe dy n\u00ebnkryetar\u00ebve t\u00eb k\u00ebtij institucioni, q\u00eb mbledh n\u00ebn ombrell\u00ebn e tij mbi 80 qendra islame shqiptare n\u00eb Zvic\u00ebr.<\/p>\n

Gjat\u00eb bashk\u00ebbisedimit v\u00ebllaz\u00ebror u diskutua rreth angazhimeve dhe sh\u00ebrbimeve me dobi q\u00eb hoxhallar\u00ebt e nderuar shqiptar\u00eb kryejn\u00eb sot n\u00eb shtetin helvet, duke u b\u00ebr\u00eb ambasador\u00ebt m\u00eb t\u00eb mir\u00eb t\u00eb Islamit dhe t\u00eb trash\u00ebgimis\u00eb son\u00eb t\u00eb pasur komb\u00ebtare.<\/p>\n

N\u00eb nj\u00eb mesazh p\u00ebrpara mediave t\u00eb pranishme, Myftiu Sytari theksoi se kontributi i hoxhallar\u00ebve shqiptar\u00eb n\u00eb Zvic\u00ebr po rritet dhe konsolidohet dit\u00eb pas dite, duke u kthyer n\u00eb nj\u00eb pik\u00eb referimi edhe p\u00ebr autoritetet vendase, q\u00eb shohin n\u00eb bashk\u00ebpunimin dhe shembullin e drejtuesve t\u00eb lart\u00eb dhe imam\u00ebve t\u00eb KMShZ-s\u00eb, prij\u00ebsit e urt\u00eb dhe largpam\u00ebs q\u00eb kontribuojn\u00eb p\u00ebr t\u00eb mir\u00ebn e komunitetit dhe nd\u00ebrtimin e urave t\u00eb dialogut nd\u00ebrfetar dhe jo vet\u00ebm n\u00eb mesin e pjestar\u00ebve t\u00eb shoq\u00ebris\u00eb zvicerane.<\/p>\n

Nga ana e tij, Kryetari i KMShZ-s\u00eb dhe dy n\u00ebnkryetar\u00ebt e tij, fal\u00ebnderuan Myftiun e Shkodr\u00ebs p\u00ebr mikpritjen dhe shpreh\u00ebn k\u00ebnaq\u00ebsin\u00eb e tyre p\u00ebr k\u00ebt\u00eb vizit\u00eb t\u00eb dashur n\u00eb qytetin e Shkodr\u00ebs.<\/p>\n

M\u00eb pas, bashk\u00ebbisedimi vijoi me diskutimin e nj\u00eb s\u00ebr\u00eb tematikash me interes t\u00eb p\u00ebrbashk\u00ebt.<\/p>\n

Drejtuesit e lart\u00eb t\u00eb KMShZ-s\u00eb, t\u00eb shoq\u00ebruar nga Myftiu i Shkodr\u00ebs, zhvilluan nj\u00eb vizit\u00eb edhe n\u00eb Medresen\u00eb \u201cHaxhi Sheh Shamia\u201d, ku u prit\u00ebn nga z. Kujtim Dervishi dhe z. Nexhmi Spahia, drejtori i ri i Medreses\u00eb \u201cHaxhi Sheh Shamia\u201d, t\u00eb cil\u00ebt informuan miqt\u00eb e dashur me historikun e Medreses\u00eb s\u00eb Shkodr\u00ebs dhe gjurm\u00ebt e sh\u00ebnuara t\u00eb k\u00ebtij institucioni arsimor me vler\u00eb dhe pesh\u00eb komb\u00ebtare gjat\u00eb 35 viteve t\u00eb aktivitetit, pas ringritjes n\u00eb vitin 1991.<\/p>\n

Pjes\u00eb e k\u00ebsaj vizite ishte edhe falja e namazit t\u00eb iqindis\u00eb n\u00eb xhamin\u00eb e Plumbit, ku vizitor\u00ebt e dashur pan\u00eb nga af\u00ebr kompleksin e ri t\u00eb xhamis\u00eb shekullore t\u00eb qytetit t\u00eb Shkodr\u00ebs, dhe d\u00ebgjuan me k\u00ebnaq\u00ebsi informacionet rreth historikut t\u00eb k\u00ebsaj xhamie t\u00eb lasht\u00eb, e cila ka hapur dyert prej rreth nj\u00eb viti, pas rikonstruksionit t\u00eb shum\u00ebpritur q\u00eb i dha k\u00ebt\u00eb pamje t\u00eb mrekullueshme dhe t\u00eb shum\u00ebpritur p\u00ebr t\u00eb gjith\u00eb besimtar\u00ebt dhe vizitor\u00ebt e shumt\u00eb t\u00eb saj.<\/p>\n