{"id":21167,"date":"2026-04-17T19:55:22","date_gmt":"2026-04-17T19:55:22","guid":{"rendered":"https:\/\/myftinia-shkoder.org\/?p=21167"},"modified":"2026-04-17T20:48:51","modified_gmt":"2026-04-17T20:48:51","slug":"myftiu-mbajti-hytben-e-xhumase-ne-xhamine-e-kalase-se-drishtit","status":"publish","type":"post","link":"https:\/\/myftinia-shkoder.org\/?p=21167","title":{"rendered":"Myftiu mbajti hytben e xhumas\u00eb n\u00eb xhamin\u00eb e Kalas\u00eb s\u00eb Drishtit"},"content":{"rendered":"

Myftiu mbajti hytben e xhumas\u00eb n\u00eb xhamin\u00eb e Kalas\u00eb s\u00eb Drishtit<\/strong><\/p>\n

N\u00eb kuad\u00ebr t\u00eb nj\u00eb programi t\u00eb posa\u00e7\u00ebm p\u00ebr gjall\u00ebrimin e jet\u00ebs fetare n\u00eb xhamin\u00eb e Kalas\u00eb s\u00eb Drishtit, nisi cikli i ri i ligj\u00ebratave t\u00eb dit\u00ebs s\u00eb xhuma p\u00ebr periudh\u00ebn 17 prill \u2013 29 maj 2026.<\/p>\n

Sipas programit t\u00eb afishuar dhe t\u00eb shp\u00ebrndar\u00eb nga Myftinia Shkod\u00ebr, dit\u00ebn e xhuma, m\u00eb 17 prill 2026, Myftiu i Shkodr\u00ebs, Imam Muhamed B. Sytari, mbajti hytben e k\u00ebsaj jave duke v\u00ebn\u00eb theksin tek r\u00ebnd\u00ebsia q\u00eb ka ruajtja e siguris\u00eb, sh\u00ebndetit dhe mir\u00ebqenies n\u00eb jet\u00ebn e p\u00ebrditshme t\u00eb muslimanit dhe shoq\u00ebris\u00eb n\u00eb p\u00ebrgjith\u00ebsi, si tri shtylla t\u00eb r\u00ebnd\u00ebsishme t\u00eb qytet\u00ebrimit islam dhe zhvillimi t\u00eb jet\u00ebs mbi bazat e udh\u00ebzimit dhe besimit islam.<\/p>\n

N\u00eb hytben e tij, Myftiu i Shkodr\u00ebs, nd\u00ebr t\u00eb tjera tha: \u201cT\u00eb dashur dhe t\u00eb shtrenjt\u00eb motra dhe v\u00ebllez\u00ebr, n\u00eb k\u00ebt\u00eb xhami t\u00eb bukur e t\u00eb hershme t\u00eb Kalas\u00eb s\u00eb Drishtit, nj\u00eb vend i cili ka nj\u00eb gjurm\u00eb t\u00eb sh\u00ebnuar n\u00eb historin\u00eb ton\u00eb komb\u00ebtare, e ku Islami prej shekujsh e shekujsh ka gjetur vend, e ku historikisht zona e Kalas\u00eb s\u00eb Drishtit kan\u00eb qen\u00eb dhe vazhdon t\u00eb jet\u00eb 100% me p\u00ebrkat\u00ebsi islame.<\/p>\n

Edhe ajo q\u00eb t\u00eb b\u00ebn me u ndjer\u00eb krenar \u00ebsht\u00eb se nga momenti i par\u00eb kur ti shkel n\u00eb k\u00ebt\u00eb vend ti e ndjen prekjen e gjurm\u00ebve t\u00eb historis\u00eb p\u00ebrtej realiteteve t\u00eb zymta, me t\u00eb cilat p\u00ebrballet sot kjo zon\u00eb thuajse e izoluar dhe e braktisur, jo shum\u00eb larg qytetit t\u00eb Shkodr\u00ebs.<\/p>\n

P\u00ebrtej k\u00ebtij realiteti, nga momenti i par\u00eb q\u00eb shkel tek dera e kalas\u00eb dhe vazhdon t\u00eb vish n\u00eb drejtim t\u00eb xhamis\u00eb e t\u00eb takohesh me banor\u00ebt e k\u00ebtij vendi, n\u00eb \u00e7do gur e n\u00eb \u00e7do cep, ti e ndjen prekjen e Islamit dhe er\u00ebn e mir\u00eb t\u00eb gjurm\u00ebs nuranite t\u00eb burrave t\u00eb urt\u00eb e grave fisnike e sojnike t\u00eb k\u00ebsaj zone e t\u00eb k\u00ebtij vendi nd\u00ebr shekuj.<\/p>\n

Mos t’ju duket e \u00e7uditshme, sepse besimtari me pun\u00ebn e tij, me kontributin e tij, me angazhimin e tij dhe me p\u00ebrkushtimin e tij; edhe kur largohet nga kjo bot\u00eb e l\u00eb gjurm\u00ebn e drit\u00ebs..!\u201d<\/p>\n

Myftiu zhvilloi nj\u00eb bashk\u00ebbisedim t\u00eb ngroht\u00eb dhe v\u00ebllaz\u00ebror me besimtar\u00ebt e pranish\u00ebm, si dhe imamin dhe kujdestarin e p\u00ebrkushtuar t\u00eb k\u00ebsaj xhamie, H. Isa Muhaj, sikurse shprehu mir\u00ebnjohjen dhe fal\u00ebnderimet e tij m\u00eb t\u00eb thella dhe t\u00eb Myftinis\u00eb Shkod\u00ebr p\u00ebr sh\u00ebrbimet e imamit, myezinit dhe t\u00eb gjith\u00eb besimtar\u00ebve q\u00eb frekuentojn\u00eb k\u00ebt\u00eb xhami.<\/p>\n

Vlen t\u00eb theksohet se banor\u00ebt e Kalas\u00eb s\u00eb Drishtit jan\u00eb 100% musliman\u00eb dhe nd\u00ebr shekuj e kan\u00eb trash\u00ebguar besimin dhe fen\u00eb e tyre, duke ruajtur traditat dhe cil\u00ebsit\u00eb m\u00eb t\u00eb vyera t\u00eb besimit dhe fes\u00eb islame.<\/p>\n

Sot n\u00eb Kalan\u00eb e Drishtit jetojn\u00eb rreth 7 familje me rreth 20 pjestar\u00eb, prej 320 t\u00eb till\u00eb q\u00eb ishin koh\u00eb m\u00eb par\u00eb.<\/p>\n

Sikurse theksoi edhe Myftiu n\u00eb hytben e xhumas\u00eb, zona e Kalas\u00eb s\u00eb Drishtit mbetet nj\u00eb zon\u00eb e izoluar, e n\u00ebp\u00ebrk\u00ebmbur dhe e neglizhuar nga pushtetet e 35 viteve t\u00eb fundit.<\/p>\n

M\u00eb posht\u00eb, linku i hytbes s\u00eb Myftiut:<\/p>\n